ელისაბედ მეორე საქართველოს დამოუკიდებლობის დღეს ულოცავს - “თქვენს განსაკუთრებულ ეროვნულ დღესთან დაკავშირებით, მსურს, მოგილოცოთ"
დიდი ბრიტანეთის დედოფალი ელისაბედ მეორე საქართველოს დამოუკიდებლობის დღეს ულოცავს. დედოფლის მისალოც წერილს დიდ ბრიტანეთში საქართველოს საელჩო ავრცელებს.
დიდი ბრიტანეთისა და ჩრდილოეთ ირლანდიის გაერთიანებული სამეფოს დედოფალი, მისი უდიდებულესობა ელიზაბეთ II საქართველოს პრეზიდენტსა და ქართველ ხალხს დამოუკიდებლობის დღეს ულოცავს!
“თქვენს განსაკუთრებულ ეროვნულ დღესთან დაკავშირებით, მსურს, თქვენს აღმატებულებას გადმოგცეთ ჩემი მილოცვები, საქართველოს ხალხისადმი საუკეთესო სურვილებთან ერთად. ასეთი რთული წელიწადის შემდეგ, იმედი მაქვს, შეგვიძლია მოველოდეთ ჯანმრთელობის გლობალური გამოწვევების გადალახვასა და მომავალში უკეთეს დროს”, - ნათქვამია დედოფლის მისალოც გზავნილში.