აჭარაში კორონავირუსით ექიმი ნაირა სურმანიძე გარდაიცვალა - "პაციენტის მდგომარეობა მეშვიდე დღეს დამძიმდა"
აჭარაში კორონავირუსის შედეგად 61 წლის ექიმი ნაირა სურმანიძე გარდაიცვალა. როგორც აჭარის ჯანდაცვის სამინისტროში აცხადებენ, ექიმს კორონავირუსი 10 მაისს დაუდასტურდა, რომელსაც სუნთქვის მწვავე უკმარისობა აღენიშნებოდა.
"ქობულეთის სამედიცინო ცენტრში შეყვანილი იქნა 10 მაისს 11:00 საათზე, დიაგნოზით - სუნთქვის მწვავე უკმარისობა, ცხელება. პაციენტის მდგომარეობა კლინიკაში შეყვანისას სტაბილური იყო, თუმცა მდგომარეობა დამძიმდა მეშვიდე დღეს. განვითარდა ორმხრივი პნევმონია, დისტრეს სიმდრომი, ფილტვის შეშუპება, გულის მწვავე უკმარისობა, გულის გაჩერება. გატარებული შესაბამისი ღონისძიებების მიუხედავად, სამწუხაროდ, პაციენტის გადარჩენა ვერ მოხერხდა. გარდაცვალება დაფიქსირდა 28.05. 05:15 საათზე" - აცხადებენ აჭარის ჯანდაცვის სამინისტროში.
ექიმის გარდაცვალებას კოლეგები სოციალურ ქსელში გამოეხმაურნენ:
"კორონავირუსმა ჩვენი კოლეგა, რადიოლოგი ნაირა სურმანიძე იმსხვერპლა, ჩვენი ნაირა საუკეთესო პიროვნული თვისებებით გამორჩეული და ყველასათვის საყვარელი ადამიანი, თავისი საქმის პროფესიონალი ჩვენი გუნდის უდიდესი ტკივილი და დანაკლისი...
კოვიდ-19 მას 10 მაისს დაუდასტურდა და ამ ხნის განმავლობაში ქობულეთის ერთ-ერთ კოვიდ-კლინიკაში მკურნალობდა. ბაუ საერთაშორისო ჰოსპიტალი ღრმა მწუხარებას გამოთქვამს და სამძიმარს უცხადებს ოჯახს, ახლობლებს, კოლეგებს",- აცხადებენ ექიმები.
ცნობილი ტელეწამყვანი და მეცნიერი არნოლდ გეგეჭკორი კორონავირუსს ემსხვერპლა
გუმათში სამართალდამცავებსა და "ნამახვანჰესის" მშენებლობის მოწინააღმდეგეებს შორის კიდევ ერთი დაპირისპირება მოხდა
