მნიშვნელოვანი ინფორმაცია
13
ივნისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე, მერწყულს ესტუმრება 14:57-ზე – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ასტრაზენეკას" შემთხვევაში "დოზის დანაკარგმა" 3%, "ფაიზერის" შემთხვევაში კი 0,3% შეადგინა - როგორ განმარტავს თამარ გაბუნია ვაქცინების მიწოდების პროცესში ხარვეზებს
13:51 / 29-06-2021
ნამდვილად არ არის მისაღები ჩვენთვის, რომ მოქალაქე, რომელიც მიდის აცრის ცენტრში და გეგმავს აცრა ჩაიტაროს, ვერ იღებს მისთვის განკუთვნილ დოზას. რა თქმა უნდა, ეს არის სერიოზული ხარვეზი და ამას მოჰყვა ჩვენი პასუხი, ასევე, აუდიტის სამსახურის მობილიზება იმისთვის, რომ ყველა დონეზე ასეთი ხარვეზების რისკები შეფასდეს და მოხდეს მაქსიმალური გადაზღვევა, - ამის შესახებ ჯანდაცვის მინისტრის პირველმა მოადგილემ, თამარ გაბუნიამ ვაქცინების შენახვის ადგილიდან მიმწოდებელ დაწესებულებამდე მისი გადაცემის პროცესში დაფიქსირებული ხარვეზის შესახებ განაცხადა.
ამასთანავე, ის გამოეხმაურა გავრცელებულ ინფორმაციას იმასთან დაკავშირებით, რომ სისტემაში ვაქცინის დოზები დაიკარგა და ამ ინფორმაციას გაბუნიამ უტრირებული უწოდა. მინისტრის მოადგილემ განმარტა, რომ ვაქცინაციის გეგმაში დაფიქსირებულია „დოზის დანაკარგი“, რომელიც პროგნოზულად 15%-ია, თუმცა „ასტრაზენეკას“ შემთხვევაში დანაკარგის ოდენობამ 3%, „ფაიზერის“ შემთხვევაში კი 0,3% შეადგინა.
„კონკრეტულად „ასტრაზენეკას“ ვაქცინების ადმინისტრირებასთან დაკავშირებით, მინდა, ვრცელი განმარტება გავაკეთო. „ასტრაზენეკას“ ვაქცინები ქვეყანამ „კოვაქსის“ პლატფორმიდან შეისყიდა 129 ათასი დოზის ოდენობით, აქედან 86 ათასი დოზა მიიღო იმ ვადებში, რომელშიც იყო დადგენილი და დარჩენილ 43 ათასს ველოდებოდით ჩვენ უკვე მაისის დასაწყისიდან, თუმცა გარკვეული მიზეზებით ეს გადავადდა და ბოლო ვადა, რომელიც იყო დათქმული, არის 22 ივნისი, რაზეც იყო აწყობილი ლოჯისტიკურად ჩვენი მიწოდების სქემა. ესეც გადავადდა და ამან გამოიწვია მოწოდებაში შეფერხება. ახლა რაც შეეხება დოზებთან დაკავშირებულ პრობლემას, გაჟღერდა არაერთხელ, რომ რაღაც დოზა დაიკარგა, სადღაც გაქრა. რა თქმა უნდა, ეს ყველაფერი არის უტრირებული აღწერა იმ სიტუაციის, რომელთანაც საქმე გვაქვს. „დოზის დანაკარგი“ არის ტექნიკური ტერმინი ვაქცინაციის პროგრამაში. ჩვენი გეგმით, პროგნოზული დანაკარგი არის 15%. ჩვენს შემთხვევაში, გამომდინარე იქიდან, რომ „ასტრაზენეკას“ ვაქცინების დოზები არის 10-დოზიანი, ყველაზე მაღალი დანაკარგი გამოვიდა „ასტრაზენეკას“ შემთხვევაში, რაც არის 3%. ეს ზოგადად პროგნოზულ მაჩვენებელთან და ასევე, საერთაშორისო პრაქტიკასთან შედარებით არის საკმაოდ დაბალი მაჩვენებელი. რაც შეეხება „სინოფარმისა“ და სინოვაკის დოზების დანაკარგს, პრაქტიკულად, არის ნული, ერთეული შემთხვევა იყო, როდესაც გატყდა, დაზიანდა და ვერ გამოიყენა ექთანმა შემდეგ დოზა. 0,3% კი არის „ფაიზერის“ შემთხვევაში და ესეც უკავშირდება მექანიკურ დაზიანებას. ამდენად, ეს არის ჩვეულებრივი მიმდინარე ფაქტორი ვაქცინაციის პროგრამაში.
რასაც აუდიტის სამსახურიც სწავლობს და რაც არ გვინდა, რომ განმეორდეს სამომავლოდ, როდესაც მასშტაბი ვაქცინაციის პროცესის იქნება ძალიან დიდი - მიწოდების პროცესში არ უნდა შეფერხდეს ვაქცინის გადაცემა მისი შენახვის ადგილიდან ვაქცინაციის მიმწოდებელ დაწესებულებაში. ეს ხარვეზი გამოვლინდა, პირველ რიგში და ამას აუდიტი უკვე ყველა დონეზე შეისწავლის იმისთვის, რომ ლოჯისტიკის ჯაჭვი იყოს სრულად გამართული და მსგავსი პრობლემები არ შეიქმნას,“ - განაცხადა გაბუნიამ.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არაპროფესიონალიზმის ზეიმია ყველა სფეროში დღეს. რატომ არის გასაკვირი როდესაც მინისტრებად ინიშნებიან პირადი კბილის ექიმი, პირადი დაცვის უფროსი, პირადი ბანკირი და ა.შ. ჩვენ აღარ ვართ ქვეყანა, არამედ ერთი კაცის ეზო.
თბილისში რესპუბლიკურში 11 კაბინეტი მუშაობდა ასტრა ზენეკას აცრაზე მაშინ როცა 3 კაბინეტიც კი საკმარისზე მეტი იყო მოთხოვნებიდან გამომდინარე. ადვილი შესაძლებელია წამლის დანაკარგი საგრძნობი ყოფილიყო,მაგრამ ეს მაინც არ ამართლებს მათ პასუხისმგებლობისაგან,იმიტომ რომ ძალიან ბევრი ხარვეზი,უპასუხისმგებლობა და დანაშაულია ჩადენილი პანდემიის მართვაში.