24-27 ივნისს წიგნის ფესტივალზე დიდი სიახლეები გელოდებათ

თბილისის წიგნის საერთაშორისო ფესტივალი 24-27 ივნისს გაიმართება. იგი წელს უკვე 23-ედ ტარდება და 1997 წლიდან დღემდე წარმოადგენს ქვეყნის ერთ-ერთ ყველაზე მნიშვნელოვან კულტურულ ღონისძიებას.

წიგნის ფესტივალს ტრადიციულად უერთდება გამომცელობა „პალიტრა L“, რომელიც ექსპო ჯორჯიას მე-11 პავილიონში დაიკავებს ადგილს. როგორც გამომცემლობაში განმარტავენ, მათს სივრცეში მისულ სტუმრებს სპეციალურად ფესტივალისთვის გამოცემული წიგნები, 30-დან 70%-მდე ფასდაკლება და უამრავი სიურპრიზი ელით: „ყველას, ვისაც უყვარს კითხვა, ველოდებით თბილისის წიგნის საერთაშორისო ფესტივალზე, გამომცემლობა „პალიტრა L-ის“ სტენდთან, სადაც დაგხვდებათ უამრავი წიგნი, აქსესუარები და საოცარი საჩუქრები ყველა შენაძენზე,“ - აცხადებენ გამომცემლობაში.

კითხვის მოყვარულებს წიგნის ფესტივალი ყველაზე მეტად იმ ფასდაკლებების გამო უყვართ, რომლებსაც სხვადასხვა გამომცემლობა თავიანთ წიგნებზე აწესებს. „პალიტრა L“-ის სტენდებთან მისულ სტუმრებს ფასდაკლება დახვდებათ ყველაზე მოთხოვნადი სერიების წიგნებზე. იხილეთ კატალოგი: https://cutt.ly/onXRjj5

ამდენად, სასურველ წიგნებს ყველა ასაკისა თუ ინტერესის მკითხველი შეარჩევს. თუმცა ეს ყველაფერი არ არის! ფესტივალზე მისულ სტუმრებს გამომცემლობა „პალიტრა L“ დიდი ფასდაკლებების გარდა საყვარელ ავტორებთან შეხვედრასაც სთავაზობს. მე-11 პავილიონის გვერდით, ღია სივრცეში ყოველდღიურად მოეწყობა პრეზენტაციები, სადაც ცნობილი ქართველი ავტორები გამომცემლობა „პალიტრა L“-ის უახლეს წიგნებს წარადგენენ. პრეზენტაციების გრაფიკი ასეთია:

24 ივნისი, ხუთშაბათი

1. 15:30 - 16:00 სერია „ქალების კალმით“ და ბერნარდინ ევარისტოს რომანის, „გოგონა, ქალი და სხვა დანარჩენი“ წარდგენა.

პარასკევი, 25 ივნისი

2. 12:30 - 13:00 სერია Liberteens-ით გამოცემული წიგნების: „რივერდეილი“, „გატეხილი არსებები“ და „თითქმის სიყვარულის ამბავი“ წარდგენა. აღსანიშნავია, რომ ამავე დღეს გამოვლინდებიან და დასაჩუქრდებიან „ლიბერთინსის“ ახალი წევრები.

გარდა ამისა, ღონისძიებაზე მისულ ნებისმიერ ადამიანს საშუალება ექნება მონაწილეობა მიიღოს გათამაშებაში და ახალი წიგნები მიიღოს საჩუქრად.

შაბათი, 26 ივნისი

3. 12:30 -13:00 საბავშო წიგნის, „ლუნა და ციცინათებელის პლანეტა“ წარდგენა.

4. 19:30 – 20:00 მიშელ ობამას ავტობიოგრაფიული წიგნის, „როგორ გავხდი ის ვინც ვარ“ წარდგენა.

კვირა - 27 ივნისი

5. 12:30 – 13:00 გურამ პეტრიაშვილის წიგნის, „შევიფაროთ ვარსკვლავი“ წარდგენა.

6. 15:30 - 16:00 ჯორჯ რ. რ. მარტინის რომანის „ცეცხლი და სისხლი“ წარდგენა.

აღსანიშნავია, რომ პრეზენტაციებზე მისულ სტუმრებს არა მხოლოდ საინტერესო წარდგენები და ახალი წიგნები, არამედ უამრავი სიუპრიზი და გათამაშებები ელით.

გაითვალისწინეთ, რომ პავილიონში შესასვლელად უნდა გაიაროთ წინასწარი რეგისტრაცია თქვენთვის სასურველი დღისა და საათის დასაჯავშნად საიტზე: www.tbilisibookfestival.ge, დასწრება თავისუფალია.

გასულ წელს კოვიდპანდემიის გამო ფესტივალი დისტანციურ რეჟიმში ჩატარდა, წელს კი ძველებურად ექსპო ჯორჯიაში რეგულაციებისა და რეკომენდაციების დაცვით გაიმართება.

ასე რომ, 2021 წლის ერთ-ერთ მთავარ ლიტერატურულ დღესასწაულამდე სულ რამდენიმე დღეღა გვაშორებს.

მოდი თბილისის წიგნის საერთაშორისო ფესტივალიზე გამომცემლობა პალიტრა L-ის სტენდთან და მიიღე საჩუქარი ნებისმიერ შენაძენზე კი მიიღეთ საჩუქრები (სანიშნი, სტიკერი, ჩანთა, თერმოსი, ჭიქის დასადები, ბლოკნოტი, წიგნი და სხვა)

მის: „ექსპო ჯორჯია“, წერეთლის #118, მე-11 პავილიონი.