მნიშვნელოვანი ინფორმაცია
24
ივნისიდღის ზოგადი ასტროლოგიური პროგნოზი
ოთხშაბათი, მთვარის ოცდამეცხრე დღე დაიწყება 03:36-ზე, მთვარის პირველი დღე დაიწყება 14:31-ზე, მთვარე კირჩხიბში იქნება 07:45-დან – დაიცავით მარხვა, გმართებთ თავშეკავება. შუადღემდე არაფერი ახალი და მნიშვნელოვანი არ გააკეთოთ, დაასრულეთ ის, რაც ადრე დაიწყეთ. გაუფრთხილდით სახლს და ოჯახს, გაასუფთავეთ და მოაწესრიგეთ თქვენი სახლი. ახალმთვარეობაზე არ ღირს მნიშვნელოვანი საქმეების დაწყება. ის, რაც დღეს დაიგეგმება, მოგვიანებით წარმატებით განხორციელდება. ნუ გადატვირთავთ თავს ფიზიკურად და ემოციურად. ნაკლები ილაპარაკეთ. ახალმთვარეობიდან ერთი საათის განმავლობაში შეიმუშავეთ ერთი თვის ბიზნესგეგმის შემუშავება. მოძებნეთ ახალი გზები იდეების განსახორციელებლად. არ არის რეკომენდებული რაიმეს ყიდვა-გაყიდვა. სერიოზული გადაწყვეტილებების მიღება და მოლაპარაკება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ რუსეთი აგრესიულად იმოქმედებს ჩვენს და ჩვენი მოკავშირეების წინააღმდეგ, ვუპასუხებთ" - ლავროვისა და ბლინკენის შეხვედრის დეტალები: რა განაცხადეს მხარეებმა
10:05 / 20-05-2021
რუსეთის საგარეო საქმეთა მინისტრ სერგეი ლავროვსა და აშშ-ის სახელმწიფო მდივან ენტონი ბლინკენს შორის ოფიციალური შეხვედრა გაიმართა.
შეხვედრის შემდეგ კი ლავროვმა განაცხადა, რომ მას საუბარი კონსტრუქციულად ეჩვენა. "არსებობს გაგება იმასთან დაკავშირებით, რომ საჭიროა, დაიძლიოს არაჯანსაღი სიტუაცია, რომელიც წინა წლებში მოსკოვსა და ვაშინგტონს შორის შეიქმნა“, - ამბობს ლავროვი, რომლის კომენტარსაც რუსული მედია ავრცელებს.
მისივე თქმით, რუსეთი მზადაა, განიხილოს ორმხრივ დღის წესრიგში არსებული ნებისმიერი საკითხი.
- "მზად ვართ, როგორც პრეზიდენტმა პუტინმა არაერთხელ აღნიშნა, თანასწორობის, ურთიერთპატივისცემის, ინტერესთა ბალანსის დამყარების საფუძველზე, განვიხილოთ და გადავწყვიტოთ ნებისმიერი საკითხი, რომელიც ჩვენს ორმხრივ დღის წესრიგშია - რეგიონალურ და გლობალურ პრობლემებთან, კონფლიქტებსა და კრიზისთან დაკავშირებით, ”- აღნიშნა ლავროვმა.
მისივე თქმით, მოსკოვმა დაადასტურა მზადყოფნა სტრატეგიულ უსაფრთხოებასთან დაკავშირებით აშშ-სთან დიალოგის გამართვასთან დაკავშირებით.
"დღეს ჩვენ დავადასტურეთ წინადადება დიალოგის დაწყებასთან დაკავშირებით, ყველა ასპექტის, ყველა ფაქტორის განხილვით, რომელიც გავლენას ახდენს სტრატეგიულ სტაბილურობაზე: ბირთვული, არაბირთვული, შეტევითი, თავდაცვითი," - აღნიშნა რუსეთის საგარეო საქმეთა მინისტრმა.
- რა განაცხადა შეხვედრის დასრულების შემდეგ ენტონი ბლინკენმა?
შეხვედრა შეაფასა ამერიკის შეერთებული შტატების სახელმწიფო მდივანმაც. ენტონი ბლინკენის თქმით, მოსკოვის მხრიდან აგრესიული ქმედებების განხორციელების შემთხვევაში, ვაშინგტონი მას შესაბამის პასუხს გასცემს.
"საიდუმლო არ არის, რომ ჩვენს შორის განსხვავებები არსებობს და როდესაც საქმე ეხება ამ უთანხმოებებს, როგორც პრეზიდენტმა ბაიდენმა პრეზიდენტ პუტინს განუცხადა, თუ რუსეთი აგრესიულად იმოქმედებს ჩვენს, ჩვენი პარტნიორების და ჩვენი მოკავშირეების წინააღმდეგ, ჩვენ ვუპასუხებთ. არა ესკალაციისა და კონფლიქტის მიზნით, არამედ ჩვენი ინტერესების დასაცავად," - აღნიშნა ბლინკენმა.
მან ხაზი გაუსვა, რომ აშშ-ს რუსეთთან სტაბილური და პროგნოზირებადი ურთიერთობა სურს.
- "ჩვენ რუსეთთან სტაბილური, პროგნოზირებადი ურთიერთობა გვსურს. ვფიქრობთ, რომ ეს კარგია ჩვენი ხალხისთვის, რუსი ხალხისთვის და მსოფლიოსთვის," - აღნიშნა ბლინკენმა.
ცნობისთვის, აშშ-ის სახელმწიფო მდივან ენტონი ბლინკენსა და რუსეთის საგარეო საქმეთა მინისტრ სერგეი ლავროვს შორის პირველი შეხვედრა რეიკიავიკში, არქტიკის საბჭოს მინისტერიალის ფარგლებში, გაიმართა.
აღსანიშნავია, რომ რუსეთსა და აშშ-ს შორის ურთიერთობა ბაიდენის გაპრეზიდენტების შემდეგ გაუარესდა. ბაიდენმა თავიდანვე ხაზგასმით აღნიშნა, რომ თუკი აშშ-ის საქმეებში ჩარევის და არჩევნებზე გავლენის მოხდენის კუთხით, ასევე სხვადასხვა კიბერთავდასხმების განხორციელების მიმართულებით რუსული კვალი დადასტურდებოდა, ამერიკის რეაქცია იქნებოდა შესაბამისი, გარდა ამისა, მან პუტინს მკვლელი უწოდა.
საპასუხოდ ვლადიმერ პუტინმა ამგვარი განცხადება გააკეთა: "რას ვუპასუხებდი მას? მე მას ვეტყოდი, ჯანმრთელად იყავით... ჯანმრთელობას ვუსურვებ. ბავშვობაში, როდესაც ეზოში ერთმანეთს ვეკამათებოდით ხოლმე, ვამბობდით: "ვინც იძახის, იძახის, თავის თავზე იძახის".
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ვაშაძე დააკავეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბაიდენმა უნდა ივარგოს, მართალია ღრმად მოხუცია, მრჩეველებიც ყავს და პუტინს დასვამს თავის ადგილზე., ამერიკა უძლიერესი ქვეყანაა უძლიერესი ეკონომიკით.
მოყვარე და მტერი..