"იქმნება შთაბეჭდილება, რომ ე.წ. მესამე ტალღის პიკმა გადაიარა" - თენგიზ ცერცვაძე
"ბოლო 2-3 დღის მანძილზე იქმნება შთაბეჭდილება, რომ "მესამე ტალღის“ პიკმა გადაიარა", - ამის შესახებ ინფექციური საავადმყოფოს ხელმძღვანელმა თენგიზ ცერცვაძემ ჟურნალისტებს განუცხადა.
მან იმედი გამოთქვა, რომ შემდეგი 2 კვირის მანძილზე არსებული ეპიდემიოლოგიური ვითარება სტაბილური იქნება.
"თუ ზაფხულში შევალთ შედარებით სტაბილური მდგომარეობით და ზაფხულს მასობრივი ვაქცინაციისთვის გამოვიყენებთ, ამ წლის ბოლოს გაცილებით უფრო კომფორტულად ვიგრძნობთ თავს“, - განაცხადა ცერცვაძემ.
თენგიზ ცერცვაძემ სეზონურ ვირუსებზეც ისაუბრა.
"წინა სეზონზე, შემოდგომის, ზამთრისა და გაზაფხულის პერიოდში ყველაზე ხშირი სეზონური გრიპის ვირუსი პრაქტიკულად საქართველოში არ იყო. ეტყობა იმ პრევენციულმა ზომებმა, რომელსაც კოვიდისთვის ვიღებდით, მათ შორის პირბადემ, შეზღუდვებმა, გრიპის ვირუსის პრევენცია მოახდინა.
გრიპის ვირუსი პრაქტიკულად არ დაფიქსირებულა არც საქართველოში, არც ევროპაში. ახლა ისეთი პერიოდი მოდის, როდესაც სეზონური ვირუსის ცირკულირება, მხედველობაში მაქვს რესპირაციული ვირუსები, ისედაც ძალიან დაბალია“, - განაცხადა ცერცვაძემ.
"შემიძლია დავიტრაბახო, შესაძლოა ბევრ ევროპულ ქვეყანას არ ჰყავდეს ისეთი ძლიერი საზოგადოებრივი ტრანსპორტი, როგორც თბილისს" - კალაძე
"ინფორმაციის გავრცელების შემდეგ გერმანულ უწყებებთან მქონდა კონტაქტი და..." - რას ამბობს ელჩი სეზონურ სამუშაოებზე დასაქმებულ საქართველოს მოქალაქეებზე?
