მნიშვნელოვანი ინფორმაცია
23
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ცრემლები, ემოციები და ერთი ადამიანის გარშემო გაერთიანებული მსოფლიო - კადრები "ევრო 2020"-ის დრამატული მატჩიდან - როგორია კრისტიან ერიქსენის მდგომარეობა ახლა
09:03 / 13-06-2021
ევროპის ჩემპიონატზე, ფინეთსა და დანიას შორის მიმდინარე საფეხბურთო თამაშის დროს მომხდარმა შემთხვევამ მთელი მსოფლიო ერთი ადამიანის გარშემო გააერთიანა. მატჩის მსვლელობისას დანიის ნაკრების ფეხბურთელმა, კრისტიან ერიქსენმა გონება დაკარგა და რამდენიმე წუთის განმავლობაში მოედანზე უგონო მდგომარეობაში იყო, ექიმები კი მის დახმარებას ცდილობდნენ.
ფეხბურთელი მოედნიდან კლინიკაში გადაიყვანეს. მოგვიანებით კი გულშემატკივარს შეატყობინეს, რომ ის გადარჩა.
მატჩი მცირე დროით გადაიდო, თუმცა მაინც გაგრძელდა. ოფიციალური ინფორმაციით, უკვე გონზე მოსული ერიქსენი ვიდეოზარის საშუალებით ესაუბრა თანაგუნდელებს და სთხოვა მათ, რომ თამაში გაეგრძელებინათ.
- ემოციური კადრები
გუშინდელმა დღემ საზოგადოებას ურთიერთობების, სოლიდარობის, გუნდურობისა და მხარდაჭერის მაგალითი აჩვენა. სოციალურ ქსელში არაერთი ემოციური კადრი გავრცელდა.
როდესაც კრისტიანი ცუდად გახდა და მინდორზე დაეცა, თანაგუნდელებმა მის გარშემო წრე შეკრეს, რათა მძიმე მდგომარეობაში მყოფი ვარსკვლავისთვის ფოტოები არ გადაეღოთ და მედიაში არ გავრცელებულიყო, გარდა ამისა, განსაკუთრებით აღსანიშნავია დანიელი ფეხბურთელის, საიმონ კიაერის ქმედება, რომელიც რთულ მომენტში არ დაიბნა და დროულად უხმო სამედიცინო შტაბს. მედიაში მას გუშინდელი დღის გმირს უწოდებენ და წერენ, რომ რომ არა მისი სწრაფი რეაგირება, შესაძლოა, უმძიმესი შედეგი ყოფილიყო.
აღსანიშნავია, ისიც, რომ, როდესაც დანიელი ნახევრამცველი საკაცით გაჰყავდათ, ფინელმა ფანებმა დროშა მიიტანეს, რათა, ჩამოეფარებინათ მისთვის და მძიმე მდგომარეობაში მყოფი ფეხბურთელის კადრები არ გავრცელებულიყო.
ასევე ყველამ ნახა, კრისტიან ერიქსენის მეუღლეც, რომელიც მინდორზე ატირებული ჩავიდა. უმძიმეს ფსიქოლოგიურ მდგომარეობაში მყოფი ფეხბურთელები კი მის დამშვიდებას ცდილობდნენ.
მომხდარ ფაქტს მთელი მსოფლიოდან უამრავი ადამიანი გამოეხმაურა, საფეხბურთო კლუბები, მწვრთნელები, ფეხბურთელები. მათ შორის იყო პორტუგალიელი სუპერვარსკვლავი, კრიშტიანუ რონალდუ, რომელმაც "ფეისბუქზე“ ერიკსენთან ერთად გადაღებული ფოტო გამოაქვეყნა, გაამხნევა და გამოჯანმრთელება უსურვა.
"ვფიქრობთ და ვლოცულობთ კრისტიან ერიქსენსა და მის ოჯახზე. მსოფლიო ფეხბურთი იმედიანად ელოდება კარგ სიაxლეს. ერთი სული მაქვს, როდის გიხილავ კკვლავ მინდორზე, ძლიერი იყავი, კრის“, - წერს რონალდუ.
გარდა ამისა, გუშინ ევროპის ჩემპიონატზე, რუსეთსა და ბელგიას შორის შედგა საფეხბურთო დაპირისპირება. მატჩი ბელგიამ მოიგო (3:0). ბელგიელმა ფორვარდმა, რომელუ ლუკაკუმ რუსეთის კარში გატანილი პირველი გოლი ერიქსენს მიუძღვნა. გოლის გატანის შემდეგ, მან კამერასთან მიირბინა და თქვა - "მიყვარხარ, კრის.“
აღსანიშნავია ასევე ფინეთისა და დანიის თამაში, რომელიც მომხდარის შემდეგ გაგრძელდა. ფინელმა ფეხბურთელებმა მადლობის ნიშნად დანიელებს ჯერ ტაში დაუკრეს, ხოლო შემდეგ, დანიელთა კარში გატანილი გოლი არ აღნიშნეს.
- როგორია ერიქსენის ჯანმრთელობის მდგომარეობა ახლა?
დანიელი ნახევარმცველის მდგომარეობა ამ დროისთვის სტაბილურია. მისი ოჯახის წევრების ცნობით, ის გონზეა და შეუძლია საუბარიც. თანაგუნდელები, რომლებსაც ფეხბურთელი ესაუბრა, ამბობენ, რომ კრისტიანი თავს კარგად გრძნობს.
აღსანიშნავია, რომ ამ დრომდე უცნობია, თუ რამ გამოიწვია გუშინდელი მძიმე შემთხვევა და ჯანმრთელობის რა პრობლემებს უკავშირდება მომხდარი. ფეხბურთელს კლინიკაში გამოკვლევები უტარდება და დამატებით დეტალები მოგვიანებით გახდება ცნობილი.
29 წლის კრისტიან ერიქსენი დანიის ნაკრების ერთ-ერთი გამორჩეული ფეხბურთელი და თანამედროვე დანიის ნაკრების ლიდერია. კარიერის განმავლობაში ის თამაშობდა აიაქსში, ტოტენჰემში, ინტერში. ყველაზე წარმატებული კარიერა ლონდონურ გუნდში, ტოტენჰემში ჰქონდა.
ერიკსენს ჰყავს ცოლი, საბრინა ჯენსენი და ორი შვილი.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ზურაბ ჯაფარიძეს საგამოძიებო კომისიის მოთხოვნის შეუსრულებლობის საქმეზე, 7 თვით თავისუფლების აღკვეთა მიესაჯა, ასევე აეკრძალა 2 წლის ვადით თანამდებობის დაკავება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
30 მაის გაუკეთებია ფაიზერის ვაკცინა კახს და რა მოუვიდა წადით ჩადექით რიგში ახლა ვისაც არ გჯერათ კიდე ვაკცინების მავნებლობაში რატო უნდა იყოთ თუნდაც ის 1 100 და ვისაც მასე დაემართება???
ჯანმრთელობას ვუსურვებ. მსოფლიოს სიკეთე და სიყვარული მართავს