"ჭრილობა გულმკერდის არეში აქვს მიყენებული, რის გამოც, დაზიანებულია ფილტვი" - რა მდგომარეობაში ტურისტი,რომელიც "ღირსების მარშის" მოწინააღმდეგეებმა დაჭრეს
ტურისტი, რომელიც „ღირსების მარშის" მოწინააღმდეგეებმა ხეთაგუროვის ქუჩაზე დაჭრეს, ალადაშვილის კლინიკაშია მოთავსებული.
როგორც „ინტერპრესნიუსს“ ალადაშვილის კლინიკაში განუმარტეს, ტურისტს დაზიანებები გულმკერდის არეში აქვს მიყენებული, რის გამოც, დაზიანებულია ფილტვი.
მათივე ინფორმაციით, პაციენტის ჯანმრთელობის მდგომარეობა საშუალო სიმძიმისაა.
„ღირსების მარშის" მოწინააღმდეგეებმა, ხეთაგუროვის ქუჩაზე ტურისტი დაჭრეს. არსებული ინფორმაციით, მას თავს იმის გამო დაესხნენ, რომ საყურე ეკეთა. მომხდარზე შსს-მ ერთი პირი დააკავა. უწყების ინფორმაციით, შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ჩატარებული ოპერატიული და საგამოძიებო მოქმედებების შედეგად 1989 წელს დაბადებული გ. ხ. განზრახ მკვლელობის მცდელობის ბრალდებით, ცხელ კვალზე დააკავეს.
"თბილისი პრაიდი" პარლამენტის წინ დაგეგმილ მდუმარე აქციას უერთდება
"არემჯის“ საერთაშორისო ჯილდო - Leader of the Year გადაეცა
