მნიშვნელოვანი ინფორმაცია
23
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კობახიძე კალაძეს ვერ იტანს, იმედი ჰქონდა, რომ მას ღარიბაშვილის ხელით ჩამოიცილებდა, მაგრამ..." - რა ხდება "ქართულ ოცნებაში"?
14:17 / 10-05-2021
როგორც ამბობენ, გიორგი გახარიას პოლიტიკაში მობრუნების შემდეგ, "ქართულ ოცნებას" ახალი თავსატეხი ლევან ვასაძის სახით გამოუჩნდა. ულტრაკონსერვატული შეხედულებების მქონე ბიზნესმენმა 6 მაისს საზოგადოებრივი მოძრაობა “ერთობა, რაობა, იმედი” დააფუძნა. როგორც ჩანს, ქართული პოლიტიკური სპექტრისთვის ეს მოულოდნელობა იყო. არის მითქმა-მოთქმა და ეჭვი, რომ ვასაძე კრემლმა გაააქტიურა და არ გამორიცხავენ, სერიოზული პრორუსული ძალაც შეკრას. კულუარული ინფორმაციით, თავის მხრივ, გიორგი გახარია პარტიის პრეზენტაციას თვის ბოლოს აპირებს და არ გამორიცხავენ, რომ ამ დღეს უმრავლესობიდან მასთან გადაბარგებული რამდენიმე დეპუტატი კიდევ ვიხილოთ. მითქმა-მოთქმა არ წყდება იმაზეც, რომ "ოცნებაში“ ლიდერები ვერ თანხმდებიან და მათ შორის დაპირისპირება ღრმავდება. სანდო წყაროს თქმით, ლიდერები ღიად ერთმანეთს ვერც უპირისპირდებიან და ვერც წირავენ, "რადგან თოკის გადაჭრას შესაძლოა ყველას ჩაყოლა-დაღუპვა მოჰყვეს“.
"დიდი ალბათობით, ივნისში "ოცნების“ ყრილობა ჩატარდება და კობახიძე პარტიის თავმჯდომარის პოსტს დატოვებს, მის შეფობას კი ღარიბაშვილი ითავებს. კობახიძეს დეპუტატების მხარდაჭერა თითქმის დაკარგული აქვს. ჩემი ინფორმაციით, სულ მალე რამდენიმე დეპუტატი გახარიასთან გადაბარგებას აპირებს. გახარია თვის ბოლოს აფუძნებს პარტიას და "ოცნება“ მანამდე ეცდება დაპირებებით "საეჭვო“ დეპუტატების გადმობირებას. გახარია ჯერ იცდის, პროცესებს აკვირდება. ვასაძის გამოჩენას არც ეგ ელოდა“, - გვეუბნება წყარო.
კვალავ იქნება თუ არა თბილისის მერობის კანდიდატი კახი კალაძე, ესეც გაურკვეველია, თუმცა "ოცნების" შიგნით ლაპარაკობენ იმ დაპირისპირების შესახებ, რომელიც თითქოს მერს ღარიბაშვილსა და კობახიძესთან აქვს.
"კობახიძე კალაძეს ვერ იტანს და იმედი ჰქონდა, რომ მას ღარიბაშვილის ხელით ჩამოიცილებდა. ღარიბაშვილი ღიად ერიდება კობახიძესთან ომს, თუმცა მათი დამოკიდებულების შესახებ ყველასთვის ცნობილია. კალაძის წასვლა ყველას უნდა, მაგრამ თან არა, ვინაიდან ანგარიშგასაწევი ძალაა და მისი მოშორება არაა მარტივი საქმე. კახი რომც გავიდეს გუნდიდან, მას ელექტორატის საკმაოდ მნიშვნელოვანი ნაწილი გაჰყვება, რასაც კობახიძეზე ვერ ვიტყვით. ის და მდინარაძე რომც გაუშვან და ოხანაშვილიც ზედ მიაყოლონ, "ოცნებას“ ამით არაფერი დააკლდება.
კობახიძე ამბობს, "ოცნებას“ 43% ექნება და მე ვიღებ ყველაფერზე პასუხისმგებლობასო, მაგრამ ვერ მიიღებს - იქით გახარია, აქეთ ვასაძე წაართმევს ელექტორატს. ახლა ის მომენტია, როცა ყველა ერთმანეთზეა დამოკიდებული, ღიად რომ დაეჯახონ, შეიძლება გადაჭრილი თოკის ეფექტი იყოს და ყველა დაიღუპოს. სუს-ის ფაქტორიც მნიშვნელოვანია, რომლის სიმპათიაც ღარიბაშვილისკენ იხრება. ლილუაშვილს და გომელაურს გულზე არც კობახიძე ეხატებათ და არც კალაძე“.
"ქართული ოცნებისთვის" კახა კალაძის მნიშვნელობაზე ლაპარაკობს ექსპერტი გია ხუხაშვილიც და აღნიშნავს, რომ თუ კალაძე დარჩა ამ პარტიში, მაშინ მას თბილისის მერობაზე მეტი ამბიცია ექნება.
