მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რჩევები, რომლებიც მანქანის საწვავის ხარჯის შემცირებაში რეალურად დაგეხმარებათ
16:01 / 02-07-2021
საქართველოში საწვავის ფასმა ისტორიულ მაქსიმუმს მიაღწია და შესაბამისად, საწვავის ხარჯის შემცირება უამრავი ადამიანისთვის ძალიან აქტუალური საკითხი გახდა. ეს შეიძლება ბევრს არარეალურად მოეჩვენოს, მაგრამ სინამდვილეში თუ მანქანას სათანადოდ გამართავთ და ხელს შეუწყობთ, რომ თითოეულმა დეტალმა სწორად იფუნქციონიროს, საწვავის ხარჯის შემცირება სრულიად რეალურია.
საწვავის მოხმარების შემცირების შესაძლებლობებზე უფრო დეტალურად სასაუბროდ „თეგეტა მოტორსს“ მივმართეთ, რომლის პროფესიონალი კონსულტანტებიც გირჩევენ, რა უნდა გააკეთოთ, რომ მანქანა მაქსიმალურად ეკონომიური იყოს.
დროულად გამოცვალეთ ჰაერისა და საწვავისს ფილტრები
ძრავის ჰაერის ფილტრის გამართულობა პირდაპირ კავშირშია საწვავის მოხმარებასთან. ძრავში შესული საწვავის ასაფეთქებლად საჭიროა ჟანგბადი, ანუ ჰაერის მიწოდება ყოველთვის გამართულად უნდა ხდებოდეს. თუ ჰაერის ფილტრი გამოსაცვლელია, მაშინ ძრავში ჰაერი და შესაბამისად, ჟაგბადი დაბალი ნაკადით ხვდება. ხოლო რაც უფრო დაბალი ნაკადით მიეწოდება ჟანგბადი ძრავს, მით მეტი საწვავი სჭირდება, რომ სასურველი სიმძლავრე გამოიმუშაოს. შესაბამისად, თუ ჩვეულ რეჟიმში თქვენს ავტომობილს 7 ლ. საწვავი სჭირდება 100 კმ მანძილის დასაფარად, ჰაერის ფილტრის დაბინძურების დროს ეს მაჩვენებელი შეიძლება 10 ლ–მდეც კი გაიზარდოს.
სწორად შეარჩიეთ საბურავები
შეიძლება გაგიკვირდეთ კიდეც, თუ რა კავშირია საბურავებსა და მოხმარებულ საწვავს შორის, მაგრამ რეალურად მათ შორის კავშირი საკმაოდ დიდია. მანქანა გზის სავალ ზედაპირს მხოლოდ საბურავით ეხება და შეხების დროს ხახუნის ძალა წარმოიქმნება. რაც მეტია ხახუნის ძალა, მით მეტი ენერგია სჭირდება მანქანას. შესაბამისად, რაც უფრო უხეში, დიდი და მძიმეა საბურავი, მით მეტი ენერგია, სიმძლავრე და საწვავი სჭირდება მას გადასაადგილებლად. ბოლო პერიოდში საბურავების მწარმოებლებმა ტექნოლოგია დახვეწეს და დაიწყეს ისეთი საბურავების წარმოება, რომელსაც ნაკლები ხახუნის ძალა აქვს. შესაბამისად, ნაკლები ენერგია და საწვავი სჭირდება მანქანას. ისინი საწვავის მოხმარებას დაახლოებით 3%–ით ამცირებენ. მსგავსი საბურავები მხოლოდ სტანდარტ კლასის ავტომობილებისთვისაა ხელმისაწვდომი.
გაასწორეთ საბურავების ნახარი ანუ ე.წ. რაზვალი
რაზვალის გასწორება ნიშნავს, რომ საბურავები სწორად უნდა ეხებოდეს გზის სავალ ზედაპირს და გადახრა არც ერთ მხარეს არ უნდა ფიქსირდებოდეს. თუ საბურავები რომელიმე მხარეს გადახრილია და არასწორად ედება ზედაპირს, მაშინ თავისუფალი სვლა უფრო შეზღუდულია და ძრავსაც მეტი ძალა და შესაბამისად, მეტი საწვავი სჭირდება, რომ წინაღობა და ხახუნის ძალა დაძლიოს. ამიტომ მნიშვნელოვანია, გახსოვდეთ, რომ რაზვალის გასწორება მხოლოდ საბურავების არასწორი ცვეთის პრობლემას კი არ მოგიგვარებთ, არამედ წვასაც შეგიმცირებთ.
