"შემოსულია 100-მდე შეტყობინება..." - რა ინფორმაციას ავრცელებს საგანგებო სიტუაციების სამსახური თბილისში უხვი ნალექის გამო შექმნილ სიტუაციაზე?
შინაგან საქმეთა სამინისტროს საგანგებო სიტუაციების მართვის სამსახურის ინფორმაციით, თბილისში მოსული უხვი ნალექის გამო მათთან 100-მდე შეტყობინება შევიდა.
ამის შესახებ უწყების განცხადებაშია ნათქვამი.
"შინაგან საქმეთა სამინისტროს საზოგადოებრივი უსაფრთხოების მართვის ცენტრ "112"-ში თბილისში მოსული უხვი ნალექის გამო, ამ დროისთვის სულ შემოსულია 100-მდე შეტყობინება. მეხანძრე-მაშველები ყველა ლოკაციაზე ახდენენ რეაგირებას.
შეტყობინებების უმრავლესობა საცხოვრებელი სახლების სარდაფების, ეზოების და ქუჩების დატბორვას უკავშირდება.
ქალაქის მასშტაბით, მოსახლეობისთვის დახმარების აღმოჩენის მიზნით, მუშაობს 20-მდე სახანძრო-სამაშველო ჯგუფი.
საგანგებო სიტუაციების მართვის სამსახურში დაშავებულების შესახებ ინფორმაცია არ ფიქსირდება.
ამ დროისთვის შეინიშნება ნალექის კლების ტენდენცია, შეტყობინებების შემოსვლის ინტენსივობა შემცირებულია" - ნათქვამია ინფორმაციაში.
"სადაც წყალი უნდა ჩასულიყო, დახურული იყო პოლიეთილენის პარკებით" - კალაძე განმარტავს, რამ გამოიწვია დიღომის დატბორვა
კახი კავსაძე საზოგადოებამ თეატრიდან ტაშით გააცილა - მსახიობის გამოსვენების კადრები
