მნიშვნელოვანი ინფორმაცია
11
ივლისიდღის ზოგადი ასტროლოგიური პროგნოზი
პარასკევი, მთვარის მეჩვიდმეტე დღე დაიწყება 23:08-ზე, მთვარე მერწყულს ესტუმრება 21:19-ზე – რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. მოაწყვეთ კორპორაციული წვეულებები. არ არის რეკომენდებული მნიშვნელოვანი საკითხების გადაჭრა. სერიოზული და ფართომასშტაბიანი მოლაპარაკებების წარმოება. ხელსაყრელი პერიოდია სამეცნიერო საქმიანობის, კვლევისთვის. ადამიანები ავლენენ დამოუკიდებლობას, ექსტრავაგანტურობას, კომუნიკაბელურობას, ექსპერიმენტებისადმი მიდრეკილებას და გამომგონებლობას. მნიშვნელოვანია მოამზადოთ რაიმე გემრიელი და უჩვეულო, ჩაატაროთ ექსპერიმენტები სამზარეულოში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გაჟონა თუ არა კორონავირუსმა უხანის ლაბორატორიიდან? - რატომ აღარ უწოდებენ მოსაზრებას შეთქმულების თეორიას და რა მასალები გამოაქვეყნა აშშ-ის დაზვერვის სამსახურმა
13:47 / 28-05-2021
ჩინეთის ქალაქ უხანში Covid-19-ის აღმოჩენიდან თითქმის წელიწადნახევარი გავიდა და კითხვა, როგორ გაჩნდა, როგორ წარმოიშვა ვირუსი, მიუხედავად უკვე ჩატარებული სხვადასხვა გამოძიებისა, ამ დრომდე პასუხგაუცემელია.
კორონავირუსის წარმოშობასთან დაკავშირებით ჯანდაცვის მსოფლიო ორგანიზაციის მიერ გაკეთებული დასკვნა, შესაძლოა, თავდაყირა დადგეს. ჯანმოს დასკვნაში ნათქვამია, რომ ღამურებიდან ადამიანზე სხვა ცხოველის საშუალებით ვირუსის გადაცემა, ყველაზე სარწმუნო სცენარია. თუმცა ბოლო დღეებში აშშ-ის დაზვერვის სამსახურის მიერ გამოქვეყნებულმა მასალებმა ახალი ეჭვები გააჩინა.
- რა მასალები გამოაქვეყნა აშშ-ის დაზვერვის სამსახურმა?
მაისის დასაწყისში წარმომადგენელთა პალატის სადაზვერვო კომიტეტის რესპუბლიკელმა წევრებმა გამოაქვეყნეს ანგარიში, სადაც ყურადღება უხანის ლაბორატორიაზე იყო გამახვილებული. რესპუბლიკელების მოხსენების თანახმად, "მნიშვნელოვანი გარემოებითი მტკიცებულებები სერიოზულ შეშფოთებას იწვევს, რომ კოვიდ-19-ის გავრცელება, შესაძლოა, ინსტიტუტიდან ვირუსის გაჟონვამ გამოიწვია, ვინაიდან უხანის ლაბორატორია ბიოლოგიური იარაღის კვლევას აწარმოებდა". დოკუმენტში ასევე აღნიშნულია, რომ პეკინი ვირუსის წარმოშობის დაფარვას ცდილობდა.
ამასთან, რამდენიმე დღის წინ ცნობილი გახდა, რომ აშშ-ის სადაზვერვო სააგენტოები იკვლევენ ინფორმაციას იმის შესახებ, რომ უხანის ლაბორატორიის სამი მკვლევარი 2019 წლის ნოემბერში "სერიოზულად დაავადდა" და საავადმყოფოში მკურნალობდა მანამ, სანამ ვირუსი ქალაქში ცირკულაციას დაიწყებდა.
ვაშინგტონი ჯანდაცვის მსოფლიო ორგანიზაციას მოუწოდებს, კოვიდ 19-ის წარმოშობის გამოკვლევის მეორე ეტაპი დაიწყოს.თემასთან დაკავშირებით განცხადება გააკეთა შეერთებული შტატების პრეზიდენტმა, ჯო ბაიდენმაც. პრეზიდენტის თქმით, დაზვერვის სააგენტოები სხვადასხვა თეორიებს განიხილავენ, მათ შორის, ვირუსის უხანის ლაბორატორიიდან გავრცელებას და ცხარედ კამათობენ, რომელი უფრო რეალურია.
ახლა მე ვთხოვე სადაზვერვო სამსახურებს, გაორმაგდეს ძალისხმევა, შეაგროვონ და გააანალიზონ ინფორმაცია, რომელიც საბოლოო შედეგამდე მიგვიყვანს და 90 დღეში წარმომიდგინონ მოხსენება, - განაცხადა ბაიდენმა
- რას გულისხმობს თეორია ვირუსის ლაბორატორიიდან გაჟონვის შესახებ?
არსებობს ეჭვი, რომ კორონავირუსი შესაძლოა, შემთხვევით, ან სხვა მიზეზით, გავრცელებულიყო ჩინეთის ქალაქ უხანის ლაბორატორიიდან. ამ მოსაზრების მომხრეები მიუთითებენ ქალაქში დიდი ბიოლოგიური კვლევითი ობიექტის არსებობაზე. უხანის ვირუსოლოგიის ინსტიტური ათწლეულზე მეტია სწავლობს კორონავირუსებს. ლაბორატორიიდან რამდენიმე კილომეტრში კი მდებარეობს ბაზარი, სადაც კორონავირუსის პირველი შემთხვევები გამოვლინდა.
