21
მაისიდღის ზოგადი ასტროლოგიური პროგნოზი
ინდოეთში, ინდუიზმის ერთ-ერთ ტაძარში, ყოველ დღე კორონავირუსის ორ ქალღმერთზე ლოცულობენ და პანდემიის შემსუბუქებას ევედრებიან. კორონას ქალღმერთები გამოიგონეს და მათ პატივსაცემად ფიგურები განათავსეს ტამილ ნადუს შტატში, ქალაქ კოიმბატორში, რომელიც ვირუსის აფეთქებამ ძალიან დააზარალა.
მომლოცველები ქალღმერთების ფიგურებთან ტოვებენ საკვებსა და სხვა შესაწირს, უგალობენ, გარდა ამისა კურკუმას წყალში და რძეში ბანენ.
"წარსულში ყვავილის დასამარცხებლად გვქონდა ტაძრები ახლა კი თაყვანს ვცემთ ვირუსს ქალღმერთის სახით და ყოველ დღე ვევედრებით მას, რომ შეამსუბუქოს დაავადება. ვხედავთ, რომ ექიმები სიტუაციას ვერ უმკლავდებიან, ამიტომ ერთადერთი გზა ისაა, რომ ვილოცოთ და შევევედროთ ღმერთს ამ მდგომარეობას თავი დავაღწიოთ“, - ამბობს მღვდელი.
მორწმუნეები აპირებენ, რომ მომდევნო შვიდი კვირის განმავლობაში ყოველ დღე ილოცონ ახალ ქალღმერთებზე და იმედოვნებენ, რომ მათ წყალობას მიიღებენ.
ცნობისთვის, ინდოეთი კორონავირუსით ინფიცირებულთა რაოდენობის მიხედვით, მსოფლიოს მეორე ქვეყანაა. ვირუსის გამოვლენის დღიდან ამ დრომდე ქვეყანაში კოვიდის 27,5 მილიონი შემთხვევაა აღწერილი, მათ შორის, 318 865 გარდაიცვალა.
ნახეთ ვიდეო:
მეორეთ მოსვლის დროს ღმერთი ალბათ ინდოეთიდან დაიწყებს ხალხის გასამართლებას, გაგიგია ყველაფერი ღმერთად აქციო და ყველაფერზე ილოცოო,,,,,,,? რა ხალხი რა ჭირთ...
ჯობია ჯანმო-ს შეფისა და ბილ გეიტსის სტატუები გააკეთონ "ქალგმერთებად".