დროულად გამოცვალეთ აალების სანთლები ანუ ე.წ. სვეჩები
აალების სანთლები წარმოქმნის ნაპერწკალს, რომელიც შემდეგ ძრავში შესულ საწვავს აფეთქებს. ნაპერწკლის წარმოქმნა ხდება მუდმივ რეჟიმში, როდესაც მანქანა დაქოქილია. დროთა განმავლობაში კი აალების სანთლები ცვდება და ნაპერწკლის წარმოქმნა ისეთი ინტენსიური და ძლიერი აღარაა. სუსტი და იშვიათი ნაპერწკალი კი საწვავს სრულად ვეღარ წვავს და და შესაბამისად, ძრავში შესული საწვავის გარკვეული ნაწილი იკარგება. ეს კი საწვავის ზედმეტი ხარჯია. ამიტომ აალების სანთლების დროულად გამოცვლა მეტად მნიშვნელოვანია. მისი ექსპლუატაციის ვადა დამოკიდებულია თავად პროდუქტის ხარისხსა და მეტალზე, რომლისგანაც ის დამზადებულია.
საწვავის ხარჯის შესამცირებლად თითოეული ამ დეტალის გამართულობის შემოწმებისა და საჭიროების შემთხვევაში გამოცვლის შემდეგ მანქანას გარკვეული სერვისებიც უნდა ჩაუტაროთ. ეს არის გეგმიური სერვისები, რომელთა წელიწადში ორჯერ ჩატარებითაც, საწვავის ხარჯს შეამცირებთ.
გაწმინდეთ თავისუფალი სვლის რეგულატორი
თავისუფალი სვლის რეგულატორი ცნობილია როგორც დროსერი. ეს პროცედურა ძრავში შემავალ ჰაერს უკავშირდება. ჰაერი, რომელიც გაივლის ძრავში შემავალი ჰაერის ფილტრს, შემდეგ აწვება პატარა კარებივით დეტალს, რომელიც წნევით უნდა გაიღოს. თუმცა თუ ამ ე.წ. კარებთან ჭუჭყი დაგროვდება და აღარ დაიკეტა, მილში ჰაერი უკონტროლოდ შევა. რაც მეტი ჰაერი შევა ძრავში, მით მეტ საწვავს შეუშვებს პროგრამა, რადგან ჰაერის და საწვავის მოხმარება პროპორციულია. შესაბამისად, თუ თავისუფალი სვლის რეგულატორს სისტემატიურად არ გააწმენდინებთ, საწვავის ხარჯი ხელოვნურად გაგეზრდებათ.
შეამოწმეთ ჰაერმზომი
ჰაერმზომი დეტალია, რომელიც ძრავში შეშვებული ჰაერის მოცულობაზეა პასუხისმგებელი. თუ ეს მოწყობილობა გამართულად არ იმუშავებს, ჰაერი ხან მეტი შევა ძრავში, ხან ნაკლები. შესაბამისად, გაიზრდება საწვავის ხარჯი და არც მანქანა იმუშავებს გამართულად. შეიძლება, პერიოდულად უსიამოვნო დეტონაციაც კი იგრძნოთ ხოლმე.
„თეგეტა მოტორსში“ განმარტავენ, რომ მათთან ხშირად მიდიან მომხმარებლები, რომლებსაც საწვავის გაზრდილი მოხმარება აწუხებთ და მათ ავტომობილებს სტანდარტულად თითოეული ზემოთ ჩამოთვლილი პროცედურა უტარდებათ. შედეგად კი ავტომობილების 90%–ს საწვავის მოხმარება საგრძნობლად უმცირდება.
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მართალია და კიდევ ერთი არ მოგატყუონ საწვავის რაოდენობაში
რაც მთავარია ყოველ შემთცვევისათვის იქონიე საკმარისი რაოდენობით ფულის კუპიურები,აჯობებს ამერიკული მწვანე.