მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ შევქმნათ ორიგინალური დიზაინის ფოტოწიგნი თავად - დიზაინერის რჩევები
11:27 / 28-06-2021
ფოტოწიგნი - ფოტოების შენახვის თანამედროვე ფორმატია. ცხოვრების აჩქარებული თანამედროვე ტემპის ფონზე, ჩვენ უამრავ შთაბეჭდილებას ვაგროვებთ, რომლებსაც მუდმივად ვინახავთ ფოტოების სახით. მაგრამ რამდენად ხშირად ვათვალიერებთ მათ კომპიუტერის ეკრანზე? ჩვეულებრივ, მყარ დისკზე ან ინტერნეტის „ღრუბელში“ მოხვედრილი ფოტოები წლების განმავლობაში რჩება ჩვენი ყურადღების მიღმა.
ახლა დაბეჭდვის ყველაზე თანამედროვე გზა ფოტოწიგნის შექმნაა, რომელიც იმავე ტექნოლოგიითაა დაბეჭდილი, რაც ალბომებსა და ჟურნალებში ილუსტრაციებისთვის გამოიყენება.
ფოტოწიგნი უნიკალური პროდუქტია, რომლის შექმნაც ძალიან სახალისო და სასიამოვნო გამოცდილებაა. ვიზუალი, დიზაინი, შინაარსი მხოლოდ მომხმარებლის სურვილებსა და მოთხოვნებზეა დამოკიდებული.
როგორ შევქმნათ ორიგინალური ფოტოწიგნი?
ამის გაკეთება სახლიდან გაუსვლელად, დამოუკიდებლად შეგიძლიათ. photobooks.ge-ზე მომხმარებელს საშუალება აქვს, თავად შექმნას ფოტოწიგნი სასურველი დიზაინით და ფოტოებით. საიტზე საკმაოდ მრავალფეროვანი არჩევანია. მომხმარებელი ირჩევს ფოტოწიგნს სასურველი ზომის, აკინძვის ტექნოლოგიისა და ყდის მიხედვით და თავადვე ქმნის დიზაინს.
საიტზე ფოტოწიგნის აწყობა საკმაოდ მარტივია. მომხმარებელი ტვირთავს ფოტოებს, რომლებიც ლაგდება გვერდების მიხედვით. საიტს ჩართული აქვს „სმარტ ფუნქცია“, რომელიც ანაწილებს ფოტოებს გვერდებზე იმის მიხედვით, თუ რა რაოდენობის ფოტოს განთავსება სურს ერთ გვერდზე მომხმარებელს. ფოტოწიგნის აწყობისას, საიტის ედითორი უამრავ საშუალებას აძლევს მომხმარებელს, რომ მათი ფოტოწიგნის ვიზუალი გააფორმოს. დაამატოს ტექსტები, შეცვალოს ფონები, გააფორმოს კლიპ არტებითა და სხვადასხვა ელემენტით.
საკმარისია საიტზე შეარჩიოთ ფოტოწიგნის მზა შაბლონი და ატვირთოთ შესაბამისი ფოტოები. ყოველი გვერდის გაფორმება სათითაოდ მოგიწევთ.
ნაბიჯი #1
თავდაპირველად, აჯობებს შეარჩიოთ თემატიკა, ყდა და ფორმატი. ეს შეიძლება იყოს რომელიმე მნიშვნელოვანი მოვლენა თქვენი ცხოვრებიდან, ოჯახური ქრონიკა, თქვენი პირადი პორტფოლიო, თქვენი შვილის ალბომი ან უბრალოდ გასული ერთი წლის ქრონიკა. გთავაზობთ მაგალითებს ფოტოწიგნის თემისთვის:
- საქორწილო ფოტოწიგნი
- დასვენება, მოგზაურობა
- ორსულობა და სამშობიაროდან გამოწერა
- ოჯახური ქრონიკები 1 წლის მანძილზე
- თქვენი პატარა
- პირველი კლასი/გამოსაშვები
- ჰობი, გატაცება, პორტფოლიო
- იუბილე, დაბადების დღეები, წვეულება
- თემატური ფოტოსესია
ყოველი ფოტოწიგნი თავის ისტორიას მოჰყვება, მაგრამ რომელს? - ეს თქვენი გადასაწყვეტია!
დასვენების და მოგზაურობის თემატიკას ძალიან უხდება მკაფიო, ცისარტყელას ფერები, მაგრამ ეცადეთ, რომ ზედმეტად არ გადატვირთოთ გვერდების დიზაინი. შეგიძლიათ შეარჩიოთ რბილი ყდა ან ლამინირებული ვარიანტი. ფოტოები დაახარისხეთ ქრონოლოგიის მიხედვით და დაიწყეთ აეროპორტიდან. შეეცადეთ, ფოტოებით გადმოსცეთ ამბავი, თუ როგორ იმოგზაურეთ, რა მოინახულეთ, რა დააგემოვნეთ და ა.შ. შეარჩიეთ ნეიტრალური ფონი და გამოიყენეთ ხალისიანი ფერების ელემენტები და კლიპარტები, რითიც გვერდებს გააფორმებთ.
