"ჩემი პირველი გამოსვლაა ამ დარბაზში და თუ რამე სისულელეს ვიტყვი, არ დამცინოთ...ძალიან მაწუხებს შემოსასვლელში რკინის ღობე" - ვახო მეგრელიშვილი
"გირჩის" ერთ-ერთი ლიდერი, ვახო მეგრელიშვილი პარლამენტის ტრიბუნიდან დღეს სიტყვით პირველად გამოვიდა და მან კოლეგებს თხოვნით მიმართა, რომ თუ რაიმე "სისულელეს" იტყოდა, "არ დაეცინათ."
"დღეს ჩემი პირველი გამოსვლაა ამ დარბაზში და თუ რამე სისულელეს ვიტყვი, არ დამცინოთ. ბევრი რაღაც მინდოდა მეთქვა, რადგანაც პირველი გამოსვლა იყო, გუშინ ვლაპარაკობდით კიდეც, რომ რა არის ასეთი თემა მნიშვნელოვანი, რომელიც შემიძლია ვთქვა. მართალი გითხრათ, ბევრი ვერაფერი ვერ მოვიფიქრე..., ყველა საკითხს შეეხეთ, ფაქტობრივად.
გადავწყვიტე, რომ რაც მართლა ძალიან მაწუხებს ის გითხრათ - ძალიან მაწუხებს შემოსასვლელში რკინის ღობე, რომელსაც რომ უყურებ, თითქოს ისეთი განცდა გაქვს, რომ ციხეში შედიხარ.
ყოველ დილას ციხეში შესვლა მე რაღაცნაირად არ მინდა. ამის გამო დავიწყე თქვენთან კომუნიკაცია - ვის მოსწონს ეს ღობე და ვის არ მოსწონს და უმრავლესობას არ მოსწონს, გარწმუნებთ", - ამბობს მეგრელიშვილი.
აბსოლუტურად დაემთხვა პრო-რუსული, ნაციონალისტურ-ექსტრემისტული ძალებისა და სააკაშვილის ნარატივი, თითქოს ჰესები აღარ უნდა ვაშენოთ და სერვისებს "მივაწვეთ" - ნათია თურნავა
"მოვუწოდებთ აქტივისტებს, შეწყვიტონ ძალისმიერი მოქმედებები..." - რა განცხადებას ავრცელებს კომპანია "ენკა"
