"მითხრა: "გაიხადე", მე უბრალოდ გავიყინე და მერე არაფერი მახსოვს... თვეების მანძილზე ავად ვიყავი" - ლედი გაგამ მასზე განხორციელებული სექსუალური ძალადობა გაიხსენა
პოპვარსკვლავი ლედი გაგამ, ოპრა უინფრისა და პრინცი ჰარის ერთობლივი გადაცემის პირველ სერიაში - "მე, რომელსაც ვერ მხედავ", მის მიმართ განხორციელებულ სექსუალურ ძალადობასა და მისგან გამოწვეულ მენტალურ პრობლემებზე ისაუბრა.
ამ გადაცემის სერიების მიზანია მენტალური ჯანმრთელობის შესახებ გავრცელებული სტიგმის დამსხვრევა და საკითხის მიმართ საზოგადოებრივი ცნობიერების ამაღლება.
გაგას განცხადებით, ის 19 წლის იყო, როდესაც თავისი მუსიკალური პროდიუსერის მხრიდან, შანტაჟს საფუძველზე, ძალადობის მსხვერპლი გახდა:
"მე ვიყავი 19 წლის და უკვე შოუბიზნესში ვმუშაობდი, როდესაც ჩემმა პროდიუსერმა მითხრა: "გაიხადე ტანსაცმელი!" - მე უარი ვუთხარი და წამოვედი, მაგრამ მან მითხრა, რომ ისინი ყველა ჩემს მუსიკალურ ნამუშევარს დაწვავდნენ და არ გაჩერდებოდნენ. მე უბრალოდ გავიყინე და მერე არაფერი მახსოვს..." - ყვება ატირებული გაგა.
ლედი გაგამ ისაუბრა გაუპატიურების შედეგად დაორსულების შესახებ... მისი თქმით, წარსული ტრავმა დაეხმარა ისეთ ძლიერ ქალად ჩამოყალიბებულიყო, როგორიც დღეს არის, მაგრამ მანამდე ამ ტკივილის გასაძლებად წლები დასჭირდა:
”ჯერ სრულ ტკივილს ვგრძნობდი, შემდეგ კი გავბუჟდი. ორი წლის განმავლობაში იგივე გოგო არ ვიყავი. ტრავმის შედეგად, სრული ფსიქოლოგიური აშლილობა დამემართა და უკიდურესი პარანოიის მდგომარეობაში ვიმყოფებოდი. თვეების მანძილზე ავად ვიყავი... კვირას კვირა მისდევდა, მე ისევ ცუდად ვიყავი. მივხვდი, რომ ეს იყო იგივე ტკივილი, რაც მაშინ ვიგრძენი, როდესაც ჩემზე იძალადეს. თავის ტვინის უამრავი კვლევა მაქვს ჩატარებული, სადაც ექიმები ვერაფერს პოულობდნენ, მაგრამ ის შეგრძნება სხეულს ახსოვდა...
გამოჯანმრთელებისათვის ორნახევარი წელი დამჭირდა, თუმცა, ამ ხნის განმავლობაში ერთი მცირედი მიზეზიც საკმარისი იყო, რომ ემოციური და ფიზიკური ტკივილი დამბრუნებოდა. მიუხედავად ამისა, წლების განმავლობაში ამისგან თავის დაღწევა ვისწავლე და ყველაფერი ნელნელა შეიცვალა".
პოპვარსკვლავი ამბობს, რომ მოძალადის სახელს არასდროს გაამჟღავნებს:
"მესმის ამ კამპანიის არსი, მესმის, რომ ბევრი ადამიანისთვის ეს შვებაა, თუმცა, არა - ჩემთვის... არ მინდა, ამ ადამიანს ოდესმე ისევ გადავეყარო..."
"მაგიდის ქვეშ ყოველთვის ერთმანეთის ხელი გვეჭირა და ყველა ემოციას ვგრძნობდით" - ოდრი და ჟივენში - მოდის და კინოს სამყაროს პლატონური სიყვარულის ამბავი
"ბრანჯელინას" სკანდალური სასამართლოს დეტალები და გადაწყვეტილება, რომელმაც ჯოლი გააბრაზა: "არ დავუშვებ, ჩემს შვილებს ზიანი მიადგეთ"
