24
მარტიდღის ზოგადი ასტროლოგიური პროგნოზი
11 მაისის საღამოს, ისრაელზე მასირებული სარაკეტო შეტევა მიიტანეს. საერთო ჯამში ქვეყნის ტერიტორიას 600-ზე მეტი რაკეტა ესროლეს. მათი დიდი ნაწილი დაიჭირა საჰაერო თავდაცვის სისტემა "რკინის გუმბათმა“, მაგრამ რამდენიმე რაკეტამ მიზანს მიაღწია. იერიშებისთვის პასუხისმგებლობა იკისრეს პალესტინის რადიკალურმა დაჯგუფებებმა: "ჰამასმა“ და "ისლამურმა ჯიჰადმა“. თავის მხრივ, ისრაელის არმიამ პალესტინელთა 100-ზე მეტი სამიზნის წინააღმდეგ განახორციელა იერიში. Reuters-ის ინფორმაციით, ისრაელის ავიადარტყმების შედეგად ღაზას სექტორში 35 პალესტინელი დაიღუპა. სააგენტოსვე ცნობით, ისრაელის წინააღმდეგ განხორციელებულ სარაკეტო თავდასხმას 5 ადამიანი ემსხვერპლა.
"საშინელება ხდებოდა. ბუნკერებს შევაფარეთ თავი, გვეგონა, როცა იქიდან ამოვიდოდით, აღარაფერი დაგვხვდებოდა, გვეგონა სახლები აგვიფეთქეს, მაგრამ ამოვედით და ყველაფერი თავის ადგილას დაგვხვდა, მხოლოდ ჩვენს სახლთან ახლოს, ავტობუსს მოხვდა რაკეტა. ახლა თელა-ავივში შედარებით სიმშვიდეა, მაგრამ სამხრეთით ისევ არეულობებია.
გუშინ მთელი დღე გვემუქრებოდნენ, მაგრამ ასე, ამდენ რაკეტას თუ პირდაპირ იერუსალიმისა და თელ-ავივის მიმართულებით გაუშვებდნენ, ვინ იფიქრებდა... გარდაცვლილია 5 ადამიანი.
ამათი "ცის ღმერთი“, ასე ეძახიან აქ საჰაერო თავდაცვის სისტემას, როგორ გაუმკლავდა ასეთ შეტევას, საკვირველია.
ასევე ცნობილი გახდა, რომ ღამით, ღაზაში განხორციელებული საჰაერო იერიშების შედეგად ლიკვიდირებულია ჰამას კაოგი, ჰამასის სამხედრო დაზვერვის უსაფრთხოების დეპარტამენტის უფროსი და მისი მოადგილე ვაილ ისა - სამხედრო დაზვერვის კონტრრეაქციის დეპარტამენტის უფროსი. ასეთი მასშტაბის სამხედრო ოპერაცია ღაზაში 2014 წლის შემდეგ არ ჩატარებულა. "ჰამასი" კი კვლავ აგრძელებს მუქარას და სარაკეტო თავდასხმებს...
სირენების ხმა ისმის ამ წუთებშიც კერემ შალომში. პარალელურად არეულობა გრძელდება "ვესთ ბანკის" სიახლოვეს მდებარე ებრაულ ქალაქებში, სადაც ადგილობრივი არაბები ჰამასის ლიდერების მოთხოვნის შესაბამისად არ ემორჩილებიან პოლიციას, მეტიც, ისინი არბევენ სხვადასხვა სახის ინფრასტრუქტურას და ფიზიკურად უსწორდებიან ადგილობრივ ებრაელებს, რის აღსაკვეთადაც ნეთანიაჰუს ბრძანებით ადგილზე საპოლიციო ელიტური დანაყოფები გაიგზავნა, რომელთაც პალესტინელებმა ცეცხლი გაუხსნეს, შეტაკებები ამ დრომდე გრძელდება, არიან დაღუპულები და დაშავებულები. "ისრაელი აუცილებლად გასცემს უმკაცრეს პასუხს "ჰამასს" - პრემიერმა ასეთი პირობა მისცა ისრაელელებს!" - უყვება ambebi-ge-ს თელ-ავივში მცხოვრები ქართველი ჟურნალისტი მიხეილ ხეცოიძე.
შეგახსენებთ, რეგიონში ვითარება უკიდურესად მას შემდეგ დაიძაბა, რაც ცნობილი გახდა, რომ ისრაელის სასამართლო აპირებდა აღმოსავლეთ იერუსალიმიდან რამდენიმე ათეული არაბული ოჯახის გამოსახლების გადაწყვეტილების მიღებას. ამან პალესტინელთა უკმაყოფილება გამოიწვია. 7 მაისს მათ პოლიციელებს ქვები, ბოთლები და არმატურის ნაჭრები დაუშინეს.
კონფლიქტის ლოკალიზაციისთვის პოლიციამ მუსულმანებს ტაძრის მთაზე მისვლა აუკრძალა. პალესტინური მედიის ცნობით, ისრაელის უშიშროების ძალებმა რეზინის ტყვიები და ხმოვანი ყუმბარები გამოიყენეს. რამდენიმე ხნის შემდეგ პოლიციამ შტურმით აიღო მუსლიმთა მნიშვნელობით მესამე წმინდა სალოცავის, ალ-აქსის მეჩეთის ეზო და ხალხი ძალით აიძულა, დაეტოვებინა ის.
პალესტინელთა გამოსახლების თაობაზე სასამართლოს გადაწყვეტილება გადაიდო, მაგრამ შეტაკებები გაგრძელდა.
ისრაელი და პალესტინური ავტონომია ერთმანეთს აბრალებენ კონფლიქტის ესკალაციას. გაერომ, ევროკავშირმა და აშშ-მა შეშფოთება გამოხატეს და მხარეებს თავშეკავებისკენ მოუწოდეს.
არავითარი აღმოსავლეთ იერუსალიმი იერუსალიმი არის ერთი დროა თავის ადგილზე მოსვა ეს ფანატიკოსები ერთხელ და სამუდამოდ
ეჰჰჰ აფხაზეთში ნამდვილი ომი არ გინახიათ