მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დათრგუნული მასპინძელი უცნაური შესახედია" - რა გავლენას ახდენს მკაცრი რეგულაციები ტურიზმზე და რა რჩევებს აძლევს აშშ-ში მომუშავე მკვლევარი საქართველოს?
20:03 / 27-04-2021
პანდემიამ რომ არნახული ზიანი მიაყენა არაერთ სფეროს, ამაზე დღეს აქტიურად საუბრობენ. განსაკუთრებული ზიანი კი ტურიზმს მიადგა. ეს საკითხი დღეს არაერთი ექსპერტის განხილვის, მსჯელობის თუ კვლევის თემაა. ბიზნესადმინისტრირების ახალგაზრდა ქართველმა დოქტორმა, 22 აპრილს პოლონურ ონლაინჟურნალში "პიარ გლობალი" გამოაქვეყნა სტატია ტურიზმის ზოგად ტენდენციებთან დაკავშირებით.
თამარ მესხიშვილი ამჟამად აშშ-ში იმყოფება და ტურიზმის სფეროში პანდემიით გამოწვეულ პრობლემებს იკვლევს. თუ არსებობს რაიმე სტატისტიკა ან მონაცემები, თუ რა მასშტაბის ზიანი მიადგა ტურიზმის სფეროს პანდემიის გამო და რომელ ქვეყნებზეა მისი კვლევები ორიენტირებული, ამაზე თამარ მესხიშვილი ასე პასუხობს:
"ჩემი კვლევები ძირითადად, მიმართულია საქართველოს, იტალიის და აშშ-ის ტურისტულ სექტორზე. უკვე 1 წელზე მეტია, რაც ჩაკეტილი საზღვრები უდიდეს პრობლემას ქმნის, თუმცა კონკრეტულად აშშ-ზე ამ კუთხით აუცილებლად გასათვალისწინებელია ის სტატისტიკა, რასაც გვაწვდის ამერიკის სამოგზაურო ასოციაცია, U.S.TRAVEL ASSOCIATION. გამომდინარე იქიდან, რომ აღნიშნული ასოციაციის წევრი თავად გახლავართ ვიტყვი, რომ ტურიზმის სფეროში 2019 წელთან შედარებით საერთო ვარდნის მაჩვენებელი -42% გახლავთ, შიდა ტურიზმში იყო ვარდნა -36% და საერთაშორისო ტურიზმში -79%. რაც შეეხება 2021 წელს, პროგნოზი გვიჩვენებს, რომ მოსალოდნელია +23,2% აღდგენა, რაც აშშ-ის შემთხვევაში მეტწილად შიდა ტურიზმის ხარჯზე მოხდება“.
რა ტიპის რეგულაციები რჩება ამერიკაში ძალაში და თავად მოსახლეობა როგორ განწყობაზეა, რესპონდენტი ამბობს, რომ მისი დაკვირვებით, პანდემიამ ზღვარი ერთხელ კიდევ გაავლო დემოკრატიულ, ნაკლებად დემოკრატიულ და არადემოკრატიულ ქვეყნებს შორის. აქედან გამომდინარე, აშშ ერთ-ერთი ის ქვეყანაა, სადაც ყველაზე ნაკლებად შეიძლება საუბარი მკაცრ შეზღუდვებზე. არსებობს შტატები, სადაც პირველი ჩაკეტვის შემდეგ წერტილოვანი შეზღუდვების გარდა, კლასიკური დაკეტვა საერთოდ აღარ განმეორებულა. მთავრობამ დაინახა ზარალის მასშტაბი და კრიზისული მენეჯმენტის მართვის პირობებში ბიზნეს დაუტოვა არეალი, რომლის საშუალებითაც გადარჩენას შეძლებდა.
"მაგალითისთვის, დახურულ სივრცეში არსებული კაფეტერია დაიკეტა და მის ნაცვლად შტატის მიერ გამოყოფილი ბიზნეს დახმარებით იგივე მეპატრონემ გახსნა კაფე ღია სივცეში. აქ ყოველდღიურ ცხოვრებაში ნაკლები სტრესია, ადამიანებმა გაითავისეს, რომ არის კოვიდპანდემია, ეს კი თავისთავად გულისხმობს ვისრუსთან თანაცხოვრებას და ხაზგასმით ვიტყვი, არა ჩაკეტვას - არა გადაშენებას!
