მნიშვნელოვანი ინფორმაცია
9
ივლისიდღის ზოგადი ასტროლოგიური პროგნოზი
ოთხშაბათი, მთვარის მეთხუთმეტე დღე დაიწყება 22:10-ზე, მთვარე თხის რქაში გადავა 12:52-ზე –
ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, ეს შესაძლოა სამომავლოდ გამოგადგებათ. იზრდება ტრავმებისა და ძლიერი ნერვული დაძაბულობის ალბათობა. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე. დღეს მოხმარებული პროდუქტები უნდა იყოს მაღალი ხარისხის და ახალი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შესვლა პრობლემური იქნება, მაგრამ თუ გადაწყვეტილებას ხალხი მიიღებს, ნებისმიერ გადაწყვეტილებას, ყველაზე მაღალი ლეგიტიმაცია ექნება" - "ნაცმოძრაობა" პოლიტსაბჭოს სხდომას მართავს
15:56 / 30-05-2021
ჩვენ უნდა მივიღოთ პრაგმატული, რაციონალური გადაწყვეტილება იმისთვის, რომ საქართველოს პარლამენტში, ახლა ამ ახალ მოცემულობაში ოპოზიცია იყოს წარმოდგენილი უფრო ძლიერად, - ამის შესახებ "ნაციონალური მოძრაობის" წევრმა ხატია დეკანოიძემ ჟურნალისტებთან განაცხადა.
როგორც მან აღნიშნა, ის მხარს დაუჭერს, რომ პარტიამ საპარლამენტო საქმიანობა განაგრძოს.
მისივე ინფორმაციით, დღევანდელ პოლიტსაბჭოს სხდომაზე ასევე მიიღებენ გადაწყვეტილებას შარლ მიშელის დოკუმენტზე ხელის მოწერის საკითხთან დაკავშირებით.
„ჩვენ კენჭისყრაზე გამოვიტანთ საქართველოს საპარლამენტო საქმიანობის გაგრძელებასთან დაკავშირებით საკითხს. გუშინ დავასრულეთ რეგიონალური ტური, სადაც ნიკას და პარტიის ლიდერებს ჰქონდათ საშუალება მოესმინათ ჩვენი რეგიონალური ორგანიზაციების თავმჯდომარეების, აქტივის, ამომრჩევლის ძალიან მნიშვნელოვანი არგუმენტაცია ამ საკითხზე და მინდა გითხრათ, ნამდვილად, კამათი იყო ძალიან ცხარე ბევრ რეგიონში. სულ რამდენიმე საათი დაგვრჩა იმ წერტილამდე, როცა "ნაციონალური მოძრაობა" მიიღებს ძალიან მნიშვნელოვან გადაწყვეტილებას არა მხოლოდ ჩვენი პარტიისთვის, არამედ ქვეყნისთვის, რადგან ჩვენ უნდა მივიღოთ პრაგმატული, რაციონალური გადაწყვეტილება იმისთვის, რომ საქართველოს პარლამენტში, ახლა ამ ახალ მოცემულობაში ოპოზიცია იყოს წარმოდგენილი უფრო ძლიერად და მათ შორის, საქართველოში "ქართულ ოცნებას" ამ ისედაც მიტაცებულ ქვეყანაში არ ჰქონდეს კომფორტი, რომ საქართველოს მოქალაქეების ხმა მათ ვერ გაიგონ. ამიტომ ჩემი გადაწყვეტილება ცნობილია, მე მხარს დავუჭერ დღეს სხდომაზე პარტია "ნაციონალური მოძრაობის" საპარლამენტო საქმიანობის გაგარძელებას.
რაც შეეხება კიდევ ერთ მნიშვნელოვან საკითხს, დღეს წარმოდგენილი იქნება ჩვენთვის კვლევა, რომელიც ჩავატარეთ, რათა გაგვეგო ჩვენი მხარდამჭერების მნიშვნელოვანი აზრი და იცით, რომ ჩვენი მხარდამჭერების მოსაზრება ჩვენთვის არის ძალიან მნიშვნელოვანი, ამიტომ ყველა ერთად, ნებისმიერ საკითხზე რაც არ უნდა ცხარე არგუმენტაცია გამოიწვიოს ამ საკითხმა, შევჯერდებით“, - განაცხადა დეკანოიძემ.
„ნაციონალური მოძრაობის" მეორე ლიდერის გიორგი ბარამიძის განცხადებით კი, პარტია პარლამენტში შესვლა-არშესვლის საკითხზე საბოლოო გადაწყვეტილების მიღებისას საკუთარი მხარდამჭერების, ამომრჩევლის აზრს გაითვალისწინებს.
როგორც მან პოლიტსაბჭოს სხდომის დაწყებამდე ჟურნალისტებს განუცხადა, დღევანდელი პარლამენტი არალეგიტიმურია.
"ეს პარლამენტი არალეგიტიმურია, არალეგიტიმური იყო 2020 წლის არჩევნების შემდეგაც და დღესაც არალეგიტიმურია. ჩემი აზრით, ამ არალეგიტიმურ პარლამენტში "ნაციონალურ მოძრაობას" არაფერი ესაქმება მიუხედავად იმისა, რომ ძალიან კარგად მესმის საპარლამენტო ტრიბუნის და სხვა საპარლამენტო სიკეთეების მნიშვნელობა, ჩემთვის ყველაზე მნიშვნელოვანი არის ჩვენი ხალხის, ჩვენი ამომრჩევლის ჩვენდამი ნდობა და ის, რომ იცოდეს ჩვენმა ხალხმა, "ნაციონალური მოძრაობა" რასაც ამბობს, იმას აკეთებს და იქედან გამომდინარე მოქმედებს, რა დასკვნებსაც აკეთებს და რასაც ხალხს ესაუბრება.
აქედან გამომდინარე, შესვლა პრობლემური იქნება, მაგრამ თუ ამ გადაწყვეტილებას ჩვენი საზოგადოება და ხალხი მიიღებს, ის ამომრჩეველი, რომელმაც ჩვენ მოგვცა ის მანდატები, რომელიც "ნაციონალურ მოძრაობას" აქვს, მაშინ, ბუნებრივია, ნებისმიერ გადაწყვეტილებას შესვლა იქნება თუ არშესვლა, ექნება ყველაზე მაღალი ლეგიტიმაცია", - განაცხადა ბარამიძემ.
ცნობისთვის, "ნაციონალური მოძრაობა" პოლიტსაბჭოს სხდომას მართავს, რომელზეც პარლამენტში შესვლა-არშესვლის საკითხზე მსჯელობენ. სხდომის დასრულების შემდეგ, პარტია საბოლოო გადაწყვეტილებას გაასაჯაროვებს.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თქვენი არაფერი არ დაიჯერება ხან ერთს ამბობთ ხან მეორეს სულ გინდოდათ პარლამენტის თბილი სავარძლები მაგრამ თქვენი ბატონი არ განებებდათ ეხლა ადექით და ბოდიში მოუხადეთ თქვენს ამომრჩეველს და ის სიტყვები უკან წაიღეთ
ჰო აბა სულ ხალხის ჭკუაზე დადიხართ