"შემოსვლიდან 15 წუთში გავსინჯე პაციენტი და იქვე ჩავწერე ჩანაწერში,  რომ სიცოცხლე რამდენიმე საათში სიკვდილით დასრულდებოდა" - ლევან რატიანი მეგი ბაქრაძეზე

რეანიმატოლოგი ლევან რატიან, ტელეკომპანია "იმედზე", გადაცემაში "ნოესთან" იმყოფებოდა, სადაც მეგი ბაქრაძის შესახებ იხსენებს და ამბობს, რომ პირველივე წუთიდანვე იცოდა, რომ პაციენტი ვერ გადარჩებოდა:

ეს იყო განცდა, როდესაც პირველივე წუთიდან ვიცოდი, რომ ეს ადამიანი ჩემს კლინიკაში რომ შემოვიდოდა, აუცილებლად რამდენიმე საათში დაიღუპებოდა. როცა ეს უბედური შემთხვევა მოხდა ახალციხეში, ჩემმა მეგობარმა ექიმმა დამირეკა, რომელიც იქ მუშაობს და ამ ყველაფრის მერე, მივხვდი, რომ იქ სიცოცხლე ვერ გაგრძელდებოდა. პირველად როდესაც საგანგებომ დამირეკა და მითხრა: - თქვენ უნდა მიღოთ. მე უარი ვუთხარი, იმიტომ რომ არ მინდოდა ამ დიდი ტკივილის მიღება, რასაც ახალგაზრდა მედ პერსონალის შენს კლინიკაში გარდაცვალება წარმოადგენს.

იქაურ რეანიმატოლოგთან სატელეფონო კომუნიკაცია მქონდა, გადმოცემით ვიცოდი, რომ გახანგრძლივებული რეანიმაცია იყო. ამ შემთხვეაში, ჩვენდა სამწუხაროდ ცოცხალ სისტემას არ შეუძლია აღიდგინოს ფუნქცია, იმიტომ რომ არსებობს ჩვენთან ასეთი დიაგნოზი: - "გულის გაჩერება წარმატებული აღდგენით", მაგრამ მას თავისი დრო გააჩნია, როდესაც ის დროს სცილდება, რა დროსაც ნებისმიერი ცოცხალი უჯრედი კვდება, იქ ყოველთვის ცუდად მთავრდება და ეს გრძნობა გამიჩდა, ჩვენდა სამწუხაროდ ასეც დადასტურდა. სხვა გზა არ იყო, მივიღე ეს პაციენტი ბევრი მიზეზის გამო, იმტომ რომ ოჯახს ნდობა ჰქონდა.

რომ გავსინჯე, მივხვდი, რომ იქ სიცოცხლე რამდენიმე საათში დასრულდებოდა. ავუხსენი კიდევაც მეუღლეს. ეს ძალიან ძნელი აღსაქმელია. ჯერ პირველ რიგში, ის, რომ უნდა უთხრა პატრონს აუცილებლად და მეორე, რომ უძლური ხარ. ეს ძალიან იშვიათად ხდება ექიმის ცხოვრებაში. როდესაც პაციენტს სინჯავ და იქვე ხვდები, აქ არაფერი გამოვა. ეს იყო მისი კლინიკური მდგომარეობა. საავადმყოფოში შემოსვლიდან 15 წუთში გავსინჯე პაციენტი და იქვე ჩავწერე ჩანაწერში, რომ სიცოცხლე რამდენიმე საათში სიკვდილით დასრულდებოდა. ეს იყო სიცოცხლესთან შეუთავსებელი მდგომარეობა. ეს მთელი ქვეყნის ტრაგედიაა“, - აღნიშნა რატიანმა.

მისთვის უცნობია, ვისი ბრალი იყო მეგი ბაქრაძის გარდაცვალება. მისი აზრით, ეს ბედისწერა იყო.

"ამის თქმით უფლება მექნებოდა, მე რომ მოვლენას შევსწრებოდი, მაგრამ მე ის მოვლენა მხოლოდ მონაყოლით ვიცი, რაც იქ მოხდა. ვისი ბრალი იყო, რისი ბრალი იყო - ეს ჩემი განსასჯელი არ არის“, - განაცხადა რატიანმა.