მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რუსეთში "ინდური შტამის" აფეთქებაა - რა ვითარებაა ადგილობრივ კლინიკებში და რას ყვება მოსკოვში მომუშავე ქართველი ექიმი
13:10 / 20-06-2021
"ანტივაქსერები "ფორმაში არიან", ამბობენ, რომ ჩვენ, ექიმები ვაზვიადებთ ყველაფერს, რათა ხალხი აიცრას"
რუსეთში COVID 19-ით ინფიცირების შემთხვევებმა კატასტროფულად იმატა. ადგილობრივი ეპიდემიოლოგების თქმით, ვითარება ყოველდღიურად უარესდება. 19 ივნისის მონაცემებით, რუსეთში ოფიციალურად კოვიდინფირების 19 ათასზე მეტი შემთხვევა გამოვლინდა, რაც სამედიცინო პერსონალის ცნობით, ნიშნავს, რომ ქვეყანა თებერვლის ვითარებას უბრუნდება. უკვე საუბარია კონტროლის გამკაცრებაზე.
მოსკოვის დიაგნოსტიკური ცენტრის ქართველი თანამშრომლის, ნანა ვეკუას თქმით, რუსეთში პანდემიამ კიდევ ერთხელ, ახალი ძალით იფეთქა, რასაც "ინდური შტამის" გავრცელებას უკავშირებენ.
- მოსკოვში ისევ დაიკეტა სპორტული დარბაზები და ბავშვთა გასართობი ცენტრები. შეზღდუვებით მუშაობს სავაჭრო ცენტრები, 23:00 საათის შემდეგ არ მუშაობენ კაფე-რესტორნები, ონლაინრეჟიმზე გადავიდა თითქმის ყველა სასწავლო დაწესებულება, გადაიდო ან საერთოდ გაუქმდა გარკვეული ღონისძიებები, მათ შორის "Бессмертный полк"-ის აქცია, რამაც უამრავი ადამიანის გაღიზიანება გამოიწვია - მათ ბევრი მხარდამჭერი ჰყავთ და ისინი მზად იყვნენ, კოვიდაფეთქების პირობებშიც, გამოსულიყვნენ აქციაზე.
ყველაზე უარესი ის არის, რომ ყველა სამედიცინო დაწესებულებას კოვიდ-კლინიკად გადაკეთება ემუქრება, არადა ძალები ჯერ არ აღგვიდგენია. წელიწადზე მეტია, მე და ჩემს კოლეგებს არცერთი დღე არ დაგვისვენია, მაგრამ ბოლო დღეებთან შედარებით, წინა თვეებში თურმე კურორტზე ვყოფილვართ.
- "ინდური შტამით" ინფიცირებული პაციენტები მოჰყავთ?
- დიახ და ეს ვაქცინაციის ფონზე... პირველად "სპუტნიკით" სამედიცინო პერსონალი აიცრა, მე და ჩემს კოლეგებს უკვე გაკეთებული გვაქვს ორივე აცრა, ზაფხულში ვითარების ჩაწყნარებას ველოდით, მაგრამ ეტყობა ან უამრავმა ადამიანმა აარიდა თავი ამ ვაქცინას უნდობლობის გამო, ან "ინდური შტამი" არ ცნობს რუსულ "სპუტნიკს". ეპიდემიოლოგები უკვე სწავლობენ შექმნილ ვითარებას. სამწუხაროდ, ეს ვირუსი ძალიან სწრაფად ვრცელდება, ერჩის ბავშვებს და სიკვდილიანობაც მეტი აქვს.
კიდევ ერთი მიზეზი, რის გამოც როგორც "ინდურმა", ასევე "ბრიტანულმა" შტამმა იმატა, არის ის, რომ მოსახლეობას კვლავაც არ სჯერა კოვიდ-ვირუსის არსებობის, ინფიცირებული შემოჰყავთ უკვე გართულებული "ინდური შტამით" და გვეჩხუბება, ყველაფერს კოვიდს როგორ აწერთ, ჩვეულებრივი გაციება, გრიპის ვირუსი აღარ არსებობსო, სათევზაოდ ვიყავი და ტბაზე გავცივდიო, ზოგი ირწმუნება ორპირში მოვხვდიო...
არადა ახლა უკვე სამთავრობო მედიაც კი საუბრობს, რომ, პანდემიის გამო, ვითარება ყოველდღიურად მძიმდება, არ არის გამორიცხული, ისევ შეიქმნას უამრავი რამის, მათ შორის მედიკამენტების დეფიციტი, მაგრამ ანტივაქსერები ისევ "ფორმაში არიან" და ამბობენ, რომ ჩვენ, ექიმები ვაზვიადებთ ყველაფერს, რათა ხალხი აიცრას. როდესაც ვეკითხები, მე რა ხელს მაძლევს თქვენი აცრა-მეთქი, - მპასუხობენ, მთავრობის მითითება გაქვთ, თორემ სამსახურს დაგატოვებინებენო. როდესაც სხვა გზას არ გვიტოვებენ, ვუხსნით, რომ ინტენსიური თერაპიის განყოფილებიდან უამრავი გარდაცვლილი გაჰყავთ, რასაც ზოგი იჯერებს, ზოგი გვეუბნება, სულ ასე იყო, უამრავი ალკოდამოკიდებული გვყავს, მათ სუსტი იმუნიტეტი აქვთ და მალე იხოცებიანო.
"ინდური შტამის" გავრცელების მხრივ, მოსკოვი ლიდერობს, მაგრამ რეგიონებსა და პერიფერიებში უფრო მძიმე ვითარებაა, უბრალოდ, ამის აღრიცხვა გამჭვირვალედ არ ხდება. შარშან, როდესაც მოსკოვში ვითარება შედარებით კონტროლირებადი გახდა, ჩვენი გუნდი პოდმოსკოვიეში გადაისროლეს დამხმარე ძალად, სადაც ვირუსის სასტიკი გავლენა მთელი სიმძაფრით აღვიქვი. ამ ზაფხულსაც არ გველოდება მშვიდი მუშაობა.
- რა გართულებები გამოიწვია "ინდური შტამის" მატებამ, სამედიცინო დაწესებულებები გადატვირთულია?
- მათ მუშაობას კლინიკების ადმინისტრიაციები უზუნველყოფენ, თუმცა, ჯანდაცვის სამინისტროს გადაწყვეტილებით, გეგმიური ოპერაციები და ჰოსპიტალიზაცია დროებით შეჩერებულია, ასევე გვაქვს მითითება, რომ ინფიცირებული, რომელსაც ვირუსი მსუბუქ ფორმაში აქვს, შინ, მეთვალყურეობის ქვეშ დავტოვოთ.
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დასნებოვანებული რუსები... რა შაშინელებაა! რა ვქნათ, რით ვუშველოთ ამ კაი ხალხს?!
თქვენ კიდე გაუხსენით საზღვრები. არ დავინახო მაგათ ფეხი საქართველოში!