მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია -
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რისკები, რომ ქვეყანა ისევ ჩიხში შევიდეს, ძალიან მაღალია" - როგორ აფასებს ექსპერტი ცესკოს გარშემო განვითარებულ მოვლენებს
16:15 / 09-07-2021
ექსპერტ გია ხუხაშვილის მოსაზრებით, რისკები იმისა, რომ ცესკოს თავმჯდომარის გამო ქვეყანა ისევ ჩიხში შევიდეს, ძალიან მაღალია.
როგორც ხუხაშვილმა „ინტერპრესნიუსს“ განუცხადა, პროცესმა ერთგვარი ფარსის სახე მიიღო.
„სერიოზული პრობლემა და უნდობლობაა პოლიტიკურ ელიტაში. თუ ხელისუფლებას უნდოდა ნდობის აღდგენა ამ პროცესისადმი, უნდა მოძებნილიყო საზოგადოებაში მაღალი ცნობადობის ავტორიტეტი, რომელიც მისაღები იქნებოდა მეტ-ნაკლებად ორივე მხარისთვის. ასეთი ხალხი ცოტაა და რთული ამოცანაა, მაგრამ აქეთ უნდა გვემოძრავა. ამ დროს კი ჩვენ ვნახეთ რეგისტრირებული კანდიდატები, რომელსაც საზოგადოება არ იცნობს. გარდა ამისა, თუ რამე პრობლემაა საზოგადოებაში თამარ ჟვანიასთან მიმართებაში, ბუნებრივია, ეს ადამიანები სოლიდარულად ინაწილებენ ამ პასუხისმგებლობს. შესაბამისად, პროცესმა ერთგვარი ფარსის სახე მიიღო და ყველაფერი უპესპექტივო ხდება. ხელისუფლებას არც აქვს იმედი, რომ კომისიის თავმჯდომარეს აირჩევენ. მათ უნდათ დროებითი, ერთჯერადი გამოყენების თავმჯდომარე, 6-თვიანი, ან საერთოდ ჟვანიას მოადგილემ ჩაატაროს არჩევნები. რისკები იმისა, რომ კომისიის თავმჯდომარის გამო ჩვენ ისევ შევიდეთ ჩიხში, ლეგიტიმაციის თვალსაზრისით, ძალიან მაღალია.
წარდგენილი კანდიდატები, სავარაუდოდ, ნდობას ვერ მოიპოვებენ, თუ ვიღაცამ ხელი არ მოაწერა „ოცნების“ სატელიტობაზე. თამარ ჟვანიას პრეისტორია მაინც ჰქონდა, ეს ხალხი კი ტექნიკური მუშაკები არიან, რომლებსაც თუ რამე ცუდი ხდებოდა კომისიაში, სავარაუდოდ, ხელი აქვთ მოწერილი და კომპრომეტირებულები არიან საზოგადოების თვალში“, - განაცხადა ხუხაშვილმა.
ექსპერტის მოსაზრებით, არსებული სიტუაციიდან საუკეთესო გამოსავალი ცესკოს თავმჯდომარედ, 2 წლის ვადით, კომისიის ევროპელი თავმჯდომარის მოწვევა იქნებოდა.
„არსებული მოცემულობიდან გამომდინარე, რადგან ეს პროცესი ევროპული მხარის კურაციის ქვეშაა შარლ მიშელის ეგიდით შესაბამისი შეთანხმების საფუძველზე, ვფიქრობ, ამ შეთანხმების ნაწილი შეიძლებოდა გამხდარიყო, დაახლოებით, 2 წლით კომისიის ევროპელი თავმჯდომარე მოგვეწვია. იმისთვის, რომ კრიზისი მთლიანად გადალახულიყო ამ არაორდინალურ ვითარებაში და ეს ორარჩევნებიანი ციკლი სერიოზული რყევების გარეშე ჩავატაროთ. ეს ხელისუფლებასაც შეზღუდავდა ადმინისტრაციული და პოლიტკური რესურსის ბოროტად გამოყენების თვალსაზრისით და ოპოზიციასაც წაართმევდა სპეკულაციის და აპელირების საშუალებას, რომ რაღაცას აშავებს კომისიის თავმჯდომარე. ეს პროცესს ლეგიტიმაციის შესძენდა. რა თქმა უნდა, არ ვაყენებ საკითხს, რომ სულ გვყავდეს კომისიის ევროპელი თავმჯდომარე.
თუმცა, სამწუხაროდ, ამის პოლიტიკური ნება არა მარტო ხელისუფლებაში, შეიძლება ოპოზიციაშიც არ იყოს, რადგან კომისიის თავმჯდომარისკენ ხელის გაშვერაში შეიზღუდებიან. პროცესი მოსწრებადია, მათ შორის, საკანონმდებლო ცვლილებების თვალსაზრისითაც, თუ ამის პოლიტიკური ნება იქნება. ერთადერთი სწორი გამოსავალი ეს იქნება“, - განაცხადა ხუხაშვილმა.
ცნობისთვის, პრეზიდენტის მიერ შექმნილმა საკონკურსო კომისიამ ცესკოს თავმჯდომარის ვაკანტურ თანამდებობაზე ორი კანდიდატი, ცესკოს მოქმედი თანამშრომლები, ადამიანური რესურსების დეპარტამენტის უფროსი - გიორგი კალანდარიშვილი და იურიდიული დეპარტამენტის უფროსი - გიორგი სანტურიანი შეარჩია. გარდა ამისა, კომისიამ ასევე შეარჩია 5 კანდიდატი ცესკოს წევრის ვაკანტურ თანამდებობებზე - ანა მიქელაძე, თამარა სართანია, ლელა ტალიური, მაია ზარიძე და გია ცაცაშვილი.
შეგახსენებთ, რომ პრეზიდენტმა პარლამენტს კანდიდატურები 3 დღის ვადაში უნდა წარუდგინოს, ხოლო პარლამენტმა გადაწყვეტილება წარდგენიდან ერთი კვირის ვადაში მიიღოს.
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რაღად გვინდა სახელმწიფო, ქართველებს ხომ აღარაფრის უნარი შერჩათ. პრეზიდენტი, ქალაქის მერი , პარლამენტი შარლ მიშელის ეგიდით ავირჩიოთ, წარმოადგინოს უცხოელები დაკომპლექტებული კომპეტენტური სია. აი ერთი რამე კი დაგვითმონ იქნებ ადგილებზე, რეგიონებში მერები და საკრებულოები მაინც აგვარჩევინონ.
ბრძენთა-ბრძენო ხუხა ჟვანია არასამთავროებების წარდგენილი და მიშას დამტკიცებული იყო მაგრამრომ დასჭირდათ ეგრევე გამყალბებელი უწოდეს ვინც არ უნდა წარადგინონ ოპოზიცია მხარს არავის არ დაუჭერს რომ მერე ხელი გაიშვიროს. უნდა გახსოვდეს რომ გვარამია ამერიკის ელჩსაც მოსყიდულს ეძახდა.