მოგზაურობის თემას მოუხდება კლიპარტები: თვითმფრინავი, ბილეთი, ამინდის ილუსტრაციები, მატარებელი, მანქანა, გლობუსი, რუკა და ა.შ. ფერები შეუხამეთ ერთმანეთს. მაგალითად, აირჩიეთ 3 ფერი (ლურჯი, ნარინჯისფერი, ყვითელი) და ყოველი გვერდი ამ 3 ფერის ელემენტებით გააფორმეთ.ფოტოებს გაუკეთეთ შესაბამისი წარწერები. მაგალითად, ადგილის სახელწოდება, სადაც ფოტო გადაიღეთ, თარიღი და მოკლე ანოტაცია იმ ობიექტზე, თუ საინტერესო იქნება.
საქორწინო ფოტოწიგნისთვის კი სადა, ნეიტრალური და ნაზი პასტელის ფერები შეარჩიეთ. ამ შემთხვევაშიც შეგიძლიათ გამოიყენოთ 3 ან 4 ფერი. საქორწინო ფოტოწიგნს მყარი ყდა მოუხდება, რადგან სავარაუდოდ, ქორწილის უამრავი ფოტო გექნებათ.ფერები: ცისფერის გრადაციები, ფირუზისფერი, კრემისფერი, კაკაოსფერი, ლიმონისფერი, სალათისფერი, ატმის ყვავილის ფერი.თემატური კლიპარტები: საქორწინო ბეჭდები, ყვავილები, პატარძლის და სიძის გამოსახულებები, ტორტი, ფეიერვერკები, სანთლები.ფოტოწიგნი ძალიან ლამაზი და ხარისხიანი გამოგივათ, თუ პროფესიონალ ფოტოგრაფს დაიქირავებთ.
საბავშვო ფოტოწიგნი მხიარული და საყვარელი უნდა იყოს. ისიც ქრონოლოგიურად უნდა ააწყოთ, დაწყებული ორსულობის ფოტოებიდან. შეგიძლიათ გამოიყენოთ ფერები: წითელი, ცისფერი, კრემისფერი, ვარდისფერი.იფიქრეთ იმაზეც, რომ როდესაც თქვენი შვილი გაიზრდება, ინტერესით დაათვალიერებს საკუთარი ბავშვობის ამსახველ ფოტოწიგნს. ამიტომ, ნუ დაგეზარებათ კომენტარების მიწერა ფოტოებზე. აუცილებლად დააფიქსირეთ თქვენი ემოციებიც, დღე, როდესაც პირველად თქვა „დედა“ და „მამა“, როგორ გაიარა დახმარების გარეშე და ა.შ.თემატური კლიპარტები: სათამაშოები, ჩვილის ნივთები, საწოვარა, ბავშვის ილუსტრაციები, ეტლი, გემი, ბურთი და ა.შ.
ფოტოების შერჩევა
- სასურველია, რომ ფოტოებს, რომლებიც ერთ გვერდზე იქნება განთავსებული, ჰქონდეს ერთნაირი ფერთა ტემპერატურა. მაგალითად, არ ღირს ერთ გვერდზე ფერადი და შავ-თეთრი ფოტოების შერევა.
- შეუთავსეთ ფოტოები ერთმანეთს: თამამად დააკავშირეთ სტატიკური, მშვიდი და დინამიკური კადრები ერთმანეთთან. ეს გაცილებით სახალისოს გახდის ფოტოწიგნს.
- არ მოათავსოთ პორტრეტი ფოტოწიგნის გვერდების გადაკეცის ადგილას.
- ნუ ეცდებით, რომ ერთ გვერდზე ბევრი ფოტო დატიოთ. ჯერ ერთი, არ გამოჩნდება, მეორეც, გადაიტვირთება.
- არ გამოიყენოთ ბევრი კლიპარტი, ჩარჩო და სტიკერი ერთად. ეს ქაოსს გამოიწვევს ფოტოწიგნის გვერდზე. დატოვეთ სივრცე ფოტოების გარშემო.
ყდა
გარეკანის შერჩევა ძალიან მნიშვნელოვანი ეტაპია ფოტოწიგნის შექმნისას. ის მისი დასაწყისი და დასასრულია. ამიტომ, უნდა ასახავდეს არჩეულ თემას. შეგიძლიათ ყდაზე განათავსოთ ფოტო, ფოტოკოლაჟი ან ლამაზი ფონი, სათაურით. არსებობს ფოტოწიგნი რბილი ყდით და რბილი შიგთავსით, ასევე მყარი ყდა რბილი შიგთავსით (აკინძვა ისეთივე აქვს, როგორიც წიგნებს) და მყარი ყდა მყარი შიგთავსით. ყდებს შორისაც შესაძლებელია არჩევანის გაკეთება. მაგალითად, რბილი ყდა ცარცის ქაღალდით, რომელსაც უკეთდება ლამინაცია; ან დეკორატიული ქაღალდის ყდა, რკინის დეკორატიული სამაგრებით; მყარი დეკორატიული ტილოს ყდა და მყარი ყდა, როგორც პრიალა, ასევე გლუვი ზედაპირით.
იმედია, ეს რჩევები დაგეხმარებათ, შექმნათ ორიგინალური დიზაინის ფოტოწიგნი, რომელიც გადაშლისთანავე გაჩუქებთ სასიამოვნო შეგრძნებებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
