მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ტრაგედია როსტოვში: ავტომობილში გარდაცვლილი ბავშვები იპოვეს - სიკვდილის მიზეზად ჰაერის მაღალი ტემპერატურა სახელდება
17:09 / 04-07-2021
როსტოვში, კამენსკის მხარეში, ორი ბავშვი ჰაერის მაღალი ტემპერატურის გამო გარდაიცვალა. ინფორმაციას ინრნეტგამოცემა rbc.ru ავრცელებს. 2 და 4 წლის გოგონები ძმას ეთამაშებოდნენ, რა დროსაც იქვე გაჩერებულ მანქანაში გადაძვრნენ. "გოგონების დედამ ისინი რამდენიმე საათის შემდეგ მოიძია და რომ ვეღარ ნახა, პოლიციაში დარეკა.
სამართალდამცველებმა გოგონები იქვე დაპარკინგებულ მანქანაში იპოვეს, ორივე მათგანი სიცხისგან იყო გაგუდული. მცირეწლოვნების გარდაცვალების მიზეზად მაღალი ატმოსფერული ტემპერატურა სახელდება", - წერს გამოცემა.
ადგილობრივები მომხდარს ეხმაურებიან და სოციალურ ქსელში წერენ, რომ ბავშვის დედას სტუმრები ჰყავდა და პატარები ეზოში უმეთვალყურეოდ, ასაკით პატარა ძმასთან ერთად გაუშვა. ერთ-ერთი ვერსიით, დედას ჩაეძინა და შვილების გარეთ ყოფნა გამორჩა. სხვები ამბობენ, რომ მას სტუმრები ჰყავდა, გაერთნენ და ბავშვები გარეთ, უფროსების მეთვალყურეობის გარეშე დარჩნენ.
ადგილობრივები სოციალურ ქსელებში წერენ, რომ მეზობლებმა სოციალურ სამსახურს არაერთხელ დაურეკეს და მიაწოდეს ინფორმაცია, რომ ბავშვები შესაბამის გარემოში არ იზრდებოდნენ, მაგრამ მათი მამა სამხედრო მოსამსახურეა და სახელმწიფომ ანგარიში გაუწია.
"მეზობლებმა არაერთხელ ურჩიეს ბავშვების შინ შეყვანა, რადგან ასეთ მაღალ ტემპერატურაში პატარების ეზოში ყოფნა რეკომენდებული არ იყო, მაგრამ ქალმა უპასუხა, რომ თავისი საქმის თვითონაც იცოდა და პატარა გოგონები 8 წლის ძმას გააყოლა. ბავშვების მამა სამხედრო პირია და მივლინებაში იმყოფება, თორემ შვილებს ასე არ დატოვებდა", - წერს ერთ-ერთი ადგილობრივი, ნატალია სარბოვა.
"მესმის, როიმ დედა უმძიმეს მდგომარეობაშია, მაგრამ მინდა მათ ვუპასუხო ვინც წერს, რომ ეს შეიძლება ყველა მშობელს დაემართოს. რამდენიმე საათი არ მოუკითხავს, ამ პაპანაქებაში. სახლთან ახლოს არიან და რა უჭირსო, ფიქრობდა ალბათ, 8 წლის ბიჭის იმედად ჰყავდა. ვიღაცის გაჩერებული მანქანის სალონში შემძვრალან და უკან ვეღარ გადმოვიდნენ, ექიმები და ექსპრრტიზის თანამშრომლები ამბობდნენ, რომ სიცხისგან გაიგუდნენ საცოდავი ბავშვები.
უწვალიათ, მაგრამ ვერც ფანჯარა ჩამოსწიეს და ვერც კარი გააღეს. რამდენიმე საათი უწვალიათ და უაჰერობისგან გაუგუდნენ", - წერს ეკატერინა ბალბაროვა.
"როგორც ირკვევა, და-ძმა დამალობანას თამაშობდა და პატარა გოგონები მას მანქანაში ემალებოდნენ და მანქანაში შეძრომა მოიფიქრეს. ძმამ ეძება და ვერ იპოვა. ამის შემდეგ დაუძახა დედას. არავინ იცის, რამდენ ხანს ეძებდა 8 წლის ბიჭი და არც ის ვიცით, როდის გამოხედა დედამ. უმძიმესი ტრაგედია მოხდა, ძალიან შემეცოდა დედამისი, ცოცხალ-მკვდარი იყო", - წერს სერგეი ვერემეინკო.
"დედაც დააკავეს, რაც ზოგიერთმა გააპროტესტა. რასაკვირველია, ცოდოა, ერთ წუთში თავზე დაენგრა ყველაფერი, მაგრამ გარშემო ყველას მიუცია შენიშვნა, ყურადღებით მოპყრობოდა ბავშვებს და არავის დაუჯერა... ძალიან მეცოდებიან ბავშვები, მამაც და დედა ყველაზე ბოლოს..." - აღნიშნავს ალექსანდრ გუბანი.
ცნობისთვის, რუსული მედია არ ავრცელებს ოფიციალურ ინფორმაციას დედის, ან რომელიმე სხვა პირის დაკავების შესახებ, თუმცა ცნობილია, რომ საქმეზე გამოძიება მიმდინარეობს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
