მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ველით, როდის დადებთ ფოტოს, სადაც მოდელები საპირფარეშოთი სარგებლობენ" - ფოტო, რომლის გამოც Mercedes-Benz Fashion Week სკანდალში გაეხვა
21:53 / 14-05-2021
Mercedes-Benz-ის მოდის კვირეული სკანდალში მას შემდეგ გაეხვა რაც მოდელებმა საკუთარ უფლებებზე ღიად დაიწყეს საუბარი. წელს პანდემიიდან გამომდინარე, კვირეული ციფრულ ფორმატში 6-9 მაისის პერიოდში მოეწყო და მანამდე აპრილის ბოლოს, გადაღებები კოკა-კოლას ძველი ქარხნის ტერიტორიაზე გაიმართა. პირველი უკმაყოფილება სწორედ გადაღებების შემდეგ გაჩნდა.
მოდელები სოციალურ ქსელში ღიად წერდნენ, კვების, ტრანსპორტის და ელემენტარული საჭიროებების არქონის შესახებ. მარიშა ურუშაძე პირველი იყო, ვინც ინსტაგრამ სთორიში მოდის კვირეულის მისამართით კრიტიკა არ დაიშურა:
"გახსოვდეთ, რომ გოგოების ნახევარს პერიოდი ჰქონდა და ზოგიერთ მათგანს კიბეზე მოუწია ტამპონების გამოცვლა. არ იყო ტრანსპორტირება, არ იყო საჭმელი, დაბოლოს, რაღაცნაირად აღმოჩნდა, რომ ეს არავის ბრალი იყო. არც კი დავიწყებ საუბარს ხელფასებზე, რომლებიც სასაცილოა იმასთან შედარებით, რისი გაკეთებაც გვიწევს”, - ამბობდა მოდელი.
ამ განცხადებებიდან მალე მარიშას ინსტაგრამის გვერდი დარეპორტების შემდეგ სოციალური ქსელიდან წაიშალა, თუმცა, ელენე ასათიანი, ელენე იაკობიშვილი, თაკო ნაცვლიშვილი ის მოდელები აღმოჩნდნენ, რომლებმაც მარიშას მხარი დაუჭირეს.
"ამ ბიზნესში ადამიანის უფლებების დარღვევა უნდა დასრულდეს! მოდელებს ისე ექცევიან, როგორც მონებს. მათ ძალიან რთულ პირობებში ადეკვატური ანაზღაურების გარეშე უწევთ მუშაობა. საქართველოში ხალხმა უნდა გაიგოს, რომ მოდელობა არ არის, უბრალოდ, ჰობი, ან გართობა, ეს პროფესიაა, რომელიც შრომას მოითხოვს!“ - წერდა "ინსტაგრამზე" თაკო ნაცვლიშვილი.
მოდელების პრეტენზიებს მოგვიანებით Mercedes-Benz-ის მოდის კვირეულის ორგანიზატორმა სოფო ჭყონიამსატელევიზიო სივრცეში უპასუხა და აღნიშნა, რომ მათ არ ეხებოდათ, კვება და ანაზღაურება და ის დიზაინერები აგებდნენ პასუხს, რომლებიც მოდელებს თავისი ჩვენებებისთვის ქირაობდნენ. რაც შეეხება სველ წერტილებს, ამაზე საუბარი ჭყონიასთვის უხერხულიც კი აღმოჩნდა.
Mercedes-Benz Fashion Week TBILISI კიდევ ერთხელ გაეხვა სკანდალში, როდესაც ოფიციალურ გვერდზე 10 მაისს ფოტო გამოაქვეყნეს, სადაც ვხედავთ სამ მოდელს და დიზაინერ თამუნა ინგოროყვას, რომლებიც ქაღალდის ხელსახოციდან მიირთმევენ ხაჭაპურს.
ფოტოს სოცილურ ქსელში კრიტიკული კომენტარები მოჰყვა:
"ეს თქვენი პასუხია ბრალდებებზე?"
"ანუ რისი თქმა გინდათ, რომ მშივრები არ არიან?"
"ველით როდის დადებთ ფოტოს, სადაც მოდელები საპირფარეშოთი სარგებლობენ, ეგ ეჭვიც რომ გაფანტოთ"
"ეს ფოტო ღადაობის პონტში დადეს თუ მართლა იმის თქმა უნდათ, რომ ხაჭაპურები უყიდეს გოგოებს და მშივრები აღარ არიან?"
"ორღობე! თუ უმასპინძლდებით, ნორმალური ფორმა მაინც მიეცით ამ ყველაფერს. წესით, უნდა გიჩივლონ ამ გოგოებმა ასეთი დამამცირებელი პოსტისთვის.."
მკითხველის კომენტარები /
24 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოდელები თორემ ესენიც ჩარლის ანგელოზები არ გყვავდნენ რაა
სხვა სფეროებში დასაქმებულთა ხელფასები და სამუშაო პირობები ხომ მაღალ დონეზეა