მნიშვნელოვანი ინფორმაცია
29
ივნისიდღის ზოგადი ასტროლოგიური პროგნოზი
ორშაბათი, მთვარის მეექვსე დღე დაიწყება 10:53-ზე, მთვარე ქალწულშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. ნუ დალევთ ლუდს, ბევრ წყალს, რძეს. მოაგვარეთ მატერიალური და ფულადი საკითხები. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. არ არის რეკომენდებული ფულის გასესხება ან ვალის აღება. არ გადაიღალოთ, არ დარჩეთ სამსახურში გვიანობამდე. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თეოს ვერავინ შემიცვლის, მაგრამ დავიღალე მარტოობით... შემხვდა ძალიან კარგი ადამიანი" - გელა დაიაურის ემოციური ინტერვიუ ახალ სიყვარულსა და წარსულის ტრაგედიაზე
23:55 / 17-06-2021
2010 წლის 22 ივლისს მთელი საქართველო შეძრა და დაამწუხრა მუცოს ხეობაში დატრიალებულმა ტრაგედიამ - "ჯიპის" მარკის ავტომობილი, სადაც 10 ადამიანი იჯდა, გზიდან გადავარდა, ავტოკატასტროფამ 7 ადამიანის, მათ შორის - 3 მცირეწლოვანი ბავშვის სიცოცხლე იმსხვერპლა.
დაიღუპნენ გელა დაიაურის მეუღლე, ნიჭიერი მომღერალი და პოეტი თეონა ქუმსიაშვილი და მისი ორი ვაჟი - დემეტრე და ჯარჯი, თეონას და - ნათია, გელა დაიაურის მეჯვარე ბერდია არაბული, მისი მეუღლე სოფო ღოღობერიძე და მათი ვაჟი - მამუკა. საუბედუროდ, დემეტრე დაიაური და მამუკა არაბული ადიდებულმა მდინარე არღუნმა გაიტაცა, ვერ იპოვნეს. თვითონ გელა დაიაური, თეონას ძმა თორნიკე ქუმსიაშვილი და დაიაურებისა და არაბულების მეგობარი თეონა ჭინჭარაული გადარჩნენ.
ტრაგედიიდან 11 წელი გავიდა და გელა დაიაურს მომხდარზე საუბარი დღემდე უჭირს. შემზარავი ამბიდან რამდენიმეწლიანი პაუზის შემდეგ მის ცხოვრებაში სიახლეა. გელა დაიაური შეყვარებულია. ამაზე მან გადაცემა "ყვითელ ყუთში" ისაუბრა:
"ის სრულყოფილი ბედნიერება ალბათ აღარასდროს იქნება... თუმცა ცხოვრება გრძელდება. დღესაც არ ვიცი, ამ ამბავს როგორ შეხვდებიან. ადრეც ვამბობდი, რომ თუ შემხვდებოდა ადამიანი, უკან არ დავიხევდი. შემხვდა ალბათ ადამიანი, რომელთან ერთადაც გადავწყვიტე, გავაგრძელო ცხოვრება. ძალიან კარგი ადამიანია. ამ ტრაგედიის მატარებელ ადამიანს რომ დაუდგები გვერდით, ესე იგი ძლიერი უნდა იყო. სიმარტოვემ დამღალა. არასდროს მიძებნია ვინმე, ვერც ვერავინ შეცვლის თეოს, მაგრამ დამღალა მარტო ყოფნამ. არ მინდა, რომ მარტომ ვიცხოვრო... დავიღალე", - ამბობს გელა დაიაური.
გელა დაიაურმა მისი წარსულიდან ერთ-ერთი ყველაზე მძიმე მომენტი გაიხსენა, როდესაც წლების წინ მისი 9 წლის და ბრმა ტყვიამ იმსხვერპლა.
"ეს ტრაგედია რომ მოხდა, 22-23 წლის ვიქნებოდი. სახლში სუფრა იყო და მამაჩემის ბიძაშვილი იყო სტუმრად. ერთად გაზრდილები იყვნენ და უხაროდათ ერთმანეთთან შეხვედრა. მე სახლში არ ვიყავი, მთაში ვიყავი ასული და ამ დროს მომხდარა ამბავი. ბებერი ძაღლი გვყავდა და იმის მოკვლა გადაუწყვეტია ამ კაცს და ძაღლს აცდა და ჩემს დას მოხვდა. ბრმა ტყვია მოხვდა მას და ადგილზე გარდაიცვალა 9 წლის ბავშვი, თაია.
არ მავიწყდება გამოსვენების პერიოდი. მაშინ დედას დატირების უფლება არ ჰქონდა. მახსოვს დედას გაფითრებული სახე. ძალიან მძიმედ მახსენდება ეს პერიოდი. ეს ადამიანი, რომელმაც უნებლიედ და მომიკლა, გელა დაიაურია. სამი წლის შემდეგ ეს ადამიანი დაბრმავდა და თვითმკვლელობით დაამთავრა სიცოცხლე" - ამბობს დაიაური.
მკითხველის კომენტარები /
63 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გამარჯვება პირველივე წუთებზე - ილია თოფურიამ ოლივიერა ნოკაუტში ჩააგდო და ჩემპიონი გახდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იცით რა ადვილია სხვისი განკითხვა?ღმერთმა ყველა კარგად და ბედნიერად გამყოისთ,მაგრამ სანამ ვინმეს განიკითხავ გაიარეთ ის გზა რაც მან გაიარა,ყველა იმ ტკივილით რითაც მან 11 წელი იცხოვრა,და მერე განიკითხეთ.(რა ვიცი ცოლები გყავთ სახლში სხვებთან დადიხართ) რა დააშავა ამ კაცმა?დაიღალა მარტოომით,ტკივილით და ცოლი მოიყვანა .ეს დანაშაულია? დაანებეთ სხვების განკითხვას თავი ,ყველამ თავის საქმეს მიხედეთ
qmertma bednieri qamkopos scored teos sulsac eq qauxardeba sen rom besbieri iknebi da qaxarebuli