მნიშვნელოვანი ინფორმაცია
8
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გოგავა, ხოფერია, ლორთქიფანიძე - კიდევ ვინ შეიძლება ვიხილოთ ლევან ვასაძის პარტიაში?
14:18 / 08-06-2021
- ფოტოკოლაჟზე: ლევან ვასაძე, ირაკლი გოგავა, ხათუნა ხოფერია, დიმიტრი ლორთქიფანიძე
მაისის შუა რიცხვებში ულტრაკონსერვატორი შეხედულებების მქონე ბიზნესმენმა ლევან ვასაძემ კიდევ ერთხელ მიიპყრო საზოგადოების ყურადღება - პოლიტიკურ ველზე შემოსვლის განაცხადი გააკეთა და მოძრაობა "ერი“ (ერთობა, რაობა იმედი) დააფუძნა. პოლიტიკაში მოსვლისა და ქვეყნის გადარჩენის განზრახვა ვასაძემ პირველად 2016 წელს გამოთქვა, როდესაც მისი მიზნის - მესამე ცენტრად ჩამოყალიბების შესახებ პრეტენზია გამოთქვა. ექსპერტები ვარაუდობენ, რომ ლევან ვასაძე "ოცნების“ ელექტორატზე იმუშავებს, ასევე, მათზე, ვინც ნიჰილისტურად არის განწყობილი არჩევნების მიმართ (ე.წ. შუაშისტები) და ვინც იმედგაცრუებულია "ქართული ოცნებით“.
მართალია, ლევან ვასაძის თანამოაზრების ვინაობა ჯერჯერობით გასაიდუმლოებულია, მაგრამ ambebi.ge-სთვის ცნობილი გახდა, რომ მისი პარტიის წევრებში შესაძლოა ვიხილოთ, ედუარდ შევარდნაძის ხელისუფლების ერთ-ერთი წარმომადგნელი ირაკლი გოგავა, "პატრიოტთა ალიანსის" ყოფილი წევრი სოსო მანჯავიძე, "ქართული მარშის" ყოფილი ლიდერი კონსტანტინე მორგოშია, "ალტ-ინფოს“ წამყვანი ზურაბ მახარაძე და დიდი ალბათობით, ყოფილი პარლამენტარი, ხათუნა ხოფერია, ხოლო ვასაძის პარტიის მერობის კანდიდატი თბილისში, შესაძლოა, დიმიტრი ლორთქიფანიძე იყოს.
ჩვენი წყაროს ინფორმაციის გადამოწმება ზემოთ ჩამოთვლილ პოლიტიკოსებთან ვცადეთ.
ირაკლი გოგავამ ინფორმაცია არც დაადასტურა და არც უარყო და გვითხრა, რომ გადაწყვეტილება ჯერ არ მიუღია:
"ლევანს კარგად ვიცნობ, პატივს ვცემ, ის ყველაზე ძლიერი ქართველი ინტელექტუალია და თუ მივიღებ ამ გადაწყვეტილებას, აუცილებლად გამოვაცხადებ. მოძრაობაში გაერთიანება ჯერ არ გადამიწყვეტია“.
ხათუნა ხოფერია:
"ჯერჯერობით გადაწყვიტილება არ მიმიღია, თუმცაღა, იყო რამდენიმე შეხვედრა ლევან ვასაძესთან და მინდა გითხრათ, რომ პირადი საუბრებიდან კიდევ ერთხელ დავრწმუნდი, რომ სრული თანხვედრაა ჩვენს იდეოლოგიას შორის. ბავშვი არ ვარ და მყარად ვიცი, რა მინდა. ჩემი განწყობით, ჩემი მსოფლმხედველობით კონსერვატორ-ტრადიციონალისტი ვარ და ლევანიც განეკუთვნება ამ იდეოლოგიას, მოდის საბრძოლველად, რომ ქართული პოლიტიკური ველიდან გავაძევოთ ნეოლიბერალები. მოგეხსენებათ, დღეს ნეოლიბერალები არიან არა მარტო“ ნაციონალები“, „ევროპული საქართველო“, ბოკერია და სხვა მისთანები, არამედ, "ქართული ოცნებაც“ და გახარიას ახალი პარტიაც. აქედან გამომდინარე, ვფიქრობ და კიდევ უფრო ჩავხედავ, რა სამოქმედო გეგმა იქნება და მხოლოდ და მხოლოდ ამის შემდეგ მივიღებ გადაწყვეტილებას. მქონდა საუბარი სოსო მანჯავიძესთან და ირაკლი გოგავასთანაც. თუ არ ვცდები, სოსომ უკვე მიიღო გადაწყვეტილება, ირაკლიზე და ბატონ დიმაზე ჯერ არაფერი ვიცი".
დანარჩენებმა ჩვენს ზარებს არ უპასუხეს.
მკითხველის კომენტარები /
106 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Ეძიკას ნარჩენები!
ღმერთო რა დააშავა ამ საწყალმა საქართველომ ყველა მილიონერს,რომ ხელისუფლებაში მოსვლა სურს....