მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბალანსის დარღვევა, წელის ტკივილი, გაფანტული სკლეროზი, სქოლიოზი - რა არის აკვა თერაპია, რომელიც ამ და სხვა დაავადების წინააღმდეგ ბრძოლაში დაგეხმარებათ
15:31 / 29-04-2021
ცენტრალური და პერიფერიული ნერვული სისტემის დაზიანებების შედეგად პაციენტებისთვის ცხოვრების ჩვეული, ტრადიციული რიტმის დაბრუნება მარტივი არ არის. კლინიკური მკურნალობის დასრულების და სახლში გაწერის შემდეგ პაციენტები ხშირად დაავადების მართვას წყვეტენ და მეტ-ნაკლებად შეზღუდული შესაძლებლობებით აგრძელებენ ცხოვრებას. რეალურად კი ნერვული სისტემის დაზიანების შემდეგ პაციენტების დიდ უმრავლესობას ნეირორეაბილიტაცია სჭირდება, რაც მას ჩვეული ცხოვრების დაბრუნების უდიდეს შანსს აძლევს. დროულად დაწყებული რეაბილიტაცია მკურნალობის შედეგის ხარისხს ზრდის. მისი დაწყება მოწოდებულია მას შემდეგ, რაც პაციენტის ყველა სასიცოცხლო მაჩვენებელი ნორმალიზდება.
ნეირორეაბილიტაციის სხვადასხვა მეთოდები არსებობს, რომელთა შერჩევაც კონკრეტული დაზიანებისა და პაციენტის ინდივიდუალური მდგომარეობის შესაბამისად ხდება. ბოლო პერიოდში აქტუალური გახდა აკვა თერაპია, რომელიც ნეირორეაბილიტაციის ერთ-ერთი ყველაზე ეფექტური მეთოდია. ნეირორეაბილიტაციის, მისი შესაძლებლობებისა და საჭიროების შესახებ „ნიუ ჰოსპიტალსის“ ნევროლოგიისა და ნეირორეაბილიტაციის დეპარტამენტის ხელმძღვანელი თემურ მარღანია გვესაუბრება.
რა არის ნეირორეაბილიტაცია და რა სახის პროცედურებს მოიცავს?
ზოგადად, რეაბილიტაცია აღდგენას, საწყის მდგომარეობაში დაბრუნებას ნიშნავს. ნეირორეაბლიტაცია - ეს არის მედიცინის დარგი, რომელშიც რეაბილიტაციური მკურნალობა ნერვული სისტემის სხვადასხვა დაზიანების დროს გამოიყენება. დაავადებების სპექტრი საკმაოდ ფართოა და სრულ ნერვულ სისტემას მოიცავს. ეს გულისხმობს როგორც თავის და ზურგის ტვინს, ისე პერიფერიულ ნერვებს.
დაავადების ტიპიდან გამომდინარე ნეირორეაბილიტაციის სხვადასხვა მეთოდი ინიშნება. მათ შორისაა: ფიზიკური თერაპია, მეტყველებითი თერაპია, ელექტროთერაპია, კურორტული მკურნალობა. ბოლო პერიოდში ძალიან პოპულარული გახდა აკვა თერაპია ანუ ჰიდრო თერაპია, რაც წყლით მკურნალობას ნიშნავს.
რა დაზიანებების დროს ინიშნება ნეირორეაბილიტაცია?
ეს შეიძლება იყოს ნერვული სისტემის სხვადასხვა დაავადება. მათ შორის სისხლძარღვოვანი დაზიანებები (სისხლძარღვის დახშობით ან სისხლჩაქცევით გამოწვეული), ტრავმული დაზიანებები, ინფექციური დაავადების შედეგად გამოწვეული დაზიანებები და ფუნქციის ამოვარდნა, სხვადასხვა ქრონიკული დაავადებები.
როგორია სიმპტომები, რომლის დროსაც ნეირორეაბილიტაციის კურსის ჩატარებაა საჭირო?
თავის ტვინის, ზურგის ტვინის, პერიფერიული ნერვების დაზიანება სხვადასხვა სიმპტომებით გამოიხატება. ესენია: მოძრაობის დარღვევა, მეტყველებითი დარღვევა, შემეცნებითი დარღვევები, კოორდინაციისა და მგრძნობელობითი დარღვევები. პაციენტებს აღენიშნებათ ბალანსის, წონასწორობის, გადაადგილების, ადგომა-დაჯდომის შეფერხებები. თითოეული ამ პრობლემის არსებობის დროს ნეირორეაბილიტაციური მკურნალობა არის საჭირო.
ნეირორეაბილიტაციასთან ერთად ინიშნება თუ არა მედიკამენტოზური მკურნალობაც?
აღდგენით ეტაპზე მედიკამენტოზური მკურნალობა ხშირად არ არის ძალიან მნიშვნელოვანი და გადამწყვეტი. მედიკამენტებს კონკრეტული სიმპტომების არსებობის დროს ვიყენებთ, მაგალითად, მომატებული ტონუსის, აღგზნებადობის, წნევის დროს.
