მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სანამ მოსახლეობის 30% არ აიცრება, პირბადე რჩება მთავარ იარაღად" - გამყრელიძის თქმით, ივლისის 1-ელ კვირაში საქართველოში დიდი რაოდენობით სხვადასხვა ვაქცინა შემოვა
14:26 / 24-06-2021
დღეს ქვეყანაში 245 380 აცრაა ჩატარებული, აქედან ერთი დოზით აცრილია 156 626 ადამიანი, ხოლო ორი დოზით 88 754 ადამიანი, რაც ჩვენი სამიზნე მაჩვენებლის დაახლოებით 5,2%-ს შეადგენს, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ბრიფინგზე განაცხადა.
მისი თქმით, სანამ მოსახლეობის 30% არ აიცრება, კორონავირუსთან ბრძოლაში პირბადე მთავარ იარაღად რჩება.
„შეგვიძლია ვთქვათ, რომ დღეს ეპიდსიტუაცია გარკვეულად სტაბილურია, თუმცა საყურადღებოდ და ფრიად საყურადღებოდ სტაბილური იმიტომ, რომ საქართველოსთვის ყოველდღიური შემთხვევების რაოდენობა სერიოზული ციფრია. მიუხედავად ყველა შემსუბუქებისა, უნდა ვიყოთ ძალიან ფრთხილად, რომ არ მივიღოთ ეპიდსიტუაციის სერიოზული გაუარესება, ამიტომ ის რეგულაციები და რეკომენდაციები ყველამ უნდა დავიცვათ. აუცილებელია, პირბადის გამოყენება დახურულ სივრცეში, გაჩერებებზე, ბაზრობებზე და ყველგან სადაც ბევრი ადამიანი იყრის თავს. სანამ ჩვენი მოსახლეობის 30% არ აიცრება, პირბადე რჩება ჩვენს მთავარ იარაღად", - განაცხადა ამირან გამყრელიძემ.
მისი თქმით, პირბადე ერთ-ერთ მთავარ ატრიბუტად უნდა დარჩეს მანამ, ვიდრე მოსახლეობის 30% არ აიცრება.
„მიუხედავად იმისა, რომ პირბადესთან მიმართებით მანდატურიზმი იყო, სამწუხაროდ, მისი აღსრულება ვერ ხორციელდებოდა. ხშირ შემთხვევაში, მისი მოხმარების წესი ირღვეოდა. კიდევ ერთხელ ხაზს ვუსვამ, აუცილებელია მეტი თვითშეგნება, მაგალითად, მიუხედავად იმისა, რომ პირბადის ტარება გარე სივრცეებში აკრძალეს და ორჯერ იმუნიზირებული ვარ, ხაზს ვუსვამ, რომ პირბადე ჩვენს ერთ-ერთ მთავარ ატრიბუტად უნდა დარჩეს, სანამ მოსახლეობის 30% არ აიცრება. შიდა სივრცეებში ისევ რჩება მანდატურულად პირბადის ტარება. ყველას მოვუწოდებ, ეს არის რეკომენდაცია, თქვენი გადასაწყვეტია, მაგრამ ჯერჯერობით, პირბადე ვატაროთ.
დღეს ქვეყანაში 245 380 აცრაა ჩატარებული, აქედან ერთი დოზით აცრილია 156 626 ადამიანი, ხოლო ორი დოზით აცრილია 88 754 ადამიანი, რაც შეადგენს ჩვენი სამიზნე მაჩვენებლის დაახლოებით 5,2%-ს. ყველაზე მეტი აცრა ჩატარებულია „სინოფარმით“ და „ასტრაზენეკათი“.
დადასტურებული ინფორმაციაა იმის შესახებ, რომ ივლისის პირველ კვირაში ქვეყანაში საკმაოდ დიდი რაოდენობა სხვადასხვა დასახელების ვაქცინა შემოვა და მათ შორის, შემოვა ის, რაც ვერ შემოვიდა „კოვაქსის“ პლატფორმიდან, ბოლო 43 200 დოზაც და ივლისში სერიოზულად უნდა გავზარდოთ ყოველდღიური აცრების მაჩვენებელი, რისთვისაც ქვეყანა სერიოზულად ემზადება. იზრდება ამცრელი ბრიგადების რაოდენობა, ასევე ვფიქრობთ უკვე პირველი დიდი ამცრელი სივრცე „ჰუალინგის“ სავაჭრო ცენტრში გაიხსნა და ის თანდათან უმატებს თავის აცრების ინტენსივობას და ასევე, დიდი სივრცეები იქნება დიდ ქალაქებშიც. ასე, რომ ჩვენ ყველამ ერთად უნდა შევძლოთ, რომ როგორმე ივლის-აგვისტო-სექტემბერში მოსახლეობის დიდი რაოდენობა აიცრას, რისთვისაც ძალიან მყარ ინფორმაციაზე დაყრდნობით, ვადასტურებ, რომ ვაქცინების რაოდენობა იქნება“, - განაცხადა გამყრელიძემ.
ამირან გამყრელიძის განცხადებით, რამდენიმე კვირაში საქართველო ამერიკისგან ვაქცინების დონაციის პირველ პარტიას მიიღებს. როგორც მან დღევანდელ ბრიფინგზე განაცხადა, ქვეყანაში ვაქცინების დეფიციტი აღარ იქნება.
„ვადასტურებ ძალიან მყარ ინფორმაციებზე დაყრდნობით, რომ ვაქცინების რაოდენობა იქნება. გუშინ იყო ძალიან სერიზული დისტანციური შეხვედრა. პრეზიდენტ ჯო ბაიდენის განცხადების შემდეგ, რიგმა ქვეყნებმა აშშ-ის დახმარება უნდა მიიღონ, ანუ დონაცია, მათ შორის საქართველოც მიიღებს. ვიცი, მაგრამ ახლა დოზების რაოდენობას არ დავასახელებ. ამაზე მოლაპარაკებები დაიწყო და სულ რამდენიმე კვირაში საქართველო ალბათ, ამ დონაციის პირველ პარტიებს მიიღებს. ვფიქრობ და დარწმუნებული ვარ, რომ ვაქცინების დეფიციტი და ის მწარე გამოცდილება, რაც ახლა ბოლო 4-5 დღის განმავლობაში ქვეყანაში შეგვექმნა, არ უნდა განმეორდეს.
ბევრი რამ ჩვენზეა დამოკიდებული, როგორი მომზადებული შევხვდებით ამ დიდ პროცესს, როგორი იმუნური სტატუსით შევხდებით შემოდგომას, რომ რაც შეიძლება გადავავადოთ, ან რაც შეიძლება მსუბუქი გავხადოთ მოსალოდნელი და შესაძლო „მეოთხე ტალღა“. მოგეხსენებათ, „მეოთხე ტალღაზე“ საუბარი სერიოზულია, მაგრამ ქვეყნების უმრავლესობა ფიქრობს, რომ ის გაცილებით მსუბუქი უნდა იყოს, ვიდრე პანდემიის პირველი, მეორე ან მესამე ტალღა იყო“, - განაცხადა გამყრელიძემ.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა ხდება, რა ამბავია, არ შევსინდეთ, ყველაფერი მაგრად იქნება......
Morchi mag sisuleleeebs, pasukhs ageb yvelaperze!!!!