მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"უპასუხისმგებლოდ იქცევა უგულავა, არ უნდა ეჩქარა შეთანხმების კურთხევა, სალომე სამადაშვილი მტყუანია და იაფფასიანი ილეთებით ცდილობს თავის გამართლებას" - ბოკერია
13:33 / 12-05-2021
ვერ მოვიტყუებთ თავს, რომ ეს არის კარგი შედეგი, როდესაც მძევლებით ივაჭრეს. მელია გარეთ იყო იქამდეც, ეს შედეგი თუ გვინდოდა, არ დააჭერინებდა მაშინ თავს, - ამის შესახებ „ევროპული საქართველოს“ თავმჯდომარე გიგა ბოკერიამ „პალიტრანიუსის“ გადაცემა „ნიუსრუმში“ ხელისუფლებასა და ოპოზიციას შორის შეთანხმებაზე საუბრისას განაცხადა.
მისივე შეფასებით, უნდა ვხედავდეთ შედეგს, რომ ეროვნული თანხმობა შედგა და დაპირისპირებულმა მხარეებმა ფურცელი გადაშალეს, თუმცა ჩვენთან „ორი პოლიტიკური მძევლის გათავისუფლება მოხდა და დანარჩენ ყველაფერში იგივე თამაშის წესებია“.
„რაც არ უნდა გვითხრას საუკეთესო მეგობარმაც კი, მას შემდეგ რაც შეთანხმება უკვე შედგა ოპოზიციის ნაწილს შორის, ეს არანაირი არგუმენტი არ უნდა იყოს ჩვენთვის. ჩვენი არგუმენტი უნდა იყოს, რა მიგვაჩნია ისეთ შეთანხმებად, რაც რეალურად დაძრავდა კრიზისიდან გამოსვლის გზებს. არანაირი მნიშვნელობა არ აქვს საუკეთესო მეგობრების მცდარ პოზიციასაც კი. რომ ვიტყოდით მედიატორთან ჩვენ ჩვენი ფუნდამენტური შეხედულება გვაქვსო, ვის ექნებოდა მთავარი პრობლემა? - მთავრობას, რომელსაც ციხეში ჰყავდა ყველაზე მსხვილი ოპოზიციური ლიდერი და ბოიკოტი პარლამენტში. ამ რეჟიმზე ზეწოლა უნდა გაგრძელებულიყო ბოლომდე, სხვადასხვა ფაზებით, სანამ არ მივიღებდით შედეგს, რომელიც გააძლიერებდა საზოგადოების პოზიციას.
უნდა ვხედავდეთ რაღაც შედეგს, იყოს მართლა რაღაც გარღვევა, რომ ეროვნული თანხმობა შედგა, ფურცელი გადაშალა დაპირისპირებულმა მხარეებმა და სხვა ატმოსფეროა. ეს შედეგი რომ ყოფილიყო, შესაძლოა, მართლა ბევრნაირ კომპრომისზე წახვიდე. ისტორიას ახსოვს ამ ტიპის შეთანხმებები. ჩვენთან ორი პოლიტიკური მძევლის გათავისუფლება მოხდა და დანარჩენ ყველაფერში იგივე თამაშის წესებია. რაც მთავარი მოთხოვნა იყო, ვადამდელი არჩევნების და რის გამოც მელია დაიჭირეს, ამას თუ ვერ აღწევ მკაფიოდ და მეუბნები მე გამოვიხსენი მელია ციხიდან, ეს არის დადასტურება მძევლებით ვაჭრობის. ამიტომ, ვერ მოვიტყუებთ თავს, რომ ეს არის კარგი შედეგი, როდესაც მძევლებით ივაჭრეს. მელია გარეთ იყო იქამდეც, ეს შედეგი თუ გვინდოდა, არ დააჭერინებდა მაშინ თავს. აბსოლუტურად მკაფიო, კომპრომისული შედეგის მიღწევა იყო შესაძლებელი პლებისციტის სახით. ის ხალხი, რომელიც პლებისციტს ებრძოდა და ახლა ამბობს ეს კარგი შედეგიაო, ეს არის ნდობის მორღვევა“, - აღნიშნა გიგა ბოკერიამ.
ის ასევე გამოეხმაურა ოპოზიციის ერთ-ერთი ლიდერის, გიგი უგულავას განცხადებას, რომ ბოიკოტს „ცემენტი აქვს ჩამოშლილი“. მისი თქმით, გიგი უგულავა უპასუხისმგებლოდ იქცევა, როდესაც წნეხს ახორციელებს ადამიანებზე, რომელთაც პრინციპული პოზიცია აქვთ.
„უპასუხისმგებლოდ იქცევა ბატონი უგულავა. ამ მომენტში წნეხს ახორციელებს იმ ადამიანებზე, რომელთაც პრინციპული პოზიცია აქვთ. თუ ვინმეს უნდა, რომ ეს ფურცელი დაიხუროს ასე და დავიწყოთ კონცენტრაცია იმ ტიპის პოლიტიკური კლიმატის შექმნაზე, რომ ვადამდელი არჩევნები იყოს, ამაზე მთლიანად კონცენტრირებულები ვართ „ევროპული საქართველო“, მაგრამ რამდენჯერაც ვინმე იტყვის რა წარმატებაა, რომ მელია გამოვაშვებინეთ, როდესაც მელიამ თავი „დააჭერინა“ იმიტომ, რომ ძალაუფლების მიტაცებას არ თანხმდებოდა, იმდენჯერ მოგვიწევს კამათი. ეს მიდგომა სახიფათო პრეცედენტად მიგვაჩნია“, - განაცხადა გიგა ბოკერიამ და იქვე უგულავას იმ განცხადებასაც უპასუხა, რომელშიც მისი ყოფილი თანაპარტიელი აღნიშნავს, რომ "ოპოზიციას 45% ბუღალტერიასავით შეეტენა". "ეს შეტენვა არ არის, ეს არის რომ "შეიტენე". მასაც არ უნდა ეჩქარა კურთხევა ამ ამბის, სულსწრაფობა ჰქვია ამას", - აღნიშნა ბოკერიამ უგულავას საპასუხოდ.
უგულავას გარდა მან სალომე სამადაშვილიც გააკრიტიკა.
"ქალბატონი სალომე სამადაშვილი ყველაზე უფრო არაკორექტულად იქცევა, მორალურად გრძნობს თავს წნეხის ქვეშ, იცის, რომ მტყუანია და იაფფასიანი ილეთებით ცდილობს თავის გამართლებას. არ შეიძლება ამბების ასე ფრაგმენტულად გამოტანა, თუმცა ეს მის პოლიტიკურ ზნეობაზე მიუთითებს", - აღნიშნა ბოკერიამ, რითაც სალომე სამადაშვილის განცხადებას გამოეხმაურა იმის თაობაზე, რომ ლიეტუვას საგარეო საქმეთა მინისტრმა საქართველოში ვიზიტისას გიგა ბოკერიას პირადად მიუთითა, რომ ქვეყნის პოლიტიკური კრიზისის მოგვარებაში საერთაშორისო პარტნიორების მხრიდან მაღალი დონის ჩართულობა არსებობდა და "მაინცდამაინც ბაიდენის ჩამოსვლას ხომ არ ელოდა".
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მე ძალიან მომწონხართ ბატ ბოკერია, მაგრამ ახლა რას აპირებთ, გგონიათ მაგ შტერ უგულავას რამეს გააგებინებთ? სალომეე ყოჩაღ ნაცებს რომ მოშორ
აი ვინ არის დასაჭერი-ბოკერია.