სკანდალი მინსკი-თბილისის ავიარეისზე - ქართველი მგზავრები ნასვამ თანამემამულეს ფიზიკურად გაუსწორდნენ
16 ივნისს, გვიან ღამით ბელორუსიდან საქართველოში მომავალ თვითმფრინავში ჩხუბი მოხდა. ინფორმაციას Салiдарнасцi ავრცელებს. თვითმხილველთა თქმით, ერთ-ერთი ქართველი მგზავრი არაფხიზელ მდგომარეობაში იმყოფებოდა. მან დანარჩენი მგზავრების ყურადღება მაშინ მიიქცია, როდესაც გვერდით მჯდომ, სავარაუდოდ, ბელორუს ქალს რუსულ ენაზე შეურაცხყოფა მიაყენა.
სტიუარდებმა ქალი სხვა ადგილზე გადასვეს, თუმცა ავიარეისზე მყოფმა დანარჩენმა ქართველმა მგზავრებმა საჭიროდ ჩათვალეს ვითარებაში გარკვეულიყვნენ, რაც ჩხუბში გადაიზარდა - ნასვამ მამაკაცს ფიზიკურად გაუსწორდნენ. ინციდენტი ავიარეისის დანარჩენმა მგზავრებმა ტელეფონით გადაიღეს.
საბოლოოდ, ჩხუბში ყველაზე აქტიური მამაკაცის დამშვიდება მისმა ნათესავებმა შეძლეს და შემთხვევის ადგილს გაარიდეს. თვითმხილველთა თქმით, "ყველა მგზავრი შოკში იყო".
თბილისის აეროპორტში თვითმფრინავის დაშვებისთანავე ნასვამი მამაკაცი პოლიციამ დააკავა.
როგორც შსს-ში ambebi.ge-ს განუცხადეს, მომხდარის გამოძიება 126-ე - ძალადობის მუხლით მიმდინარეობს
თეონა თავართქილაძისა და რეზი არველაძის ვაჟი ქორწინდება - ფოტოები და ხელის თხოვნის ემოციური კადრები: ვინ არის ვატო არველაძის საცოლე
"რატომ გაქვთ ჩვენზე ასეთი აღგზნება? როცა რუსული თეატრები ჩამოდიან, მაშინ ტაშით ხვდებით" - რობერტ სტურუა
