"როგორ ჩაგლიჯე და ჩაიტანე გული, გაგვანადგურე! ზურა აღარ ჰყავს საქართველოს!" - კოლეგები და მეგობრები ზურა ბაკურაძის ტრაგიკულ დაღუპვას ეხმაურებიან

"ქართული ხმების" სოლისტი ზურაბ ბაკურაძე რაჭაში უბედურ შემთხვევას ემსხვერპლა. ტრაგედიას სოციალურ ქსელში მომღერლის ათეულობით კოლეგა და მეგობარი ეხმაურება:

ოთო ნემსაძე:

"ჩვენო ყველას მაგარო ძმაკაცო, არც კი ვიცი საერთოდ რა ვთქვა.... გასკდა გული!!!!!! გვიყვარხარ და სულ ეგრე იქნება".

გიორგი სუხიტაშვილი:

"თუ გული არ გამისკდება არ ვიცი!!! თუ გეშველება არ დავფიქრდები, გამისკდეს!!! ეს ადამიანი როგორ უნდა დავივიწყო, როგორ უნდა ვისაუბრო წარსულ დროში. ჩემო ზურა, ჩემო გულის კაცო, მაგარო ქართველო, მაგარო რაჭველო, მაგარო ძმაკაცო! არ ვიცი, ძალიან დაბნეული და განადგურებული ვარ! მინდა მეძინოს და არ იყოს მართალი! არ მსურს ვთქვა, რომ აღარ ხარ! არ მსურს !!! ჩემო გულო, ზურა!!!"

პაატა ბურჭულაძე:

"დაგვტოვა კაცმა, მეგობარმა და სამაგალითო პიროვნებამ. ეს იყო ბოლო მისი მოკითხვა და სადღეგრძელო, რომელიც გამომიგზავნა სუფრიდან. ჩემო ზურაბ, ღმერთმა ნათელში გამყოფოს. შენ იმდენი სიყვარული და სიკეთე გაქვს დანერგილი, რომ ყოველთვის იცოცხლებ ჩვენთან ერთად. ღმერთმა გაგიმარჯოს იქ, სადაც ხარ"

დათო ლონდარიძე:

"გუშინ მთელი საღამო ერთად ვიყავით, კონცერტისთვის ვემზადებოდით, დამშვიდობებისას ერთი დღით მივდივარო და თურმე უკანასკნელად ვხედავდით. ისე დაგვწყვიტე გული, ვსხედვართ უტყვად და გარინდებულები! მშვიდობით, ზური"

ანდრია გველესიანი:

"ვააახ, ბიჭო... არ მჯერა.... სიცოცხლით და სიყვარულით სავსე ადამიანი, რომელიც ყველას გვიყვარს და გვეყვარება..."

სოფო ხალვაში:

"ზურა…. ვერ ვიჯერებ"

ზურა ჯობლაძე:

"სრულიად საქართველოს ვუსამძიმრებ ამ დიდ დანაკარგს და ტკივილს. ზურა, ვიზიარებ შენი გარდაცვალებით გამოწვეულ უდიდეს ტკივილს, ოქროს ადამიანო"

სოფო გელოვანი:

"რა საშინელი ამბავია, როგორ ვწუხვარ..."

ბაკურ ბაკურაძე:

"თავზარდამცემი ამბავია! თავზარდამცემი! ზურა ბაკურაძე, გამიგლიჯე გული!"

ნოდიკო ტატიშვილი:

"არ მჯერა ეს ამბავი!!!!!!!! ზურ, შენ ჯიგარო და გულიანო!"

