მნიშვნელოვანი ინფორმაცია
15
ივნისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 01:02-ზე – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. არ არის რეკომენდებული ხელშეკრულებების გაფორმება, ახალ სამსახურში გადასვლა. დაუფიქრებლად მოქმედება, მთვრალ ადამიანებთან ურთიერთობა, უცნობ ადამიანებთან კონტაქტი. მიიღეთ მარტივი საკვები და დაიცავით დიეტა. ორგანიზმის გადატვირთვამ შეიძლება გამოიწვიოს უსიამოვნო შედეგები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დღეიდან ღია სივრცეში პირბადის ტარება სავალდებულო აღარ იქნება
11:12 / 22-06-2021
საკოორდინაციო საბჭოს გადაწყვეტილებით, დღეიდან სავალდებულო აღარ იქნება პირბადის ღია სივრცეში ტარება. გამონაკლისი იქნება ტრანსპორტი და დახურული სივრცეები.
აღნიშნული გადაწყვეტილება საზოგადოებას პრემიერ-მინისტრმა ირაკლი ღარიბაშვილმა გააცნო.
მთავრობის ადმინისტრაცია განმარტავს, რომ შეზღუდვის მოხსნის მიუხედავად, პირბადის ტარება ხალხმრავალი შეკრების ადგილებში, მათ შორის გაჩერებებზე, საზოგადოებრივ ტრანსპორტში და დახურულ სივრცეებში კვლავ სავალდებულო იქნება.
მთავრობის ადმინისტრაციის ინფორმაციით, საბჭოს სხდომაზე აღინიშნა, რომ ვითარების ეფექტური მართვის მიზნით, მოქმედი რეგულაციები ეტაპობრივად შემსუბუქდა, რათა ერთის მხრივ არ გაუარესებულიყო ეპიდემიოლოგიური მდგომარეობა, ხოლო მეორეს მხრივ, ხელი შეწყობოდა ეკონომიკის აღდგენას.
არსებული ეპიდემიოლოგიური ვითარებისა და ვაქცინაციის პროცესის ანალიზის საფუძველზე, უწყებათაშორისმა საკოორდინაციო საბჭომ მიიღო გადაწყვეტილება, 1-ლი ივლისიდან გაუქმდეს ღამის საათებში - 23:00-04:00 საათამდე გადაადგილებაზე მოქმედი შეზღუდვა;
გადაადგილებაზე მოქმედი შეზღუდვის გაუქმების მიუხედავად, 1-ლი ივლისიდან, კვების ობიექტების მუშაობა ნებადართული იქნება 00:00 საათამდე. საბჭოს გადაწყვეტილებით, კვლავ შეზღუდული რჩება ღამის კლუბების ფუნქციონირება.
„ამასთან, დღეიდან ღია სივრცეებში პირბადის ტარება სავალდებულო აღარ იქნება და ექნება მხოლოდ სარეკომენდაციო ხასიათი, ვინაიდან, პირბადე მსოფლიოში ვირუსის გავრცელების პრევენციის ერთ-ერთ ყველაზე ეფექტურ საშუალებად არის აღიარებული.
პირბადის ტარება ისევ სავალდებულო იქნება ხალხმრავალი შეკრების ადგილებში, მათ შორის გაჩერებებზე, ასევე საზოგადოებრივ ტრანსპორტში და დახურულ სივრცეებში.
საბჭოს სხდომაზე აღინიშნა, რომ ორ კვირაში ქვეყანაში შემოვა მილიონი დოზა ვაქცინა. ეს პროცესი ეტაპობრივად გაგრძელდება და წლის ბოლომდე, საქართველოში ჯამში მობილიზებული იქნება 3,6 მილიონზე მეტი ვაქცინა.
ქვეყანა მასობრივი ვაქცინაციის პროცესის დაწყებისთვის უკვე მზად არის. ამ მიზნით, უწყებათაშორისი საკოორდინაციო საბჭოს წინა სხდომაზე უკვე დამტკიცდა ვაქცინაციის პროგრამის განხორციელების ოპერაციული გეგმა, რომელიც პრემიერ-მინისტრის დავალებით შემუშავდა.
გეგმა მოიცავს, როგორც ვაქცინაციის ბრიგადების რაოდენობის გაზრდის ნაწილს, ისე სხვა ღონისძიებებს, რომლებიც აუცილებელია ვაქცინაციის პროგრამის გაფართოებისთვის, მათ შორის დამატებითი სამედიცინო დაწესებულებების ჩართვას ვაქცინაციის პროცესში, ასევე ჯანდაცვის სამინისტროს მიერ დამტკიცებული კრიტერიუმების შესაბამისად, საზოგადოებრივ სივრცეებში მასობრივი ვაქცინაციის ცენტრების ორგანიზებას.
უწყებათაშორისი საკოორდინაციო საბჭო კიდევ ერთხელ მოუწოდებს მოქალაქეებს, რომ მოქმედი რეგულაციების შემსუბუქების მიუხედავად, კვლავ აუცილებელია, დაიცვან სოციალური დისტანცია, ხელი შეუწყონ ვირუსის გავრცელების პრევენციას, გაუფრთხილდნენ ერთმანეთის და გარშემომყოფთა ჯანმრთელობას.
საქართველოში კორონავირუსის პირველი შემთხვევის გამოვლენიდან დღემდე, ვირუსით ინფიცირების 360 055 ლაბორატორიულად დადასტურებული შემთხვევა გამოვლინდა, საიდანაც 346 217 პირი გამოჯანმრთელდა, გარდაცვლილია 5199 ადამიანი.
ამ ეტაპზე კარანტინში იმყოფება 32 ადამიანი, კლინიკურ სასტუმროებში - 605 მოქალაქე, ხოლო სტაციონარში, მეთვალყურეობის ქვეშ - 2698 პირი.
პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს მუშაობაში აქტიურად მონაწილეობენ საქართველოს პარლამენტი, თავმჯდომარე კახა კუჭავას ხელმძღვანელობით და პრეზიდენტის ადმინისტრაცია“, - ნათქვამია ინფორმაციაში.
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აოეეეეეეე.
რის იმედად? უმეტესობა ვაქცინირებული არაა, ყოველდღიური ქეისები 1000 მდეა, ისიც რაც ფიქსირებულია .