30
მარტიდღის ზოგადი ასტროლოგიური პროგნოზი
ჟურნალისტ ვახო სანაიაზე თავდასხმაში ბრალდებულ გიორგი სახელაშვილის ადვოკატის გელა ნიკოლეიშვილის განცხადებით, აღნიშნული საქმე თითიდან გამოწოვილია, სანაიას პროფესიულ დევნას ადგილი არ ჰქონია და კონფლიქტი ყოფით ნიადაგზე მოხდა.
"მოწმემ თქვა, რომ "პროვოკატორი" უწოდა გიგაურმა სანაიას და რა პროვოკაცია ჩაიდინა სანაიამ და რატომ გამოიწვია სანაია, ეს ჯერჯერობით არ ჩანს. მოწმემ თქვა, რომ კონფლიქტის მიზეზი არ იცის. დღეს, ორი მოწმის დაკითხვის შემდეგ, ის ვერსია, რომელსაც პროკურატურა და სანაია ამბობენ, გაბათილდა, რადგან პროფესიული ნიშნით დევნაზე არავითარი საუბარი არ არის.
ეს არის წამიერად წარმოშობილი ყოფითი კონფლიქტი და წუთიერად დამთავრებული, რომელიც შემდეგ, სამწუხაროდ, თვითონ სანაიამ და ტელევიზიებმა ისე გააბუქეს, რომ "ბუზი სპილოდ აქციეს", თუ არ ჩავთვლით იმას, რომ გაერო-ს გენერალური ასამბლეის სხდომაზე არ ყოფილა განხილული, დანარჩენი ყველა მოიცვა ამ თემამ. დღევანდელმა დაკითხვამ კიდევ ერთხელ დაადასტურა, რომ ეს არის თითიდან გამოწოვილი თემა და დაინტერესებული პირების მიერ ასე გახმაურებული საქმე",- განაცხადა ნიკოლეიშვილმა.
ცნობისთვის, სამართალდამცავებმა სანაიას მიმართ, მისი პროფესიული საქმიანობის გამო განხორციელებული დევნისა და დისკრიმინაციის ნიშნით შეუწყნარებლობის მოტივით მუქარის ფაქტზე 3 პირი - ვაჟა გიგაური, სულიკო საყევარაშვილი და გიორგი სახელაშვილი დააკავეს. მათ ბრალდება საქართველოს სისხლის სამართლის კოდექსის 156-ე მუხლის მე-2 ნაწილის "ა“ ქვეპუნქტით, 151-ე მუხლის პირველი ნაწილით და 126-ე მუხლის პირველი ნაწილით წარედგინათ, რაც სასჯელის სახედ და ზომად 3 წლამდე თავისუფლების აღკვეთას ითვალისწინებს.
ცალსახად ეს იყო ყოფით თემაზე წარმოშობილი კონფლიქტი, არანაირი მედიის და ჟურნალისტის დევნას და ძალადობას ადგილი არ ჰქონია. სირცხვილი და დიდი ბოროტებაა ჟურნალისტების მხრიდან ასეთ რანგში აყვანა და 3 ახალგაზრდის ციხეში გამომწყვდევა. არ შეიძლება პირადი ინტერესებისთვის გამოიყენო პროფესია და მედიის სახელით ანგარისწორება ახორციელო ადამიანებზე. სამარცვინო კაცუნა-სანაია
ეს ადვოკატი პოლიტიკურად ნეიტრალური პიროვნება არ არის , მემგონებ დაგიდასტურებთ თვითონაც , არა მგონია ისე წამხდარიყოს