პოლიტიკური მოვლენების სავარაუდო განვითარებაზე და ლიდერების დაკარგულ თუ შეძენილ შანსებზე ambebi.ge-ს პოლიტოლოგი ვახტანგ ძაბირაძე ესაუბრა:
"ლევან ვასაძის გამოჩენა მოულოდნელი არ ყოფილა. ადვილი მისახვედრი იყო, რომ გარკვეული დროის შემდეგ ის აუცილებლად შემოვიდოდა პოლიტიკაში და ასეც მოხდა - ისეთი დრო შეარჩია, როცა ელექტორატის გარკვეული ნაწილი თავისუფალია, როდესაც პოლიტიკური ასპარეზი დატოვა ივანიშვილმა და მესამე ძალა ისევ მოთხოვნად დარჩა".
პოლიტოლოგი გიორგი გახარიას მიერ დაშვებულ შეცდომებზეც ლაპარაკობს:
"რაც შეეხება გახარიას, მას აქვს თავისი პოლიტიკური კაპიტალი. შესაძლოა მასთან გადაბარგდნენ, მაგრამ ისაა საინტერესო, ეს დეპუტატების რა კატეგორიაა. მეორე - გახარიას ექნება ფრაქცია, მაგრამ ჩემი აზრით, მისი შეცდომა სწორედ ის იყო, რომ პარტიის გამოცხადებამდე ფრაქცია შექმნა. ეს ფრაქცია არც დიდი პოპულარობით სარგებლობს და ამან გახარიას მიმართ ირონია უფრო გამოიწვია, ვიდრე პოზიტიური შეფასება. პოლიტიკაში მესამე ძალის პრეტენზია თუ გაქვს, ჯერ პარტიის პრეზენტაცია უნდა გააკეთო, მერე ფრაქცია შექმნა, მერე გადავიდოდნენ დეპუტატები და ეს გააჩენდა საზოგადოებაში განცდას, რომ გახარია ძლიერდება.
კითხვაზე, მოსალოდნელია თუ არა "ოცნებამ“ უმრავლესობა დაკარგოს და აიღებს თუ არა 43%-ს თვითმმართველობის არჩევნებში, რაც ვადამდელი არჩევნების დანიშვნის განმსაზღვრელი იქნება, ვახტანგ ძაბირაძე ამბობს, რომ გამორიცხული არაფერია:
"არ გამოვრიცხავ ვადამდელ არჩევნებსაც, მაგრამ არ მაქვს იმის მოლოდინი, რომ ეს აუცილებლად ასე იქნება. ხვალ რომ ტარდებოდეს არჩევნები, "ოცნება“43%-ს აიღებს, მაგრამ არ ვიცი, რა იქნება 6 თვის შემდეგ. ისეც მეეჭვება, "ოცნებამ“ დაკარგოს უმრავლესობა, ვინაიდან ასეთი პრაქტიკა ჯერ საქართველოში არ ყოფილა, რომელიმე მმართველ ძალას უმრავლესობა დაეკარგოს პარლამენტში. ისინი, ვინც დავუშვათ, გახარიასთან გადავლენ, მათ რა მოლოდინები აქვთ? ისინი დღეს კარგავენ გავლენას იმ იმედით, რომ 24-ში ისევ მოიპოვებენ? არ ვიცი, გუნდის შიგნით რა დაპირისპირება და რა გადანაწილებებია, ერთი რამ შემიძლია ვთქვა - ივანიშვილს თუ უნდოდა, ღარიბაშვილს დანიშნავდა პარტიის თავმჯდომარედ და არა - კობახიძეს. დღეს რა, ივანიშვილს საერთოდ აღარ ახსოვს, რომ ასეთი პარტია არსებობს საქართველოში? შეიძლება ის ყოველდღიურ პროცესებში არ ერევა, მაგრამ საერთოდ მოწყდა პოლიტიკურ ცხოვრებას? მე როგორც მახსოვს, იყო ჭორები, კობახიძის პრემიერობის სურვილზე, როდესაც საქმეში ჩაერია ივანიშვილი და თქვა, - არა. ასე რომ, დღეს კიდევ ერთი კაცია, რომელსაც სიტყვა ეთქმის "ქართულ ოცნებაში“, მაგრამ ის რას იტყვის, ჯერ არ ვიცით. კულუარული თამაშები არ ვიცი, მაგრამ იმას ვერ ვხედავ, რომ კობახიძემ გავლენა დაკარგა“.
მკითხველის კომენტარები /
94 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სისულელეა ეს ყველაფერი ქართული ოცნება არის ყვეელაზე ეროვნული და ერთმანეთზე თავდავიწყებით შეყვარებული პოლიტ პარტია
Amoxvedit ukve kisershi daabechevet xalxi ukan daxiet qveyana tqve muqtaxorebo 9celia tanjavt qveyanas tqvenc mogicilebt male da tu goniat ro xalxi sulelia cdebit mase egona mishas mudam iqneboda, magram yvelaze didi problema isaa ro aravin ar chans iseti rom am qveyanas chaobidan a moiyvans samcuxarod, memgoni ruseti dagvitrevs uomod nametani bevri moxalatea qveyanashi da sul ase yofila odidganve xmertis imedad vart