მნიშვნელოვანი ინფორმაცია
23
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უნდა ჩავრთოთ თუ არა ბავშვის აღზრდა-გაზრდაში ბებია-ბაბუა? - ცნობილი პედიატრი აქტუალურ კითხვას პასუხობს
21:40 / 13-05-2021
მედიცინის დოქტორი, პედიატრი თამარ ობგაიძე მშობლებს მუდმივად უზიარებს საჭირო რჩევებს, რომელიც შვილების აღზრდაში ეხმარებათ. ამჯერად ერთ-ერთი აქტუალურ საკითხს ეხება. საუბარია პატარების აღზრდაში ბებია-ბაბუების ჩართულობაზე.
"უნდა ჩავრთოთ თუ არა ბავშვის აღზრდა-გაზრდის საქმეებში ბებია და ბაბუა? მე ვფიქრობ, რომ დიახ. და მგონია, თქვენი უდიდესი ნაწილიც ამ კითხვაზე ასე პასუხობს. თუ გინდა, შვილს დიდი სიყვარული, განსაკუთრებული სითბო და ზრუნვა აჩუქო, მშობლები ამ საქმეში აუცილებლად ჩართე.
არაფერი შეედრება იმ სიყვარულს, რისი გაზიარებაც ამ ადამიანებს შეუძლიათ. ბებიობა და ბაბუობა სრულიად განსხვავებული გამოცდლებაა. ვის შეუძლია ასეთი ზრუნვა, მოუბეზრებელი თამაში, ერთგულება როგორც ბებია-ბაბუას?! მე შვილიშვილები ჯერ არ მყავს, მაგრამ წარმომიდგენია, რა ბედნიერებაა, როცა შენი გენის მატარებელ კიდევ ერთ, უსაყვარლეს არსებას ხედავ, ხელით ეხები და გრძნობ, რომ გრძელდები! როცა მშობელი ხდები, განსხვავებულ გამოცდილებას იძენ, სწავლობ, პატარასთან ერთად შენც იზრდები, იხვეწები, როგორც მშობელი.
წლები სწრაფად გადის და აი, ის, შენი გაგრძელება შენს წინაა! ამ პატარა ადამიანს შენს სახლში, სულში ენით აუწერელი ბედნიერება შემოაქვს. აკვირდები და შენი შვილის ბავშვობას ხედავ, ხანაც თითქოს საკუთარი ნაკვთები გხვდება თვალში.რა უნდა გავითვალისწინოთ, როცა მშობლებმა პატარა განდეს? ალბათ ის, რომ შვილიშვილი თუმცა ჩვენი სისხლი და ხორცია, მაგრამ მაინც სხვა ადამიანების შვილია. შენი შვილი და მისი მეუღლე ან პარტნიორი თავად არიან მთავარი ადამიანები მის ცხოვრებაში და ბავშვის გაზრდა-აღზრდაც სწორედ მათი პრეროგატივაა. სწორედ ისინი ირჩევენ მის სამოსსს, ექიმს, აღზრდის მეთოდს... ყველაფერს, რაც ოდესღაც შენი შვილის გაჩენის შემდეგ შენ თავად გადაწყვიტე ან გულით გინდოდა გადაგეწყვიტა და უფროსები ჩაერივნენ, იქნებ ამით გულიც გატკინეს.
შენს კეთილ რჩევას შვილები აუცილებლად მიიღებენ, საქმეებში ჩარევას - სავარაუდოდ, არა.აი, რა კითხვები უნდა დაუსვა შვილებს, როცა პატარას მოვლაში ჩაერთვები: პირველ რიგში უნდა გაარკვიო, როგორია პატარას ძილის და კვების რეჟიმი. მშობლები აუცილებლად გეტყვიან, როგორი თამაში მოსწონს, როგორ გამოხატავს დაღლას ან უკმაყოფილებას. დეტალურად გაიარე, რა საკვები უნდა მისცე ბავშვს.
თუ დედა გამოწველილ რძეს ტოვებს, ყურადღებით გაეცანი მისი შენახვის წესებს, ხოლო თუ ხელოვნურ კვებაზეა, გაარკვიე ნარევის მომზადების საკითხები. თუ პატარა დამატებით საკვებსაც იღებს, გაეცანი ამ საკვების ჩამონათვალს. შესაძლოა, ჩვილს მზა პროდუქტებით კვებავენ - ასეთ შემთხვევაში საკვების უბრალოდ შეთბობა მოგიწევს, იმ შემთხვევაში, თუ საკვებს შინ უმზადებენ, გაეცანი რეცეპტებს და მკაცრად მისდიე მას.
არ მისცე ჩვილს სხვა საკვები, გარდა იმისა, რაც მშობლებმა დაგიტოვეს. „ჩვენს დროს ასე იყო“ - ამ საქმეში არ გამოდგება. მედიცინა მუდმივად იცვლება და შესაბამისად, იცვლება წარმოდგენებიც, მიდგომებიც მოვლის, კვების, დაავადებათა მკურნალობის საკითხებზე. ასე, რომ ბევრი რამ, ჭეშმარიტება რომ გვეგონა, მითად იქცა. გაეცანი ბავშვის ძილის რეჟიმს. ძალიან მნიშვნელოვანია უსაფრთხო ძილის წესები, რაც ასევე შეცვლილია. თუ 80-90-იან წლებში მუცელზე ძილი იყო მიღებული, ახლა მკაცრად რეკომენდებულია ძილის ზურგზე, რადგან მუცელზე ძილმა, შესაძლოა, ჩვილთა უეცარი სიკვდილის რისკი გაზარდოს. ჰკითხე მშობლებს ბავშვის ჩვევების შესახებ.
არ გამოგრჩეს ის ჰიგიენური ღონისძიებები, რასაც მშობლები იცავენ. აუცილებლად დაეკითხე შვილებს ბავშვის იმ წესებზე, რაც ჩვილის უსაფრთხოებისათვისაა აუცილებელი. ხელი შეუწყე მის განვითარებას - ესაუბრე, ეთამაშე, ასეირნე. ბებია-ბაბუაზე უკეთ ეს მგონი არავის გამოსდის. ინტერნეტ-რესურსები ამოუწურავია. მოძებნე სანდო წყაროები და გაეცანი სიახლეებს ბავშვის მოვლის, კვების, დაავადებათა ექიმამდელი მართვის საკითხებზე. და რაც მთავარია, გადაჭერი სადავო საკითხები შვილებთან ერთად. ვფიქრობ, ეს საუკეთესო გამოსავალია ოჯახური ჰარმონიისა და ბავშვისათვის მშვიდი გარემოს შესაქმენლად.ტკბილ ბებია-ბაბუობას გისურვებ!
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვეთანხმები. შვილიშვილის აღზრდასა და გაზრდაში უნდა მივიღოთ აქტიური მონაწილეობა, მაგრამ გვახსოვდეს_ ისინი არ არიან ჩვენი შვილები, აქ მხოლოდ დამხმარე როლი გვაქვს, მთავარი მშობელია, მის მოთხოვნებს უნდა მოვერგოთ.სიყვარული? სიყვარული იმხელაა, რომელსაც სიტყვებით ვერ გამოხატავ.
ეს არის აღუწერელი.