მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნინოწმინდაში მცირე ზომის ბავშვთა სახლები აშენდება - რაზე ისაუბრეს საპატრიარქოში გმართულ შეხვედრაზე
16:31 / 29-06-2021
ნინოწმინდაში მცირე ზომის ბავშვთა სახლების მშენებლობა იგეგმება, - ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ ჟურნალისტებთან ჯანდაცვის მინისტრის, ეკატერინე ტიკარაძის და საპატრიარქოს წარმომადგენლების შეხვედრის შემდეგ განაცხადა, სადაც ნინოწმინდის ბავშვთა პანსიონთან დაკავშირებით განვითარებულ მოვლენებზე ისაუბრეს.
როგორც ჯაღმაიძე აღნიშნავს, ბავშვთა სახლები, რომელიც ნინოწმინდაში აშენდება, საერთაშორისო სტანდარტებს დააკმაყოფილებს.
„შეფასდა განვლილი პერიოდი მას შემდეგ, რაც მეუფე იაკობი ბავშვთა სახლის ხელმძღვანელად დაინიშნა. ორივე მხრიდან იქნა გამოთქმული კმაყოფილება იმასთან დაკავშირებით, თუ როგორ მიდის პროცესი. საუბარი იყო შემდგომ ნაბიჯებზე, უნდა მოხდეს დეინსტიტუტიზაცია, ბავშვები უპირველესად უნდა დაბრუნდნენ ბიოლოგიურ ოჯახებში, თუ ეს არ მოხერხდა ოჯახური ტიპის ბავშვთა სახლებში, ბოლო არჩევანი იქნება მცირე ზომის ბავშვთა სახლები.
სწორედ მცირე ზომის ბავშვთა სახლების მშენებლობა იგეგმება ნინოწმინდაში, ამაში მონაწილეობას მიიღებენ დამსწრე ორგანიზაციის წარმომადგენლები, ასე რომ შემდგომში გაგრძელდება ეს თანამშრომლობა იმისთვის, რომ ბავშვთა სახლები, რომელიც ნინოწმინდაში იქნება, იყოს იმ სახის და ისეთი სტანდარტის, როგორსაც გულისხმობს საერთაშორისო მოთხოვნები“, - აღნიშნავს ჯაღმაიძე.
მისივე თქმით, ამ ეტაპზე ნინოწმინდის ბავშვთა პანსიონის დახურვაზე საუბარი არ არის.
„პროცესი მიმდინარეობს და დახურვაზე და ვადებზე საუბარი არ არის. საუბარი იმაზე იყო, რომ არ შეიძლება პროცესების ხელოვნურად დაჩქარება. ბუნებრივად უნდა მიმდინარეობდეს ეს, არავინ არავის არ დააძალებს სადმე წასვლას, ან უკან დაბრუნებას“, - აღნიშნავს ჯაღმაიძე.
ამასთან, როგორც ჯაღმაიძე აღნიშნავს, საპატრიარქოში გამართულ შეხვედრაზე აღინიშნა, რომ მეუფე იაკობი „ძალიან ეფექტურად უძღვება საქმეს“.
ცნობისთვის, ნინოწმინდის ბავშვთა პანსიონის ხელმძღვანელად ბოდბელი მთავარეპისკოპოსი, მეუფე იაკობი 15 ივნისს დაინიშნა. როგორც მეუფე იაკობმა ჟურნალისტებს განუცხადა, პანსიონის უკვე ყოფილმა ხელმძღვანელმა, მეუფე სპირიდონმა ეპარქიაში დაბრუნება თავისი ნებით გადაწყვიტა.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სკოლის დამთავრების შემდეგ უნდა გადაეცეთ სახლი და გექტარი მიწა
ბავშვთა სახლები და ბავშვთა აღზრდა სახელმწიფოს ვალდებულებაა, შესაბამისად სახელმწიფომ შეასრულოს თავისი ვალდებულება, მაგისთვის იხდის საქართველოს მოქალაქე გადასახადებს და არა იმისთვის, რომ მართლმადიდებელ ეკლესიას ჩავაბაროთ მართლმადიდებელი ბავშვები აღსაზრდელად, მუსულმანებს-მუსულმანები და ასე შემდეგ, დროა დამთავრდეს ვიღაცეების დიქტატი ბავშვებზე და მათ მომავალზე.