ტყიბულში ავარიის შედეგად ორი მამაკაცი დაიღუპა - გარდაცვლილები თანასოფლელები და ერთმანეთის ახლობლები არიან

ტყიბულის მუნიციპალიტეტში, სოფლების ორპირი - ცუცხვათის დამაკავშირებელ ავტომაგისტრალზე ერთმანეთს ორი მსუბუქი ავტომანქანა დაეჯახა, რის შედეგადაც ორივე ავტომანქანის მძღოლი დაიღუპა, ერთი მგზავრი კი მსუბუქად დაშავდა. ავარია წუხელ მოხდა.

ავტოსაგზაო შემთხვევის შედეგად დაღუპული მამაკაცები თანასოფლელები და ერთმანეთის ახლობლები არიან.