ოთო ნატროშვილი:

"ეს რა საშინელი წელია, უკვე რამდენი ძვირფასი ადამიანი დაკარგა საქართველომ. ღმერთმა ნათელში ამყოფოს ზურა ბაკურაძის ლამაზი სული"

თეკლა თვალაბეიშვილი:

"ეს ბრენდი აღარ გვყავს... ამათი ძმობა ვინც არ იცის, ვერ მიხვდება რას ვამბობ... დღეს გგონიათ ზურა მოგვიკვდა?! არა!!! დღეს გივი მოკვდა და ზურა გარდაიცვალა! გამძლეობა გივის. ზურა, მიხედე და შეგვარჩინე შენი ძმა. გზა დამილოცია ზურა. მიყვარდი, მიყვარხარ და მუდამ მემახსოვრება ეს საშინელი დღე და ტკივილი!!! მადლობა შენ შენი კარგი კაცობისთვის, ძმობისთვის და ადამიანობისთვის. უფალს ებარებოდე!!!"

ვასილ კეჟრიშვილი:

"საერთოდ ყველაფერი ჩაწყვიტე... მშვიდად განისვენე, დიდო კაცო"

გელა დონაძე:

"ღმერთო, ეს რა დღე გათენდა!!!! ჩემი ზურა ბაკურაძე ღმერთო!!!! დრო გაჩერდა, ჩემო ძმაო, ჩემო ძმაკაცო!!!"

ნინო ქადაგიძე:

"რა დაუნდობელია ეს ცხოვრება... დაჯერება მიჭირს. მარტო ოჯახს და ძმას არა, მთელ ქვეყანას დააკლდები და გაუჭირდება შენ გარეშე ცხოვრება"

თეა მით.:

"ასე ძალიან რომ გიყვარდა, იმ გზამ როგორ გაგიმეტა?!"

სოსო გალუმაშვილი:

"სამაგალითო ადამიანი წავიდა... ზურა დავკარგეთ. ქვეყანამ, ქართულმა კულტურამ, სამეგობრომ...."

ზაალ წულუკიძე:

"ივნისის ბოლო ძალიან მძიმეა ჩვენი ოჯახისთვის უკვე მეორე წელია, 24 ალეკოს წლისთავია და ახლა კიდევ უფრო დამძიმდა. ჩემო მეგობარო, უმაგრესო ადამიანო და ნიჭიერო, როგორი ტკივილი ხარ არ იცი! როგორ ჩაგლიჯე და ჩაიტანე გული და გაგვანადგურე! ზურა აღარ ყავს საქართველოს! ვეღარ ვწერ, გივი, ძალიან გვტიკივა შენი და ჩვენი ძმა!"

სოფო მეძმარიაშვილი:

"ღმერთოოო ეს ფანტასტიური ადამიანი, კარგი მეგობარი, კარგი ხელოვანი, თავის ქვეყანაზე და კუთხეზე უზომოდ შეყვარებული. რა უსამართლობაა, ზურა"

კახა მჭედლიძე:

"ზურას ამბავმა ჩაგლიჯა გული. რა ვიცი, სიტყვები არ მომდის სათქმელად!"

სალი ადამია:

"ეს იყო ადამიანი, ეს იყო პოზიტივი, სიყვარული და ყველაფერი, რაც ადამიანობასთან და სიკეთესთან ასოცირდება. მშვიდათ იძინე, ჩემო ადამიანო. შეხვედრამდე"

ანი ქავთარაძე:

"აი, არც ვიცი, რა სიტყვებმა შეიძლება აღწეროს ეს, ამხელა ტრაგედია... ტკივილი. ასე არ უნდა ხდებოდეს!!! ასე, არ შეიძლება! ძალიან უსამართლოა, ეს ცხოვრება, ძალიან! ზურა, რაღაცნაირად, დამშვიდობებასავით გამოვიდა, შენი, რამდენიმე დღის წინანდელი ზარი... უზომოდ მენანები და ყოველთვის მემახსოვრება შენი დარდი, გივიზე და იუმორი, რომლითაც გივის გადარჩენას ვზეიმობდით ნეტავ შენც ასე ყოფილიყავი და იქნებ რამე გვეშველა. ნათელში იყავი და გააგძლიერე შენი ოჯახი - ალბათ იქ, დედა, ჩაგეხუტება. გისამძიმრებთ, სულით და გულით... ძნელია, რაიმემ შეგიმსუბუქოთ ეს ტკივილი"