თელავში 17 წლის მოზარდი ფეხბურთის თამაშის დროს გარდაიცვალა - "გულის არეში ტკივილი იგრძნო და გონება დაკარგა"
კახეთში 17 წლის მოზარდი ფეხბურთის თამაშის დროს გარდაიცვალა. შემთხვევა დღეს, თელავის მუნიციპალიტეტის სოფელ ვანთაში მოხდა.
როგორც ოჯახის წევრები ამბობენ, თამაშის დროს მოზარდმა მოულოდნელად გონება დაკარგა. მათივე ინფორმაციით, ადგილზე მივიდა სასწრაფო დახმარების ბრიგადა, რომელმაც 17 წლის ბიჭი საავადმყოფოში გადაიყვანა, თუმცა მისი გადარჩენა ვერ მოხერხდა.
"თანატოლებთან ერთად თამაშობდა ფეხბურთს, რა დროსაც გულის არეში ტკივილი იგრძნო. უთქვამს, ცუდათ ვარო და გათიშულა. სასწრაფო დახმარება გამოვიძახეთ და საავადმყოფოში გადმოიყვანეს. სამწუხაროდ, მისი გადარჩენა ვერ მოხერხდა. რა მოხდა, ზუსტად ჩვენც არ ვიცით. ყველაფერს ექსპერტიზა დაადგენს," - ამბობენ გარდაცვლილის ოჯახის წევრები.
მომხდართან დაკავშირებით გამოძიება 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
მტკვარში, სავარაუდოდ, 21 მაისს გაუჩინარებული დავით ზუბიაშვილის ცხედარი იპოვეს
ტყიბულში ავარიის შედეგად ორი მამაკაცი დაიღუპა - გარდაცვლილები თანასოფლელები და ერთმანეთის ახლობლები არიან
