9
ივლისიდღის ზოგადი ასტროლოგიური პროგნოზი
ბრიტანელ ჩოგბურთელს, ენდი მარის უიმბლდონის წინა პრესკონფერენციაზე Sunday Times-ის ჟურნალისტმა შეკითხვა ნიკოლოზ ბასილაშვილის შესახებ დაუსვა.
ჟურნალისტმა ისაუბრა ბასილაშვილისა და მისი ცოლის საქმეზე, იმის შესახებ, რომ ჩოგბურთელს ყოფილი ცოლი ძალადობაში სდებს ბრალს და რომ საქართველოში გამოძიება მიმდინარეობს. ენდი მარის კი ჰკითხა, უნდა ჰქონდეს თუ არა ასეთ დროს ჩოგბურთელს მსგავს ტურნირებში მონაწილეობის შესაძლებლობა.
"- დიახ, ამ საკითხის შესახებ რამდენიმე თვის წინ ვისაუბრე, როცა შეკითხვა ბასილაშვილისა და ზვერევის (ძალადობა შეყვარებულზე) შესახებ დამისვეს. მათი საქმეების შესახებ ზუსტი ინფორმაცია არ მაქვს, თუმცა რაც ვიცი, კარგი ნამდვილად არაა.
მიმაჩნია, რომ როცა მსგავსი წინასასამართლო განცხადებები არსებობს, თქვენ მიერ აღნიშნული შეზღუდვა პროტოკოლებში უნდა შევიდეს.
ჩემი აზრით, მსგავსი შეზღუდვები ATP-მ, მმართველმა ორგანოებმა, ITF-მა (ჩოგბურთის საერთაშორისო ფედერაცია) და სლემებმა უნდა დააწესონ", - განაცხადა მარიმ.
გრანდ სლემის 3-გზის გამარჯვებული 34 წლის ენდი მარი დღეს, 28 ივნისს, ნიკოლოზ ბასიალშვილს უიმბლდონის ცენტრალურ კორტზე დაუპირისპირდება. შეხვედრა, თბილისის დროით 20:00 საათზეა ჩანიშნული. წყარო
ბასილაშვილს გამარჯვებას ვუსურვებ ორივე ფრონტზე!
თუ სასამართლომ გაამართლა მერე ვინ აუნაზღაურებს მორალურ თუ მატერიალურ ზიანს, ვინც დაბლოკა და არ მისცა საშუალება ტურნირებში მონაწილეობის, თუ ყოფილი მეუღლე?!