როგორ ულოცავს Google-ი საქართველოს დამოუკიდებლობის დღეს

საძიებო სისტემა Google-ი საქართველოს დამოუკიდებლობის დღეს ულოცავს. ეს უკვე ტრადიციად დამკვიდრდა და ყოველი წლის 26 მაისს, Google-ში საქართველოს დროშის ფერებში ჩვენი ქვეყნის სიმბოლიკა ჩნდება.

ამჯერად, საძიებო სისტემის მთავარ გვერდზე სპეციალური ესკიზი, ე.წ. დუდლი გამოჩნდა, სადაც საქართველოს დროშას ვხედავთ, მასზე მაუსის კურსორის მიახლოებისას იწერება, რომ დღეს საქართველოს დამოუკიდებლობის დღეა, ხოლო თუკი დააკლიკებთ, დამოუკიდებლობის დღესთან დაკავშირებულ ინფორმაციებზე გადახვალთ.

მისალოცი ესკიზი Google-ში 26 მაისის დადგომისთანავე გამოჩნდა.