მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გუშინდელი შერიგება არის პროცესების გაყინვა, დროებითი ჩახშობა - რთული რეგიონია" - რას ამბობს კონფლიქტოლოგი დმანისის მოვლენებზე?
18:14 / 18-05-2021
კონფლიქტოლოგ გიორგი კანაშვილის შეფასებით, დმანისში განვითარებული მოვლენების დროს, „ორივე დაპირისპირებული მხარე ცოდავდა“, შინაგან საქმეთა სამინისტრომ კი მომხდარზე „რეაგირება დააგვიანა“.
როგორც გიორგი კანაშვილმა „პალიტრანიუსის“ გადაცემა „დღის ნიუსრუმში“ განაცხადა, ქვეყანაში სტრუქტურული პრობლემებია, დამნაშავე კი სახელმწიფო და პოლიტიკური ელიტაა.
„შინაგან საქმეთა სამინისტრომ რაღაც თვალსაზრისით აშკარად დაიგვიანა. თვითონ გომელაურმაც აღიარა, იქ ისეთი ლანდშაფტია, რომ ხალხმა „აქედან მოუარა, იქიდან მოუარაო“ - ამას უნდა ითვალისწინებდეს შესაბამისი სტრუქტურები, თუმცა ეს არ არის ამ ტიპის პირველი შეცდომა, რაც ჩვენი სტრუქტურების არც თუ ისე გამართულ მუშაობაზე მიუთითებს. გახსოვთ, სრული კატასტროფა, ბევრად უფრო საშინელი იყო პანკისში განვითარებული მოვლენები.
ასე რომ, პირველი, რეაქცია დაგვიანებული იყო. მეორე, რაც შეეხება ადამიანის დიდი ჯგუფის დაჭერას და დასჯას. მე ზოგადად, არ ვარ იმის მომხრე, რომ დასჯა ეფექტური მექანიზმია, მაგრამ ამ შემთხვევაში, როდესაც ამ ტიპის ძალადობა იყო, აუცილებელია შესაბამისი რეაქცია, კადრებიც გავრცელდა, რა სისასტიკით ხდება ადამიანების ერთმანეთზე ფიზიკური გასწორება, ეს ხომ არ იყო სიტყვიერი? რასაც ვუყურებდი, ობიექტურად ორივე მხარე ცოდავდა.
აქ მთავარი სტრუქტურული პრობლემებია, რომლებიც წლების განმავლობაში დაგროვდა. რთული რეგიონია, თუ ვინმე არის დამნაშავე, არის სახელმწიფო და პოლიტიკური ელიტა - იმდენ ხანს გაგრძელდა პოლიტიკური კრიზისი, რომ პოლიტიკური ელიტა ყველაფერზე საუბრობს, გარდა იმისა, რაც მოსახლეობის რეალური საჭიროებებია“, - აღნიშნა კანაშვილმა.
როგორც პოლიტოლოგმა განმარტა, დმანისში განვითარებული მოვლენები სიღრმისეულ პრობლემებზე მიუთითებს და სირაქლემას პოზიციაა საუბარი იმაზე, რომ დაპირისპირების მიზეზი მხოლოდ ყოფითი ხასიათისაა.
„რაც შეეხება გუშინდელ შერიგებას, ეს პროცესების გაყინვაა, დროებითი ჩახშობა. ცოტა სირაქლემის პოზიციაა, რომ მხოლოდ ყოფითი პრობლემაა. ყველგან ხდება გაუგებრობა საყოფაცხოვრებო საკითხებზე, მაგრამ დმანისში მომხდარი კარგად აჩვენებს, რომ პრობლემა სიღრმისეულია.
კლასიკური გაგებით ეთნოპოლიტიკური კონფლიქტი არ იყო, მაგრამ ეთნიკური შეფერილობა აქვს. ამიტომ, შესაბიმისი სამინისტროები, სამოქალაქო საზოგადოება, პოლიტიკური ელიტა უნდა საუბრობდეს ამაზე. თუ დროზე არ დალაგდება ჩვენი პოლიტიკური ელიტა, გარწმუნებთ არაფერი გამოვა“, - აღნიშნავს კანაშვილი.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ახლა ამას აგვახევენ! მოღალატე მტავრობა ასე არიგებს მიწებს!
თუ შეიძლება,ისიც მოაყოლეთ ხოლმე, ვინ შერაცხა კონფლიქტოლოგად,ვისგან ფინანსდებოდა და ა.შ.გასაგებია,რომ თქვენც იგივე წყაროდან ფინანსდებიტ,მაგრა ღიად თქმას რა უდგას წინ? ;)