ყვითელი სადღესასწაულო კაბა და უარი "დეპრესიულ ცხოვრებას" - როგორ და ვისთან ერთად აღნიშნა ანჯელინა ჯოლიმ დაბადების დღე (ფოტოები)

ბევრისთვის საყვარელი მსახიობი, ჰოლივუდის ვარსკვლავი ანჯელინა ჯოლი 4 ივნისს იუბილარი გახლდათ. ვარსკვლავს 46 წელი შეუსრულდა.

საგანგებოდ გამოწყობილმა ანჯელინამ, დაბადების დღე ტრადიციისამებრ, შვილებთან - ზაჰარასთან, ვივიენთან, მედოქსთან, პაკსთან, შაილოსთან, და ნოქსთან ერთად აღნიშნა.

ვარკვლავმა ყველასთვის მოულოდნელად, თავის საყვარელ მუქი ფერის სამოსს "უღალატა" და ყვითელი კაბით გამოჩნდა. მსახიობის მთლიან სტილში ღია ფერი დომინირებდა. ყვითელ კაბას მან ღია ვარდისფერი ფეხსაცმელი და "ვალენტინოს" შავი ჩანთა კაბა შეუსაბამა.

ფანებს უყურადღებოდ არ დაუტოვებიათ მხიარულ ფერებში გამოწყობილი მსახიობი და გაკვირვება, სწორედ ამ ფაქტმა გამოიწვია, ვინაიდან, ბრედ პიტთან დაშორების შემდეგ, ის უპირატესობას ანიჭებდა მუქი ფერის ტანსაცმელს, უფრო ხშირად კი შავი სამოსით ჩნდებოდა პაპარაცების წინაშე.

მედიაში წერენ, რომ ყვითელი კაბა ანჯელინასგან ერთგვარი განაცხადია იმის შესახებ, რომ საბოლოოდ უარი უთხრა "დეპრესიულ ცხოვრებას."