როგორც თქვენ აღნიშნეთ, აკვა თერაპია ერთ-ერთი ყველაზე ეფექტური მეთოდია. რას სახის პროცედურებს მოიცავს ის?
აკვა თერაპია წარმოადგენს რეაბილიტაციის მეთოდს, რომელიც ტარდება წყალში, სპეციალურად მოწყობილ აუზში. თერაპიის ეს სახე სასარგებლოა პაციენტებისთვის, რომელთაც აწუხებთ ნევროლოგიური ან საყრდენ-მამოძრავებელი სისტემის დაავადებები. თერაპიის შედეგად ხდება კუნთების რელაქსაცია, სახსრების მოძრაობის გაუმჯობესება და ტკივილის შემცირება, რაც ხშირად თან სდევს ნევროლოგიურ და საყრდენ-მამოძრავებელი აპარატის დაზიანებას.
რა დაავადებების დროს არის რეკომენდებული აკვა თერაპია?
აკვა თერაპია სასარგებლოა ჯანმრთელობის სხვადასხვა მდგომარეობების ან დაავადებების დროს. ესენია: ართრიტი, ნერვული სისტემის ტრავმული დაზიანება, ნერვული სისტემის ანთებითი და ინფექციური დაზიანების შემდგომი პერიოდი, პერიფერიული ნერვული სიტემის დაზიანებები, ბალანსის დარღვევა, ცერებრალური დამბლა, ქრონიკული ტკივილი, სახსრების რეკონსტრუქციული ქირურგია (რეაბილიტაციის პერიოდი), სახსრის ჩანაცვლება - ენდოპროთეზირება (რეაბილიტაციის პერიოდი), წელის ტკივილი, ოსტეოართრიტი, ორთოპედიული დაზიანებები, პარკინსონის დაავადება, გაფანტული სკლეროზი, რევმატოიდული ართრიტი, სქოლიოზი, ზურგის ტვინის დაზიანება, ინსულტი, თავის ტვინის ტრავმული დაზიანება.
რა უპირატესობა აქვს მას თერაპიის სხვა მეთოდებთან შედარებით?
სხვა სახის ფიზიკურ თერაპიასთან შედარებით, აკვა თერაპია უფრო ეფექტურად აჩქარებს გაჯანსაღების პროცესს და ამცირებს ტკივილებს. თერაპიის კურსი ასევე საკმაოდ ეფექტურია სპორტული აქტივობის დაწყებამდე, მაგალითად ათლეტებისთვის, რომელთაც სჭირდებათ სწრაფი რეაბილიტაცია ქირურგიული პროცედურების შემდეგ.
აკვა თერაპია განსაკუთრებით საჭიროა იმ ადამიანებისთვის, რომელთაც აქვთ რაიმე დაზიანება ან უნარშეზღუდულობა, რაც ხელს უშლით სხვადასხვა გამაჯანსაღებელი ვარჯიშების შესრულებაში. კერძოდ, მათ, ვისაც უჭირთ ჩვეულებრივი ვარჯიშების შესრულება, შეუძლიათ მიმართონ აკვა თერაპიას, რადგან წყალი ამარტივებს ვარჯიშის პროცესს და ამავდროულად, პაციენტებისთვის უსაფრთხო გარემოს წარმოადგენს. წყლის ბუნებრივი თვისებები ქმნის იდეალურ თერაპიულ გარემოს, რადგან:
- თბილი წყალი ახდენს სისხლის მიმოქცევის სტიმულირებას, უზრუნველყოფს რელაქსაციას და ამცირებს კუნთებისა და სახსრების ტკივილს.
- ამომგდები ძალა ამცირებს გრავიტაციის ზემოქმედებას დაზიანებულ კუნთებსა და სახსრებზე.
- ჰიდროსტატიკური წნევა საშუალებას აძლევს წონასწორობის დეფიციტის/დარღვევის მქონე ადამიანებს შეასრულონ ვარჯიშები უმტკივნეულოდ და წაქცევის შიშის გარეშე.
- წყლის წინააღმდეგობა სასარგებლოა კუნთების გაძლიერებისთვის.
- რესპირატორული კუნთები ინტენსიურად მუშაობენ წყალში, რასაც დიდი წვლილი შეაქვს პაციენტის გაჯანსაღების პროცესში.
„ნიუ ჰოსპიტალსში“ ვინ ატარებს აკვა თერაპიას?
აკვა თერაპიას ატარებს აკვა თერაპევტი, რომელიც არის სპეციალურად მომზადებული ადამიანი შესაბამისი განათლებითა და გამოცდილებით. კურსის შედგენა ხდება პაციენტის ასაკისა და ჯანმრთელობის მდგომარეობის გათვალისწინებით თერაპიის სპეციალისტის მიერ. „ნიუ ჰოსპიტალსის“ სივრცეში არსებული აკვა თერაპიის აუზი საკმაოდ წარმატებით მუშაობს და ბევრი სასიამოვნო და მოულოდნელი შედეგიც მივიღეთ.
კონსულტაციაზე ჩასაწერად დაუკავშირდით ნიუ ჰოსპიტალსს 032 2 190 190
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
