29
მარტიდღის ზოგადი ასტროლოგიური პროგნოზი
აფხაზური მედია ე.წ. ახალგაზრდობისა და სპორტის სახელმწიფო კომიტეტის პრესსამსახურზე დაყრდნობით წერს, რომ თურქეთში ქართველმა სპორტსმენმა ვაჟა მაჭარაშვილმა MMA World Mix Fight-ზე წარმოშობით აფხაზ, გერმანიაში მცხოვრებ და იმ ქვეყნის მოქალაქე კორაია ჩენგიზთან (აცუგბა) ბრძოლაზე უარი თქვა.
"ბრძოლა უნდა ჩატარებულიყო 17 ივნისს. კორაია ჩენგიზი, რომელიც წარმოშობით აფხაზია, 2014 წლიდან დაკავებულია ჭიდაობითა და კიკბოქსით. მონაწილეობს გერმანიის MMA ჩემპიონატსა და Hard Fighting Championship-ში (შერეული საბრძოლო ხელოვნების ფრანგული ორგანიზაცია). კორაია სპორტსმენის ოჯახიდან არის... მამამისი ოზჰან ჩენგიზი (აცუგბა) აფხაზეთის შერეული საბრძოლო ხელოვნების კავშირის MMA- ს პრეზიდენტი, თავისუფალ ჭიდაობაში ევროპის ჩემპიონი, საერთაშორისო კლასის სპორტის ოსტატი იყო" - წერს გამოცემა Апсадгьыл-инфо.
მისივე ცნობით, ე.წ. ახალგაზრდობის საქმეთა და სპორტის სახელმწიფო კომიტეტის თავმჯდომარემ ჯემალ გუბაზმა, კორაია ჩენგიზი მისთვის მოსახერხებელ დროს თავის ისტორიულ სამშობლოში დაპატიჟა.
AMBEBI.GE საქართველოს შერეული საბრძოლო ხელოვნებების ეროვნული ფედერაციის პრეზიდენტის, გიორგი კაბულაშვილს დაუკავშირდა. მისი თქმით, სინამდვილეში, შეჯიბრი გარკვეული მიზეზების გამო ჩაიშალა.
- თურქეთში ტარდებოდა საერთშორისო ტურნირი, რომელშიც მთელი მსოფლიოდან მონაწილეობდნენ სპორტსმენები, საქართველოდან სამი ქართველი იყო ჩასული. ეს არის კომერციული ორთაბრძოლა და სპორტსმენები ანაზღაურებას იღებენ, მაგრამ როგორც გაირკვა, ორგანიზატორებმა თანხა არავის გადაუხადეს. შესაბამისად, მხოლოდ ქართველებმა კი არა, ყველამ - ირანელებმა, თურქებმა და არც სხვებმა არ იჩხუბეს. თუმცა, აფხაზებმა ისე წარმოაჩინეს, თითქოს ვაჟას ვინმესი შეეშინდა.
ნეტაი თქვენ, მაგათაც ეგ უნდათ რო ეგენი იკითხოთ და ნერვები იშალოთ. არ უნდოდა და არ შეხვდა. არა ბიჯო და პუტინს კითხავდა
მაგის მეტი სადარდებელი არ მოგცეთ ღმერთმა