"ობოლი ბავშვები მაღაროებსა და ფერმებში საკუთარი სურვილით მუშაობენ" - ჩრდილოეთ კორეის ახალი ამბების ცენტრალური სააგენტო (ფოტოები)

ქვეყანაში ობოლი ბავშვები მაღაროებსა და ფერმებში მოხალისეებად, საკუთარი სურვილით მუშაობენ - ამ ინფორმაციას კორეის ახალი ამბების ცენტრალური სააგენტო (KCNA) ავრცელებს.

მედიის თქმით, ასობით ბავშვი „საკუთარი გონებითა და სიმამაცით“ იღებს გადაწყვეტილებას, რათა იმუშაოს სახელმწიფოს კუთვნილებაში მყოფ ფერმებსა და მაღაროებში.

BBC-ის ინფორმაციით, ბავშვების იდენტიფიკაცია რთულია, თუმცა ფოტოების მიხედვით დგინდება, რომ ზოგიერთი მათგანის ასაკი 12-13 წელს არ აღემატება. აღსანიშნავია, რომ ადამიანის უფლებების დამცველი ჯგუფები ჩრდილოეთ კორეას ბავშვების იძულების გამოყენებით მუშაობაში სდებს ბრალს, რასაც ხშირად სახელმწიფო უარყოფს.