მნიშვნელოვანი ინფორმაცია
9
ივლისიდღის ზოგადი ასტროლოგიური პროგნოზი
ოთხშაბათი, მთვარის მეთხუთმეტე დღე დაიწყება 22:10-ზე, მთვარე თხის რქაში გადავა 12:52-ზე –
ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, ეს შესაძლოა სამომავლოდ გამოგადგებათ. იზრდება ტრავმებისა და ძლიერი ნერვული დაძაბულობის ალბათობა. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე. დღეს მოხმარებული პროდუქტები უნდა იყოს მაღალი ხარისხის და ახალი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჰიტლერივით მზად არიან, თავიანთი შვილები ბელადს შესწირონ" - კადიროვის გარემოცვის მიერ გავრცელებული ვიდეოს რუსეთში მწვავე რეაქციები მოჰყვა
09:42 / 03-07-2021
სოციალურ ქსელში ვრცელდება ბავშვის ვიდეო, რომელიც ჩეჩნეთის ლიდერის, რამზან კადიროვის მრჩევლის საიფულაჰ ტურლაევის შვილმა გაავრცელა. შაა ტურლაევის მიერ გამოქვეყნებულ ვიდეოში ასახულ ბავშვს, რომელსაც რუსი გვარდიელის ფორმა აცვია, მკერდზე გვარი "მეჟიდოვი" აწერია. მხარზე ტანკსაწინააღმდეგო ყუმბარმტყორცნი აქვს გადებული და ისრვის შეძახილით, "ახმატი ძალაა.. ალაჰ აკბარ!".
ამის შესახებ ინფორმაციას ტელეკომპანია tvrain.ru ინტერნეტგამოცემა Кавказ.Реалии -ზე დაყრდნობით ავრცელებს.
მოგვიანებით ვიდეორგოლი წაშალეს, თუმცა, რამდენიმე გამოცემამ მისი შენახვა მოასწრო. გამოცემის ცნობით, ბავშვის მამა ჰუსეინ მეჟიდოვია, რომელიც რუსული დამოუკიდებელი მედიის ვარაუდით, "როსგვარდიის" ჩრდილო კავკასიის სამხედრო ოლქის 249-ე სპეციალიზებულ მოტორიზებულ დანაყოფს მეთაურობს. რამდენიმე ხნის წინ მსგავსი ვიდეო ბავშვთან ერთად მისი მონაწილოებით გავრცელდა, ოღონდ იმ ვოდეოში თავად ისრვის.
"დღეს ტაბელური იარაღიდან ტაქტიკური გასროლა განვახორციელე, რომელიც ნაღმმტყროცნელთა დანაყოფს ეკუთვნის" - დაწერა მეჟიდოვმა "ინსტაგრამის" გვერდზე.
"მიმდინარე წლის 1 ივნისს რამზან კადიროვმა მეჟიდოვი "საზოგადოებრივი წესრიგის დაცვაში თავის გამოჩენისთვის" სახელმწიფო მედლით დააჯილდოვა..." - წერს გამოცემა.
რამდენიმე ხნის წინ Новая газета წერდა, რომ შაა ტურლაევზე (კადიროვის მრჩევლის შვილი) ფედერალური და საერთაშორისო მასშტაბის ძებნაა გამოცხადებული, რადგან ის მოსკოვის ცენტრში ჩაცხრილული სახელმწიფო დუმის დეპუტატის, რუსლან იამადევის, ასევე კადიროვის ყოფილი დაცვის წევრის უმარ ისრაელოვის მკვლელობაშია ეჭვმიტანილი.
"მის "ანგარიშზეა" ასევე სულ მცირე სამი ადამიანის გატაცება და მკვლელობა" - წერდა გამოცემა.
რუსი ინტერნეტმომხმარებლები (და არა მხოლოდ) უკვე დიდი ხანია რამზან კადიროვის გავლენებს სახიფათოდ მიიჩნევენ. მათი ნაწილი "კადიროვის კლანის" ზღვარსგადასულ ქმედებებს აკრიტიკებს. თუმცა, ნაწილი მიიჩნევს, რომ, პუტინის ფავორიტი კადიროვი ამ შემთხვევაში არაფერ შუაშია. მათი თქმით, ჩრდილოეთ კავკასიაში იარაღის მიმართ ცხოველი ინტერესი სულ ჰქონდათ და ამას ვერც "ФСБ" უხერხებს რამეს.
"ტურლაევს არათუ პატიმრობა ემუქრება, დღემდე განაგრძობს პუტინისა და კადიროვის დავალებების შესრულებას, თანაც მხოლოდ რუსეთშიკი არა, მის ფარგლებს გარეთაც. ასეთ კადრს ისინი ყოველთვის შესაბამისად ითვისებენ. ეს ყველაფერი ძალიან მალე ცუდად მოუბრუნდება რუსეთს, თუმცა, უკვე ვიმკით კადიროვის აღზევების შედეგებს..." - წერს ელენა ბორისოვა.
კადიროვისთვის მიუღებელი პერსონა სამზარეულოს დანით რომ გამოჩენილიყო ვიდეოში, მას აუცილებლად ჩაავლებდნენ და ISIS-ის წევრობის ან მასთან კავშირის გამო გააქრობდნენ. თუმცა, კადიროვისა და პუტინის ქვეყანაში ყველაფერი ისე ხდება, როგორც თავად სურთ..." - წერს სერგეი მატვინენკო.
"რატომ გიკვირთ, აბა ჩეჩენი ბავშვი წიგნს ხომ არ დაიჭერდა ხელში?.. აქ მთავარია, პუტინისა და კადიროვის შეთამაშებული დუეტი, მათ თუ დასჭირდათ, რომელიმეს გავლენის დასაცავად, მოსკოვის ცენტრშიც ვნახავთ ტანკსაწინააღმდეგო ყუმბარმტყორცნით შეიარაღებულ ადამიანებს ჩეჩნეთიდან..." - მიაჩნია ალექს ბორისოვს.
"აშკარად არასრულწლოვანია... რა გარანტია ჰქონდათ, რომ რამეს არ დაიშავებდა. ჰიტლერელებივით მზად არიან თავიანთი შვილები ბელადს შესწირონ. რა სახიფათოა ეს ყველაფერი, მხოლოდ ჩეჩნეთი კი არა, მოსკოვი და მთლიანად რუსეთი ზის ნაღმზე..." - წერს კიდევ ერთი ინტერნეტმომხმარებელი ვლადიმირ ლაზარევი.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა გზავნილები აქვთ ევროპარლამენტარებს და როგორია გამოხმაურებები საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ველურები
სტატიას უაზრო სათაური აქვს- სად ჰყავდა ჰიტლერს შვილები და ვის შესწირა?