ადამიანების უმრავლესობას აქ სჯერა, რომ მთავრობა არის მათ გვერდით და რეალურად მათ ყოველდღიურობაში აისახება კიდეც მთავრობის მხარდაჭერა. ვგულისხმობ ეკონომიკურ პაკეტებს, სამედიცინო მომსახურებას და კრისულ მენეჯმენტს. რაც შეეხება საქართველოსთვის მტკივნეულ თემებს, როგორიც იყო საზოგადოებრივი ტრანსპორტის გაჩერება და დღემდე არის კომენდანტის საათი - აქ ასეთს ადგილი არ ჰქონია. ტრანსპორტი არასდროს გაჩერებულა. კომენდანტის საათიც ძალიან მცირე დროით მოქმედებდა" - დასძენს ქალბატონი თამარი.
საქართველომაც მნიშვნელოვანი ზარალი მიიღო ტურიზმის მიმართულებით და რაში ხედავთ გამოსავალს, როგორ უნდა დაიწყოს ამ სფეროს რეაბილიტირება, მკვლევარი ამბობს, რომ ტურიზმი არის ჩვენი ქვეყნის ერთ-ერთი მნიშვნელოვანი ეკონომიკური დარგი, ქვეყნის განვითარების სერიოზული მიმართულება და მასზე ხელის წამოკვრით, მით უმეტეს, არაპროფესიონალების მიერ გაუწონასწორებელი შეფასებით, საქმე წინ ვერ წავა.
"ორი დღის წინ, ერთ-ერთმა საზოგადოებისთვის ცნობილმა ადამიანმა სამედიცინო სფეროდან, გვითხრა, რომ ნორმალური ადამიანი საქართველოში ტურისტად არ ჩამოვა. იქნებ უბრალოდ შევეცადოთ და ავუხსნათ ამ ადამიანებს თემის სიმძიმე და მისგან გამოწვეული ზარალი" - აღნიშნავს რესპონდენტი.
მისი თქმით, კვლევები სავალალო შედეგებს აჩვენებს, არა მხოლოდ მოგზაურობის მოტივაციის ნაკლებობას, არამედ ინვესტიციების მაჩვენებელიც საკმაოდ დაეცა.
"საქართველო განსაკუთრებულს ვერაფერს მოიფიქრებს და კითხვაზე, როგორ აღვადგინოთ ტურიზმი საქართველოში, ჩემი პასუხი არის - სწორი დაგეგმარება, შიდა ტურიზმის წახალისება და სწრაფი, მასობრივი ვაქცინაცია.
საქართველომ 2020-ის ზაფხულში უკვე დაუშვა შეცდომა და არ აჰყვა იმ კურსს, რომელიც მთელს ცივილიზებულ მსოფლიოს ჰქონდა, ვგულისხმობ ტურისტული სეზონის გახსნას. ჩვენი ქვეყანა დარჩა ჩაკეტილი და შედეგად მივიღეთ ეკონომიკური ზარალი და გაუარესებული იმიჯი. წელს კი არ ხდება მასობრივი ვაქცინაცია, რაც ნიშნავს, რომ 2021 წელი ტურისტული სექტორისთვის კვლავ მძიმე იქნება.
აქვე უნდა ვთქვა, რომ პოლიტიკური კრიზისი ნამდვილად არ უწყობს ხელს ტურისტულ ბიზნესს, უფლებაშეზღუდული და დათრგუნული მასპინძელი ცოტა უცნაური შესახედია. ეს ფსიქოლოგიური წნეხი თუ არ მოიხსნა, დავკარგავთ იმ მასპინძლობის ხარისხს, რომელიც ასეთი ბუნებრივი, უშუალოა, მიმზიდველს ხდის ჩვენს ქვეყანას და შთაბეჭდილებას ახდენს ტურისტზე. ყველამ უნდა გაიაზროს ის საფრთხეები, რაც ქვეყენას არაერთი მიმართულებით ელოდება და უნდა მოიძებნოს არა რომელიმე კონკრეტული პარტიისთვის, არამედ ქვეყნისთვის მომგებიანი წინადადებები და შეთანხმებები“ - აღნიშნავს თამარ მესხიშვილი.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ისე თუ ჩაუკვირდებით, ამათი აზრით, ოღონდ ფულმა იტრიალოს და ხალხი თუ შეცოტავდება სამყაროში, არაუშავსო ეგრე გამოდის
ძალიან ჯანსაღი და სწორი აზრი ,!!!))