"კაცმა ცოლი აცრისთვის ისე სცემა, რომ კბილები ჩაულეწა... ის ველური ანტივაქსერა კაცი კი ჩააყუდეს, მაგრამ..." - რას წერს ბაია პატარაია

ქალთა უფლებადამცველი ბაია პატარაია სოციალურ ქსელში შემთხვევის შესახებ წერს, რომლის დროსაც ქმარი მეუღლეს ფიზიკურად გაუსწორდა. როგორც ბაია პატარა წერს, ძალადობის მიზეზი ის ფაქტი გახდა, რომ ცოლმა კორონავირუსის საწინააღმდეგო ვაქცინაცია ჩაიტარა:

"თითქოს კი აღარაფერი მიკვირს, მაგრამ დღეს კაცმა ცოლი აცრისთვის ისე სცემა, რომ პირდაპირი მნიშვნელობით, კბილები ჩაულეწა. ქალი ისეთი შეშინებული იყო, ძლივს დავარწმუნეთ, რომ პოლიციისთვის ეთქვა. ის ველური ანტივაქსერა კაცი კი ჩააყუდეს, მაგრამ მსხვერპლი ძალიან დაშინებულია. იმედია, გირაოთი არ გამოუშვებენ მოძალადეს, ამ ბოლო დროს ძალიან ცუდად იქცევიან მოსამართლეები და სულ გირაოთი ათავისუფლებენ ოჯახში და ქალზე მოძალადეებს", - წერს პატარაია.