მნიშვნელოვანი ინფორმაცია
15
ივნისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 01:02-ზე – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. არ არის რეკომენდებული ხელშეკრულებების გაფორმება, ახალ სამსახურში გადასვლა. დაუფიქრებლად მოქმედება, მთვრალ ადამიანებთან ურთიერთობა, უცნობ ადამიანებთან კონტაქტი. მიიღეთ მარტივი საკვები და დაიცავით დიეტა. ორგანიზმის გადატვირთვამ შეიძლება გამოიწვიოს უსიამოვნო შედეგები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ავტობუსზე თავდასხმის დროს დაშავდა საქართველოს მოქალაქე... დღესაც დაგეგმილია შეტევა" - ლაშა ჟვანია
17:38 / 12-05-2021
ისრაელში საქართველოს ელჩი, ლაშა ჟვანია ადასტურებს გავრცელებულ ინფორმაციას, რომ ისრაელში საქართველოს მოქალაქე დაშავდა და აცხადებს, რომ მისი დაზიანება მსუბუქია.
როგორც ჟვანიამ ტელეკომპანია "პალიტრანიუსის" გადაცემა "აქტუალურ თემაში“ განაცხადა, შემთხვევა ქალაქ ხულონში მოხდა.
"მსუბუქად დაშავებული არის ერთი მოქალაქე. მარცხენა ხელში აქვს ჭრილობა შუშის ნამსხვრევებისგან, მას ჩაუტარდა ხელის დამუშავება და საავადმყოფოდან სახლში გუშინვე გაუშვეს. ეს შემთხვევა მოხდა ქალაქ ხულონში. ავტობუსზე მოხდა თავდასხმა და ის იყო შემთხვევის ადგილთან ახლოს. ეს ფაქტი ადასტურებს იმას, რამდენად მნიშვნელოვანია, რომ უსაფრთხოების ზომები გავითვალისწინოთ“, - განაცხადა ჟვანიამ.
ლაშა ჟვანია ისრაელში მყოფ მოქალაქეებს უსაფრთხოების დაცვის მიზნით რეკომენდაციებითაც მიმართავს და აცხადებს, რომ სამხრეთით მდებარე ქალაქები სერიოზული საფრთხის ქვეშაა.
როგორც ის აცხადებს, დღეს ისრალის დროით 18:00 საათზე დაგეგმილია თელ-ავივისა და მის მიმდებარედ არსებულ ქალაქებზე შეტევა და იქ მყოფმა ადამიანებმა უნდა დაიცვან უსაფრთხოების ნორმები, დარჩნენ საცხოვრებელ ადგილზე ან ისეთ ტერიტორიაზე, სადაც თავშესაფარს სწრაფად იპოვიან.
"ისრაელის სამხრეთი სერიოზული საფრთხის ქვეშაა. ამ წუთებშიც მიმდინარეობს დაბომბვა ქალაქების - აშკელონის, შდეროთის და აშდოდის. ამ ქართველი ებრაელების საკმაოდ კომპაქტური დასახლებებია და საქართველოდან ჩამოსული ბევრი მოქალაქეა აქ.
ძალიან ბევრი ზარი გვაქვს, რაოდენობას ვერ გეტყვით, იმდენად ბევრია, მაგრამ ძირითადად საკონსულტაციო ხასიათის ზარებია, რამდენიმე ათეული ადამიანი დღეს აპირებდა გამოფრენას, 5 საათზეა ფრენა. ცნობილი არ იყო გაიხსნებოდა თუ არა აეროპორტი და შესრულდება თუ არა რეისი. ასევე, 8 ადამიანი გვყავს იზოლატორში და მათ გამომგზავრებასთან დაკავშირებით ვიღებთ სპეციალურ ზომებს. მხოლოდ ისინი ბრუნდებიან, ვისაც დაგეგმილი ჰქონდა და ბილეთი ჰქონდა უკვე ნაყიდი.
არცერთი ქალაქიდან ისრაელის მიერ მოსახლეობის ევაკუაცია არაა გათვალისწინებული, შესაბამისად, თუ ნებისმიერი ადამიანი დაიცავს მითითებებს, რაც უსაფრთხოებისთვისაა საჭირო, მათ ჯანმრთელობას საფრთხე არ ემუქრება. ეს მითითებებია ის, რომ ღია სივრცეში ნაკლებად იყვნენ, ასევე თავი შეიკავონ ისეთ მანძილზე გადაადგილებისგან, სადაც შეიძლება ხანგრძლივი პერიოდით 10-15 წუთზე მეტი ხნის განმავლობაში აღმოჩნდნენ ისეთ ღია სივრცეში, სადაც თავშესაფარი მიუწვდომელი შეიძლება იყოს და განგაშის შეტყობინების შემთხვევაში მიმართონ თავშესაფარს ან თუ თავშესაფარი არ არის, კიბის უჯრედში გაჩერდნენ ან ჩავიდნენ შენობის ბუნკერში, რომელიც თითქმის ყველა შენობას აქვს ისრაელში.
ჩვენს ახლობლებს, ვინც ისრალეში იმყოფებნიან, არ დაუსვათ კითხვა, როგორ არიან, დაუსვით კითხვა, სად არიან. როგორც კი გაიგებთ, რომ თქვენი ოჯახის წევრი არ არის საცხოვრებელ ადგილზე ან ისეთ ადგილზე, სადაც განგაშის ზარის ატეხვიდან 5 წუთის განავლობაში თავშესაფარი იპოვოს, მოუწოდეთ, ასეთ ადგილებზე მივიდნენ. ქალაქიდან ქალაქში გადაადგილებისგან თავი შეიკავონ. დაანონსებულია, რომ ისრაელის დროით 6 საათზე განხორციელდება შეტევები ისრაელის ცენტრის, თელ-ავივის მიმართულებით, საჭიროა ჩვენმა მოქალაქეებმა თადარიგი დაიჭირონ და 5 საათისთვის, ან ყველაზე გვიან 6-ის ნახევრისთვის, საცხოვრებელ ადგილებში იყვნენ. თუ ამის შესაძლებლობა არაა, დარჩნენ იმ ადგილებში, სადაც თავშესაფრის მოპოვება ადვილი იქნება“, - განაცხადა ჟვანიამ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მერე იჯდეს სამშობლოში