მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ისეთი დაცული ჰქონდა სახლი, ჩიტი ვერ გადაფრინდებოდა, მაგრამ..." - მოკლულია ვლადისლავ არძინბას ძმისშვილი, რომელიც "კრიმინალურ სამყაროში" გავლენით სარგებლობდა
22:35 / 18-05-2021
სოხუმში, აფხაზეთის ე.წ. პირველი პრეზიდენტის, ვლადისლავ არძინბას ძმისშვილი ქემალ არძინბა მოკლეს. ადგილობრივი მედიის ცნობით, ის მძიმედ დაჭრილი სოხუმის რესპუბლიკურ საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს.
აფხაზეთში ყველასთვის ცნობილია, რომ ქემალ არძინბა ე.წ. კრიმინალური ავტორიტეტი იყო, რომელიც რეგიონში ტურისტულ ბიზნესსაც ფლობდა. ქემალ არძინბას სახელს უკავშირდება აფხაზეთში მომხდარი რამდენიმე კრიმინალური ინციდენტი, მათ შორის, სოხუმის ცენტრში, რესტორან სან რემოში ჩაცხრილული ორი ე.წ. კანონიერი ქურდის, ასტამურ შამბასა და ალხას ავიძბას საქმე. მაშინ ბრმა ტყვიამ იმსხვერპლა მიმტანი გოგონა დომინიკა აკირთავა.
ცნობისთვის, ავიძბა და შამბა აფხაზეთის ე.წ. მთავარი კანონიერი ქურდის რაულ ბარცბას, იგივე პიზას საყრდენები იყვნენ, ახლა აფხაზეთში ვარაუდობენ, რომ არძინბას ნათესავს ბარცბამ ქვეშევრდომების მოშორება არ აპატია. მაშინ ადგილობრივ სოციალურ ქსელებში წერდნენ, რომ მოკლული "კრიმინალების" ახლობლები არძინბას ეძებდნენ. თუმცა, მან ერთი ვერსიით, აფხაზეთი დატოვა და რუსეთში გადავიდა საცხოვრებლად. ახლა კი, როგორც ირკვევა, ისევ რეგიონში დაბრუნდა.
kavkazr.com-ის ცნობით, ის საკუთარ სახლში სნაიპერის ტყვიამ მოკლა.
"არსებული ინფორმაციით, ეს იყო შურისძიება..." - წერს გამოცემა.
მისივე ცნობით, არძინბა უმცროსს, მართალია ე.წ. ქურდის სტატუსი არ ჰქონდა, მაგრამ "კრიმინალურ სამყაროში" გავლენებით სარგებლობდა.
მომხდარ ფაქტს ადგილობრივები ეხმაურებიან და სოციალურ ქსელში წერენ, რომ ეს არის წლების წინ დაწყებული სისხლიანი შურისძიების გაგრძელება, რომელიც ამით არ დასრულდება:
"არ ვიცი, რამდენი წელი ვიქნებით ამ დაუსრულებელი დაპირისპირების მომსწრე. არც ერთი მხარე ნებდება, არც მეორე... რა დასანანია, რომ ჩვენი ეროვნული გმირის, ვლადისლავ არძინბას ნათესავს სხვა მისწრაფებები და ღირებულებები არ ჰქონდა, ყველამ ვიცით, რომ ის კრიმინალური ავტორიტეტი იყო. მგონია, არასდროს ექნება ამ ქვეყნის მოქალაქეს განცდა, რომ უსაფრთხო ქვეყანაში ვცხოვრობთ..." - წერს ერთ-ერთი ადგილობრივი ირაკლი სუხუმსკი.
"პიზას ხელწერაა... კარგა ხანს რუსეთში იყო ქემალი. ალბათ, ახალი ჩამოსულია. ისეთი დაცული ჰქონდა სახლი, ჩიტი ვერ გადაფრინდებოდა. მაგრამ პიზას საცეცებს ვერ დაემალა. აღარ მინდა აქ ცხოვრება. უკანმოუხედავად წავიდოდი, მაგრამ სად წავიდე? არ ჯობდა, რაღაც დაეთმო იმ კრიმინალებისთვის, ისინიც ცოცხლები იქნებოდნენ, ის საწყალი გოგონაც და თავადაც. მაინც ერთეულები მდიდრდებიან ამ ქვეყანაში",- მიაჩნია კიდევ ერთ ადგილობრივს, რაულ ჭიათავას.
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა წუმპეში არიან საწყლები
ესეთ 'დამოუკიდებლობას' რა ვუთხარი. ჯოჯოხეთია მაგათი ცხოვრება