ინდოეთში ქორწილის დროს პატარძალი გარდაიცვალა, საქმრომ კი ცოლად გარდაცვლილის და შეირთო - "ქორწილი მაშინ შედგა, როცა ცხედარი სხვა ოთახში ესვენა“

ინდოეთში ქორწილის ცერემონიის დაწყებამდე პატარძალი გარდაიცვალა, რის შემდეგაც, ცხედარი სხვა ოთახში მოათავსეს, ხოლო სასიძომ ცოლად გარდაცვლილი პატარძლის და შეირთო.

ინდური მედიის ცნობით, პატარძალს გირლიანდების ტრადიციული ცერემონიის დროს გულის შეტევა დაემართა. გამოიძახეს ექიმი, თუმცა მისი გადარჩენა ვერ მოხერხდა.

"ამ სიტუაციაში არ ვიცოდით რა უნდა გაგვეკეთებინა. ორივე ოჯახი ერთად იყო, ვიღაცამ კი უცებ მოიფიქრა, რომ ჩემი გარდაცვლილი დის მაგივრად, უმცროსი და გაჰყოლოდა ცოლად“, - ამბობს პატარძლის ძმა.

მისივე თქმით, ოჯახებმა საკითხი განიხილეს და შეთანხმდნენ, რომ ასეც მოქცეულიყვნენ.

"ძალიან უცნაური სიტუაცია იყო, რადგან ჩემი უმცროსი დის ქორწილი მაშინ შედგა, როცა უფროსი დის ცხედარი სხვა ოთახში იყო". - ამბობს გოგონების ძმა. ქორწილის რიტუალის შემდეგ ოჯახმა დაუყოვნებლივ გამართა სამგლოვიარო რიტუალი გარდაცვლილი პატარძლისთვის.

"ეს ძალიან რთული გადაწყვეტილება იყო ჩვენი ოჯახისთვის. ასეთი არეული ემოციები არასდროს მქონია“, - ამბობს ოჯახის ერთ-ერთი წევრი.

წყარო:nypost.com