აღნიშნული თეორიის მომხრეები შესაძლებლად მიიჩნევენ, რომ ვირუსი გავრცელდა ლაბორატორიიდან და ბაზარში მომუშავე ადამიანები დააინფიცირა.
მოსაზრება პანდემიის პირველივე ეტაპზე გაჩნდა და მის ფართოდ გავრცელებას აშშ-ის მაშინდელმა პრეზიდენტმა დონალდ ტრამპმაც შეუწყო ხელი, რომელიც ამ თეორიას იზიარებდა და ჩინეთს, ჯანდაცვის მსოფლიო ორგანიზაციასთან ერთად, ინფორმაციის დამალვაში სდებდა ბრალს. ზოგიერთები ვარაუდობდნენ, რომ საქმე გვქონდა შესაძლო ბიოლოგიურ იარაღთან.
მაშინ მედიის, პოლიტიკოსებისა და ჯანდაცვის სექტორის წარმომადგენელთა დიდმა ნაწილმა მოსაზრება უარყო და მას "შეთქმულების თეორია" უწოდეს, თუმცა იყვნენ ისეთებიც, რომლებსაც ზემოთ აღნიშნული მოსაზრება დასაშვებად მიაჩნდათ და ამბობდნენ, რომ ყოველივე შესწავლას საჭიროებდა,
აღსანიშნავია, რომ ბაიდენის ადმინისტრაციამ თავდაპირველად შეაჩერა აშშ-ის სახელმწიფო დეპარტამენტის გამოძიება უხანის ლაბორატორიიდან ვირუსის გაჟონვის შესახებ. გამოძიება მისი წინამორბედის, დონალდ ტრამპის ბრძანებით მიმდინარეობდა.
ჩემთვის ეს თავიდანვე აშკარა იყო, მაგრამ როგორც ყოველთვის, მაშინაც საშინლად გამაკრიტიკეს, ახლა კი ამბობენ - "ის მართალი იყო" - უთხრა დონალდ ტრამპმა "ნიუ იორკ თაიმსს" საკითხის კომენტირებისას.
- ჯანდაცვის მსოფლიო ორგანიზაციის გამოძიების დასკვნა და 4 თეორია ვირუსის წარმოშობაზე
2021 წლის 14 იანვარს ჩინეთის ქალაქ უხანში ჩავიდა ჯანდაცვის მსოფლიო ორგანიზაციის ექსპერტთა ჯგუფი, 17-კაციანი შემადგენლობით, რათა სიღრმისეულად გამოეკვლიათ კორონავირუსის წარმოშობის და მისი ადამიანში გავრცელების საიდუმლო.
ესქპერტთა ჯგუფი მუშაობდა რამდენიმე თეორიაზე, რომელთა შორისაც ერთი ყველაზე სარწმუნოდ მიაჩნიდათ, ორი - შესაძლებლად, ხოლო ერთი "უკიდურესად ნაკლებ სავარაუდოდ".
- კვლევის თანახმად, კორონავირუსის ღამურებიდან ადამიანზე სხვა ცხოველის საშუალებით გადაცემა ყველაზე სარწმუნო სცენარია.
- ზოონოტიკური თეორია - აღნიშნული თეორიის მიხედვით, კორონავირუსი პირდაპირ ცხოველიდან, სავარაუდოდ, ღამურიდან გადავიდა ადამიანზე. აღნიშნულ თეორიაზე ჯანმოში ამბობენ, რომ ის "დასაშვებია."
- "გაყინული საკვები - ამ თეორიის თანამხად, SARS-CoV-2 შესაძლოა, ადამიანის ორგანიზმში მოხვდა გაყინული და უკვე საჭმელად არავარგისი საკვებით. ასე შესაძლოა, ვირუსი ადამიანის ორგანიზმში მოხვედრილიყო ცხოველთან პირდაპირი შემხებლობის გარეშე. აღნიშნულ თეორიასაც მეცნიერები "შესაძლოს" უწოდებენ.
- ვირუსის ლაბორატორიიდან გავრცელების თეორია - ეს არის თეორია, რომელსაც აბსოლუტურად გამორიცხავენ და ჯანდაცვის ექსპერტები აღნიშნული მიმართულებით მუშაობის გაგრძელებას აღარ აპირებენ.
აღსანიშნავია, რომ ჯანმომ გამოძიების შედეგები მიმდინარე წლის აპრილში გამოაქვეყნა, შეერთებული შტატების დაზვერვის სამსახურის მიერ გამოქვეყნებულ მასალებზე კი ჯერჯერობით კომენტარი არ გაუკეთებიათ.
ცნობისთვის, კორონავირუსის გამოვლენის დღიდან ამ დრომდე, გლობალური მასშტაბით, კოვიდის 169,6 მილიონი შემთხვევაა აღწერილი, ვირუსს ჯამში 3,5 მილიონი ადამიანი ემსხვერპლა.
წყარო: BBC.com
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თუ ჩინეთს პასუხი არ მოეთხოვება, შესაძლებელია უარესიც გააკეთონ. ეს იგივე მსოფლოი ომის დაწყებას ნიშნავს, ჩინეთმა პასუხი უნდა აგოს მკაცრად, საკმაოდ დიდი საფუძველია ომის დაწყებისათვისაც, არ უნდა აპატიონ
საქმედია, როცა ადამიანს ებრძვი და აუბედურებ მას ეს ცოდვის კლიენტურობაა და ის იმ წერტილიდან მოგეკითხება, რა წერტილშიდაც იღებ გადაწყვეტილებას. თუ არა ჰეროიკა ბრძოლის ველზე კვდება, რანაირადაც ეს ქრისტემ გააკეთა და ავიდა ზეცაში. დიდება უფალს!