9
ივლისიდღის ზოგადი ასტროლოგიური პროგნოზი
"ნაციონალური მოძრაობის" ერთ-ერთი ლიდერი რომან გოცირიძე, ექსპრეზიდენტ მიხეილ სააკაშვილის მიერ "ნამახვანჰესის" თაობაზე გაკეთებულ განცხადებებს "ფეისბუქის" პირად გვერდზე პასუხობს და წერს:
"გუშინ ექსპერტმა ბრძანა, ნამახვანი რომ დაინგრეს, არ იქნება 19 მეტრის სიმაღლის ტალღა, მხოლოდ 4 მეტრის სიმაღლის იქნებაო. მინდა, ამ ახალი ინფორმაციით დავამშვიდო მიშა, რომელმაც გუშინ ნიკა გვარამიასთან საუბარში განაცხადა, რომ მის მიერ ქუთაისში აშენებული ლამაზი შენობები შეიძლება წყალში ჩაიძიროს. არ მოხდება ასე. 4 მეტრის სიმაღლის წყალი შუშის პარლამენტის მხოლოდ ორ სართულს დატბორავს".
აღსანიშნავია, რომ მიხეილ სააკაშვილი პრეზიდენტობის დროს ჰესების მშენებლობის წინააღმდეგი სულაც არ ყოფილა. მეტიც, სწორედ მისი ხელისუფლების დროს, 2009 წლის 8 დეკემბერს გაფორმდა საქართველოსა და თურქეთ-სამხრეთ კორეის კონსორციუმს შორის მემორანდუმი ნამახვანის ჰესების კასკადის მშენებლობის შესახებ, თუმცა დღეს ის აცხადებს, რომ საქართველოს ეკონომიკური ზრდისთვის სხვა წყაროები აქვს და ჰესები აღარ არის მთავარი პრიორიტეტი.
“მე ამ ბიჭების უმრავლესობა ადამიანურად მესიმპათიურება. უმეტესობის მოტივაცია არის აბსოლუტურად სუფთა და სწორი. თქვენც იყავით იმ ეპოქაში, როდესაც საქართველო ბოლომდე ჩაბნელებული იყო. არ შეიძლებოდა, რომ ჩვენ თავიდან არ აგვეშენებინა ჰესები. ვინც მაგას მეტყვის, რომ როგორ არ მოგტყდათ ის ხელი, რომლითაც დაიწყეთ ენერგეტიკაში წესრიგის დამყარება, ჰესების მშენებლობა, იმ ადამიანს უნდა შევარდნაძის ჭაობში. მეორე საკითხია, რომ მე ავიყვანე ტურისტების რაოდენობა 50 ათასიდან 7 მილიონამდე.
თქვენ წარმოგიდგენიათ, რომ მე მიმეღო გადაწყვეტილება, რომ მდინარე რიონი, საქართველოს ისტორიული მნიშვნელოვანი და ულამაზესი მდინარე, შეგვეყვანა მილში? ჩემთვის წარმოუდგენელია, რომ მდინარე რიონი გავაქროთ და წარმოუდგენელია, რომ ისეთი პროექტი ყოფილიყო, რომელიც ქუთაისს შეუქმნიდა საფრთხეს… ქალაქი, რომელშიც ამხელა გული და სული ჩავდეთ, წაეღო წყალს”, - განაცხადა სააკაშვილმა “მთავარი არხის” ეთერში.
მიშასგან თითქოს აღარაფერი უნდა მიკვირდეს, მაგრამ...ჩანაწერი მაინც არ არსებობდეს, სადაც ამაყად აცხადებს, რომ ნამახვანი აუცილებლად უნდა აშენდეს. ასეთი უსირცხვილო კაცი, თან ,,დიდი" პოლიტიკოსი მეორე თუ გეგულებათ?
კუპონა შე აფერისტო ვის ატყუებ განა არ ვიცით რომ ნამახვანჰესის მშენებლობის პროექტი შენი მიშიკოს წამოწყებულია და რა მაშინ არ იცოდა რომ კატასტროფის დროს შენობა ნაგებობები დაინგრეოდა მაგრამ ხომ გამოჩნდა რომ ორივე ოსტაპ ბენდერები ხართ ის ოსტაპია შენ კი კისა