"დაინახეს, რომ მანქანაზე ისრაელის დროშა მქონდა დამაგრებული და ქვების სროლა დაიწყეს... აგურებს მირტყამდნენ" - რას ყვება ისრაელში მცხოვრები ქართველი ებრაელი
ისრაელში დაშავებული ქართველი ებრაელი აცხადებს, რომ მას არაბები ფიზიკურად გაუსწორდნენ, ქვებს და აგურებს ურტყამდნენ.
ისრაელში დაშავებული ქართველი ებრაელი მორის ჯანაშვილი აცხადებს, რომ მას არაბები ფიზიკურად გაუსწორდნენ, ქვებს ესროდნენ, რა დროსაც სხეულის მძიმე დაზიანებები მიიღო. მისი თქმით, თავდამსხმელების უკმაყოფილება გამოიწვია იმან, რომ მას საკუთარ მანქანაზე ისრაელის დროშა ჰქონდა დამაგრებული.
ადგილობრივი მედიის ცნობით, მორის ჯანაშვილს თავს ქალაქ აკოში არაბები დაესხნენ.
„დედაჩემის სახლისკენ მივდიოდი. ტერიტორიაზე ასობით არაბი იყო შეკრებილი. როდესაც დაინახეს, რომ მანქანაზე ისრაელის დროშა მქონდა დამაგრებული ქვების სროლა დაიწყეს. ავტომობილს ვეღარ ვმართავდი. გადმოვედი და დედაჩემის სახლისკენ გავიქეცი, ისინი გამომეკიდნენ. წავიქეცი, თავს მესხმოდნენ, ქვებს და აგურებს მირტყამდნენ. მეგონა, იქიდან ცოცხალი ვერ გამოვაღწევდი. ეს ყველაფერი ჩემმა არაბმა მეზობლებმა გაიგეს და მათ გადამარჩინეს“, - აცხადებს მორის ჯანაშვილი, რომლის კომენტარის თარგმანს ტელეკომპანია „რუსთავი 2“ ავრცელებს.
დაშავებული ჯანაშვილი საავადმყოფოშია გადაყვანილი.
"აცრის შემდეგ ტანის დაბანა არანაირ პრობლემას არ წარმოადგენს" - პაატა იმნაძე
"ჩინური ვაქცინები დაცვის თვალსაზრისით მცირედით ჩამორჩებიან წამყვან ვაქცინებს, მაგრამ მათაც აქვთ დაცვის ძალიან კარგი პროცენტი" - ცერცვაძის თქმით, 2 კვირაში "სინოფარმის" დიდი პარტია შემოვა
